ရှမ်းပြည်နယ် (တောင်ပိုင်း) ပင်လောင်းမြို့နယ် ၊ ကျောင်းယ ကျေးရွာ တွင် ယမန်နေ့ ည ၁ဝ နာရီက စိတ်မနှံသူ တစ်ဦးအား ကျေးရွာ ကာလသား များက ဝိုင်းရိုက်နှက် သဖြင့် သေဆုံးမှု တစ်ခု ဖြစ်ပွား ခဲ့ကြောင်း သိရသည်။
ဖြစ်စဉ်မှာ ခွန်မောင်ယန်း ၃၉နှစ် (ဘ) ဦးနစ်၊ ကျောင်းယ ကျေးရွာ၊ ပင်လောင်းမြို့နယ် နေသူ၏ တူတော်စပ်သူ တီးလာ ၂၈နှစ် (ဘ) ဦးမောင် (စိတ်မနှံ) သူသည် ဒဏ်ရာများဖြင့် နေအိမ်တွင် လဲနေကြောင်း သိရသဖြင့် သွားရောက် ကြည့်ရှုရာ တီးလာ တွင် နှာခေါင်း ပြတ်ရှဒဏ်ရာ၊ ဝဲ/ယာ လက်မောင်း ရိုးကျိုး/ညိုမဲ ဒဏ်ရာ များဖြင့် သေဆုံး နေကြောင်း တွေ့ရှိ ရသဖြင့် ကျေးရွာ အုပ်ချုပ်ရေးမှူး အား အကြောင်းကြား ခဲ့ပြီး တီးလာ သေဆုံးမှု နှင့် ပတ်သက်၍ စုံစမ်း မေးမြန်းရာ တီးလာမှာ တစ်ရွာတည်းနေ လှကျော်၏ ကြောင်အား ခိုးယူ ချက်ပြုတ် စားသောက် ခဲ့ခြင်းကြောင့် ကျေးရွာ လူပျိုအဖွဲ့ များဖြစ်သည့် နေမင်းထွန်း၊ အောင်သောင်း၊ လှကျော်၊ အောင်သိန်း၊ ဘသန်း၊ သိန်းဇော်၊ စိုးလွင်၊ တီးပု၊ ဇော်ဝမ်း တို့မှ ဝါးရင်းတုတ် ဖြင့် ဝိုင်းဝန်း ရိုက်နှက်ရာ တီးလာ မှာ ရရှိသော ဒဏ်ရာ များဖြင့် သေဆုံးခြင်း ဖြစ်ကြောင်း သိရသည်။
ထို့ကြောင့် စိတ်မနှံ့ သူအား ဝိုင်းရိုက်နှက် ကြသည့် နေမင်းထွန်း ၂၇ နှစ် (ဘ) ဦးဗွာ၊ အောင်သောင်း ၁၉ နှစ် (ဘ) ဦးဝင်း၊ လှကျော် ၁၉ နှစ် (ဘ) ဦးတင်ငြိမ်း၊ အောင်သိန်း ၂ဝ နှစ် (ဘ) ဦးဝင်း၊ ဘသန်း ၂ဝ နှစ် (ဘ) ဦးစွဲ၊ သိန်းဇော် ၁၈ နှစ် (ဘ) ဦးတီးတောင်၊ ဇော်ဝမ်း ၂ဝ နှစ် (ဘ) ဦးလွန်းပေါ်၊ စိုးလွင် ၂ဝ နှစ် (ဘ) ဦးထုံ (တိမ်းရှောင်)၊ တီးပု ၁၈ နှစ် (ဘ) ဦးအေး (တိမ်းရှောင်) တို့အား ပင်လောင်း မြို့မ ရဲစခန်းမှ (ပ) ၂ဝ/၂ဝ၁၄၊ ပြစ်မှု ၃ဝ၂/၁၁၄ အရ အမှုဖွင့် အရေးယူ ဆောင်ရွက်လျှက် ရှိ ကြောင်း သိရှိရသည်။
Themyawadydaily
No comments:
Post a Comment