Friday 13 March 2015

ပညာရေးဥပဒေ လွှတ်တော်ကြားနာပွဲ မြေလတ်နဲ့ တကသ တက်မယ်

လက်ပံတန်းမှာ ကျောင်းသားသပိတ် စစ်ကြောင်း အင်္ဂါနေ့က ဖြိုခွင်းခံရပေမယ့် ဗမာ နိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် မြေလတ်ဒေသနဲ့ တက္ကသိုလ် ကျောင်းသားများ သမဂ္ဂအဖွဲ့ (တကသ) ကျောင်းသားတွေကတော့ ပညာရေး ဥပဒေမူကြမ်း နဲ့ပတ်သက်ပြီး မတ်လ (၁၆)ရက်နေ့ အမျိုးသားလွှတ်တော် ကြားနာပွဲကို တက်ရောက်မယ်လို့ ပြောကြားလိုက်ပါတယ်။

တက်ရောက်မှုကိုလည်း ညှိနှိုင်းဆောင်ရွက်မှုနဲ့ သဘောတူညီချက်အတိုင်း ဆက်သွားမှာဖြစ်တယ်လို့ တကသ ခေါင်းဆောင် တစ်ဦးဖြစ်တဲ့ ကိုဇေယျာလွင်က ပြောပါတယ်။
တဘက်မှာတော့ ဗကသ ကျောင်းသား ကိုယ်စားလှယ် ကိုအောင်နေပိုင်က မြေလတ်နဲ့ တကတ တို့ရဲ့ ဆုံးဖြတ်ချက်အပေါ် ဘာမှာ မဖြေမပေးလိုဘူးလို့ ဆိုပါတယ်။ သူတို့ ဗကသ အနေနဲ့ ကတော့ ကျောင်းသား ခေါင်းဆောင်တွေ အဖမ်းခံထားရတဲ့အတွက် ကြားနာပွဲကို တက်ရောက်မှာ မဟုတ်ဘူးလို့ ပြောပါတယ်။
တကယ်တော့ ဒီမိုကရေစီ ပညာရေးလှုပ်ရှားမှု ဦးဆောင်ကော်မတီကို ဗကသများ အဖွဲ့ချုပ် မြေလတ်ဒေသ အဖွဲ့ဝင် (၃) ဦး၊ တကသ အဖွဲ့ဝင် (၆)ဦး ၊ နဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်က (၆) ဦးစီနဲ့ ဖွဲ့စည်းထားတာပါ။
၁၆ ရက်နေ့ ပြန်လည် ကြားနာမယ့် အစီအစဉ်ကို အမျိုးသားလွှတ်တော် ကနေ ကျောင်းသားတွေ နဲ့ NNER က ကိုယ်စားလှယ်တွေ တက်ရောက်ဖို့ ဖိတ်ကြားထားတာဖြစ်ပါတယ်။
အစတုန်းကတော့ ဒီလွှတ်တော် ကြားနာမှုကို အခုလ (၅) ရက်နေ့ ကနေ (၁၅) ရက်နေ့အထိ လုပ်ဖို့ သဘောတူထားခဲ့တာပါ။ ဒါပေမယ့် လက်ပံတန်းမှာ ပင်မ သပိတ်စစ်ကြောင်း အပိတ်ခံထားရတဲ့အတွက် ဆိုပြီး ကျောင်းသားတွေ နဲ့ NNER ဘက်က မတက်ရောက်ခဲ့ဘဲ ကြားနာမှုလည်း ပျက်သွားခဲ့ရပါတယ်။
မတ်လ (၁၆) ရက်နေ့မှာ လုပ်မယ့် လွှတ်တော် ကြားနာပွဲ ပထမဆုံးနေ့မှာ ကျောင်းသားတွေက စတင် ဆွေးနွေးမှာဖြစ်ပြီး နောက်နေ့တွေမှာတော့ NNER ၊ အစိုးရနဲ့ လွှတ်တော်တွေဘက်က တစ်ရက်စီ ဆွေးနွေးရမှာ ဖြစ်ပါတယ်။
ပထမ တခေါက် လွှတ်တော်ကြားနာပွဲတုန်းက မတက်ခဲ့တဲ့ NNER ဘက်က ဒီတခေါက် ဆွေးနွေးပွဲ တက်ရောက်မလား ဆိုတာကိုတော့ လောလောဆယ် ဆွေးနွေးနေဆဲဖြစ်ပြီး ဆုံးဖြတ်ချက် မချရသေးဘူးလို့ NNER ကိုယ်စားလှယ်တွေက ပြောပါတယ်။
BBC

No comments:

Post a Comment