ရခိုင်ပြည်နယ် တည်ငြိမ်အေးချမ်းရေးနဲ့ ရခိုင်တိုင်းရင်းသားတွေနဲ့ မွတ်စလင်တွေအကြား ပြဿနာတွေကို ဖြေရှင်းနိုင်ဖို့ ၁၉၈၂ ခုနှစ် မြန်မာနိုင်ငံသားဥပဒေကို အစိုးရက အမြန်ဆုံး အကောင်အထည်ဖော် ဆောင် ရွက် သင့်ကြောင်း စစ်တွေမြို့မှာ ကျင်းပနေတဲ့ ဒုတိယအကြိမ်မြောက် ရခိုင်ပြည်နယ်လုံးဆိုင်ရာ စည်းကမ်း ထိန်းသိမ်းရေးနဲ့ ကူညီစောင့်ရှောက်ရေး ရဟန်းတော်များ ညီလာခံကနေ တိုက်တွန်းလိုက်ပါတယ်။
ဆွေးနွေးပွဲနောက်ဆုံးနေ့မှာ အစိုးရကို တိုက်တွန်းတောင်းဆိုဖို့ ဆုံးဖြတ်ခဲ့တာတွေနဲ့ ပတ်သက်ပြီး စစ်တွေမြို့ စည်းကမ်းထိန်းသိမ်းရေးနဲ့ ကူညီစောင့်ရှောက်ရေး ရဟန်းတော်များအဖွဲ့ နာယကဆရာတော် အရှင် စန္ဒဝရ က မိန့်ကြားပါတယ်။
"ဦးဇင်းတို့ ဆုံးဖြတ်ချက်ကတော့ ၁၂ ချက်လောက် ရှိတယ်ပေါ့နော်၊ အဲဒီမှာ အစိုးရကိုတောင်းဆိုဖို့ အချက် ၄ ခုပါတယ်၊ ၁၉၈၂ ဥပဒေ အမြန်ဆုံး ဖော်ဆောင်ပေးဖို့၊ ရခိုင်ပြည်နယ်မြေဒေသ လုံခြုံမှုရှိအောင် စောင့် ရှောက် ပေးဖို့ တောင်းဆိုမယ်ဆိုပြီး ဆုံးဖြတ်ကြတယ်"
ဒါ့အပြင် မောင်တောနယ်စပ်ဒေသကို လုံခြုံအောင်ဆောင်ရွက်ရေး တောင်းဆိုချက်ကိုလည်း သံဃာတော် တွေ လက်မှတ်စုပေါင်းရေးထိုးပြီး အစိုးရကို ပေးပို့တောင်းဆိုသွားမှာ ဖြစ်တယ်လို့လည်း သိရပါတယ်။
မြို့နယ်အဆင့် စည်းကမ်းထိန်းသိမ်းရေးနဲ့ ကူညီစောင့်ရှောက်ရေး ရဟန်းတော်များအဖွဲ့ကို ပြည်နယ် အဆင့် ထိ တိုးချဲ့ဖွဲ့စည်းသွားမယ်လို့လည်း ဒီနေ့ ဆုံးဖြတ်ခဲ့ကြတယ်လို့ သိရပါတယ်။ စည်းကမ်းထိန်းသိမ်းရေးနဲ့ ကူညီ စောင့်ရှောက်ရေး ရဟန်းတော်များအဖွဲ့ဟာ ရခိုင်ပြည်နယ်မှာ ၂၀၁၂ ခုနှစ် ဇွန်လက ရခိုင်တိုင်း ရင်း သား တွေနဲ့ မွတ်စလင်တွေအကြား ဖြစ်ပွားခဲ့တဲ့ ပဋိပက္ခတွေနောက်ပိုင်း ဖွဲ့စည်းထားတဲ့ သံဃာ့အဖွဲ့ အစည်း ဖြစ်ပါတယ်။
RFA Burmese
No comments:
Post a Comment