ဆယ်စုနှစ်တစ်စုကျော်ကြာ ပိတ်ထားခဲ့သော မူလပထမ ရန်ကုန်နည်းပညာ တက္ကသိုလ် ပြန်ဖွင့်ပြီ

၁၃ နှစ်ကြာ ပိတ်ပင်ထားသည့် မြန်မာနိုင်ငံ၏ အထင်ကရ တက္ကသိုလ်တစ်ခုဖြစ်သော ရန်ကုန်နည်းပညာ တက္ကသိုလ် (ယခင်ရန်ကုန် စက်မှုတက္ကသိုလ်) ကို ဒီဇင်ဘာ ၃ ရက်ကပြန်လည် ဖွင့်လှစ်လိုက်ပြီဖြစ်ကြောင်းသိရသည်။

အဆိုပါ တက္ကသိုလ်ကြီးအား ၁၉၉၉ ခုနှစ်မှ စတင်ကာ ကျောင်းသူ၊
ကျောင်းသားသစ်များ တက်ရောက်နိုင်ခွင့် မရှိတော့ဘဲ ပိတ်ပင်
ခံခဲ့ရခြင်းဖြစ်ကာ ယခုအခါ အဆိုပါ တက္ကသိုလ်ကြီးတွင် ခြောက်နှစ် အင်ဂျင်နီယာဘွဲ့ သင်တန်းများ ပြန်လည်လက်ခံခဲ့ခြင်း ဖြစ်သည်။
“ဒီကျောင်းကို ပြန်ဖွင့်နိုင်ဖို့ အဆင့်မြင့်အဖွဲ့ တစ်ဖွဲ့ ဖွဲ့စည်းပြီးတော့ဆောင်ရွက်ခဲ့တာ ဖြစ်ပါတယ်။ ဒီအဖွဲ့ကို နည်းပညာဒုဝန်ကြီးဟောင်းလဲဖြစ် ဒီကျောင်းပါမောက္ခချုပ် (ငြိမ်း) ဦးညီလှငယ်က ဦးဆောင်ပြီး အဆင့်မြင့် သင်ရိုးညွှန်းတမ်းတွေကို ရေးဆွဲပြီး ဆောင်ရွက်ခဲ့တာ ဖြစ်ပါတယ်” ဟု အဆိုပါကျောင်းမှ တာဝန်ရှိ သူတစ်ဦး က ပြောသည်။
အဆိုပါ ရန်ကုန်နည်းပညာ တက္ကသိုလ်နှင့်အတူ မန္တလေးနည်းပညာ တက္ကသိုလ်တွင်လည်း အလားတူ ခြောက်နှစ် အင်ဂျင်နီယာဘွဲ့ သင်တန်းများကို ဖွင့်လှစ်သွားမည် ဖြစ်ကြောင်း သိရသည်။
ယင်းသို့ ရန်ကုန်စက်မှုတက္ကသိုလ် ပြန်လည်ဖွင့်လှစ်နိုင်မှုနှင့် ပတ်သက်၍ ကျောင်းသားဟောင်းဖြစ်သူ ဦးလှဝင်းက “ဒီကျောင်းဖွင့်ဖို့ဆိုပြီး နည်းပညာ ပြည်ထောင်စုဝန်ကြီးဟောင်း ဦးအေးမြင့်နဲ့ ဦးညီလှငယ်တို့ စပြီးကြိုးစားခဲ့တာပါ။ နောက် ဒီကျောင်းကြီးကို ပြန်လည်ပြုပြင်ရတာတွေ လုပ်ရပါတယ်။ ဒီလို ပြုပြင်တဲ့နေရာမှာ အစိုးရသာမက အလှူရှင်တွေပါပေါင်းပြီး လုပ်ခဲ့ရတာ ဖြစ်ပါတယ်။ သင်ရိုးညွှန်းတမ်းကို ရေးဆွဲရပါတယ်။ ဒီနှစ်ကစပြီး ၁၀ တန်းအောင်တဲ့ ကလေးတွေကို ခြောက်နှစ်ဘွဲ့ သင်တန်းတွေ ဖွင့်နိုင်ပါပြီ။ ပညာရေးစနစ်က ၂၀၀၀ ပြည့်နှစ်မှာ ၁၀ တန်းအောင်ကနေ GTC ကနေ B.Tech၊ နောက် B.E ဆိုပြီး စနစ်ပြောင်းသွားခဲ့တယ်။ အခုတော့ တိုက်ရိုက် B.E စနစ်
ပြောင်းလဲခဲ့ပြီ ဖြစ်ပါတယ်။ အရင်စနစ်က ပညာရေးမှာ အဆင်မပြေခဲ့တာတွေ ဖြစ်လာခဲ့တဲ့အတွက် ဒီလိုပြန်လည် မြှင့်တင်ခဲ့တာ ဖြစ်ပါတယ်” ဟု ပြောပြခဲ့ကြောင်း ၂၀၁၂ ခုနှစ် ဒီဇင်ဘာလ ၆ ရက်နေ့ထုတ် ရန်ကုန်တိုင်း(မ်) ဂျာနယ်တွင် ဖော်ပြထားပါသည်။

Khit Lu Nge