ကရင်ပြည်နယ် ဘားအံ အကျဉ်းထောင်၌ မူးယစ် ဆေးဝါးမှုဖြင့် အချုပ်ခံ နေရသော ခင်ပွန်းဖြစ်သူထံသို့ ၎င်း၏ ဇနီးဖြစ်သူက စိတ်ကြွရူးသွပ်မူးယစ် ဆေးပြား ပေးပို့ရန် ကြိုးပမ်းစဉ် ဇူလိုင် ၂၆ ရက် နံနက် ၁ဝ နာရီ ၁၅ မိနစ်က ဘားအံ အကျဉ်းထောင် တာဝန်ကျ ဝန်ထမ်းများနှင့် ကရင်ပြည်နယ်ရဲတပ်ဖွဲ့ဝင်များ ပူးပေါင်း ဖော်ထုတ် ဖမ်းရမိခဲ့ကြောင်း သိရသည်။
အမှုဖြစ်စဉ်နှင့်ပတ်သက်၍ စိတ်ကြွဆေးပြားများကို အကျဉ်းထောင် အတွင်းသို့သယ်ဆောင်တင်သွင်းခဲ့သူ မဝါဝါအောင်(ခ)မယဉ်ယဉ်အေးအား ဘားအံမြို့မရဲစခန်းက အမှုဖွင့်လှစ်ခဲ့ပြီး ပြစ်မှုကျူးလွန်သူများအား ဖမ်းဆီးရမိ ရေးဆောင်ရွက်ခဲ့သည်။ ဆက်လက်၍ အကျဉ်းထောင်အတွင်း WY စိတ်ကြွဆေးပြားများ သယ်ဆောင် လာသူ မဝါဝါ အောင်(ခ)မယဉ်ယဉ်အေးအား စစ်ဆေးရာ ၎င်းဆေးပြားများအား ခင်ပွန်းဖြစ် သူ၏ သူငယ်ချင်းဖြစ်သော ဥာဏ်လင်း (၂၈)နှစ် ဆိုသူက ဇူလိုင်၂၆ ရက် နံနက် ၉ နာရီက မဝါဝါအောင်(ခ) မယဉ်ယဉ်အေးအား ဘားအံအကျဉ်းထောင်ရှိ ခင်ပွန်းဖြစ်သူထံဧည့်တွေ့ လာရောက်စဉ် ထောင်ရှေ့ လမ်းမတွင် ဆေးပြားပါသော မုန့်ထုပ်အားလာပေး၍ ယူလာရခြင်းဖြစ်ကြောင်း စစ်ဆေးပေါ်ပေါက်ခဲ့ရာ ဘားအံမြို့မရဲစခန်းက ပြစ်မှုကျူးလွန်သူအဖြစ် စစ်ဆေးဆောင်ရွက်လျက်ရှိကြောင်း သိရသည်။
ထွန်းထွန်းထွေး(ဘားအံ)
Myanmaalinn
No comments:
Post a Comment