ဝုန်းဒိုင်းကျဲနေတဲ့ လေဆင်နှာမောင်းကြီး တစ်ခုကို ကျောနောက်မှာ ထားပြီး Selfie ရိုက်တယ် ဆိုတာ အင်မတန် အန္တရာယ် များတဲ့ အလုပ်တစ်ခုလို့ ပြောနိုင်ပါ တယ်။ ဒါပေမဲ့ ဒီအလုပ်ကို သြစတြေးလျ နိုင်ငံသား တယ်ရီ တက်ဖာဆင်က အောင်မြင်စွာ လုပ်ဆောင်ပြ နိုင်ခဲ့ပါတယ်။
သူက သြစတြေးလျ နိုင်ငံရဲ့ ကန္တာရထဲမှာ တိုက်ခတ်နေတဲ့ လေဆင်နှာမောင်း တစ်ခုနဲ့ တွဲပြီး ဗီဒီယို ရိုက်ဖို့ ကြိုးပမ်းခဲ့ တာပါ။ သူ့ရဲ့ ကြိုးပမ်းမှုက အောင်မြင်ခဲ့ပြီး တစ်မိနစ် ကျော်ကျော်လေး ကြာမြင့်တဲ့ ဗီဒီယို တစ်ခုကို You Tube မှာ တင်နိုင်ခဲ့ ပါတယ်။ ဒီဗီဒီယိုကို သူလွယ်လွယ် ကူကူ ရခဲ့တာတော့ မဟုတ်ပါဘူး။ လေ ဆင်နှာမောင်းကြီးကို နောက်ခံ ထားပြီး ဗီဒီယို ရိုက်နေစဉ်မှာပဲ အဲဒီ လေဆင်နှာမောင်းကြီးက သူရှိရာ တည့်တည့်ကို ခတ်မြန်မြန် ရွှေ့လျားလာ ခဲ့လို့ သူ့မှာ အသည်း အသန်ပဲ ကားဆီကို ပြန်ပြေးခဲ့ရပါတယ်။ သူ့ရဲ့ ဗီဒီယိုထဲမှာ ကားထဲ ပြန်ရောက်ပြီးချိန်ထိ “ဘုရား၊ ဘုရား”နဲ့ အော်နေသံ ကိုပါ ကြားနိုင်ပါတယ်။
တယ်ရီ တက်ဖာဆန်ဟာ ပြီးခဲ့တဲ့ ဇွန်လတုန်းကလည်း ဆစ်ဒနီ ဆိပ်ကမ်းမှာ ငါးမန်းဖြူတစ်ကောင်နဲ့ အတူ ရေကူးတဲ့ ဗီဒီယိုကို တင်ခဲ့ပါသေးတယ်။ ဒါပေမဲ့ အဲဒီတုန်းကတော့ သူ့ရဲ့ ဗီဒီယိုဟာ ဖြတ်ညှပ်ကပ် ကြီးပါလို့ ဝေဖန်ခံခဲ့ရပါတယ်။ ဒီနောက်ခံ အဖြစ်အပျက်ကြောင့် သူ့ရဲ့ အခု လေဆင်နှာမောင်းနဲ့ ဗီဒီယိုကိုလည်း ကြည့်ရှုသူ အချို့က အထင်တကြီး ရှိခဲ့ကြပေမယ့် တချို့ကလည်း အတုကြီးလို့ ဝေဖန်နေကြပြီး တက်ဖာဆန်ရဲ့ ဗီဒီယို တည်းဖြတ်မှု ပညာဟာ ဟောလိဝုဒ်က ပညာရှင်တွေ ထက်တောင် ထူးချွန်ပါပေတယ်လို့ အရွဲ့တိုက် နေကြ ပါတယ်။
ဗီဒီယိုကို အောက်က လင့်ခ်မှာ သွားကြည့်နိုင် ပါတယ်။
https://www.youtube.com/watch?v=P7aRR86VfTY
Mizzima - News in Burmese
No comments:
Post a Comment