Wednesday 7 November 2012

07.11.2012 နေ့ဖတ်ရန်သတင်းများ


မုန်တိုင်းဒဏ်ခံတွေ မဲပေးနိုင်ရေး
တချို့ တဲထိုးပြီး မဲပေး ရအရင် ပတ်က မုန်တိုင်းဒဏ် အပြင်းအထန် ရင်ဆိုင် လိုက်ရပြီး အသား မသေ သေးတဲ့ အမေရိကန် အရှေ့ပိုင်း နေရာ အတော် များများမှာ မဲပေးရ လွယ်အောင် အထူး စီမံ ပေးနေပါတယ်။နယူးယော့ က မဲရုံ အများစု ပုံမှန် အတိုင်း အလုပ်လုပ် နေတယ်လို့ ဆိုပါတယ်။
တချို့ နေရာ တွေမှာ တဲထိုးပြီး မဲပေး ရတာပါ။


အရေးပေါ် အခြေအနေ ကြေညာ ထားတဲ့ အချိန်မှာ ပြည်သူတွေ အဆင်ပြေတဲ့ နေရာမှာ မဲပေးခွင့် ပြု ထားပြီး သူတို့ အတွက် အထူး ဘတ်စ်ကားတွေလဲ ပြေးဆွဲပေး ပါတယ်။
ဒီမုန်တိုင်းကြောင့် မဲပေးခွင့် ဆုံးရှုံးမှာကိုလဲ ပြည်သူတွေက စိုးရိမ် ခဲ့ကြတာပါ။ ဒီလို မဲပေးယာဉ်တွေကြောင့် သာ အဆင်ပြေပြေ မဲပေးနိုင်ခဲ့ကြပါတယ်။
စန္ဒီ မုန်တိုင်းကြီး ဒဏ်ကို အလူးအလဲ ခံလိုက်ရတဲ့ နယူးဂျာစီ ပြည်နယ် မှာ အီးမေးလ်၊ ဖက်စ် တွေနဲ့ မဲပေးခွင့် ပြုထားတာကို တွေ့ရပါတယ်။
ဗုဒ္ဓဟူး နေ့မှာ မုန်တိုင်းတခု ချဉ်းကပ် လာနေလို့ နယူးယော့က ပန်းခြံနဲ့ ရေချိုးဆိပ် တွေကို ပိတ်ထားမယ်လို့ မြို့တော်ဝန် ဘလွန်းဘတ်က ကြေညာ ထားပြီး အနိမ့်ပိုင်းက ပြည်သူတွေကို ဘေးလွတ်ရာ ရွှေ့ဖို့ ပြင်ဆင် နေပါတယ်။
ဒီမုန်တိုင်းကြောင့် နယူးယော့၊ နယူးဂျာစီ၊ မေရီလန်း၊ ဗာဂျင်းနီးယား ပြည်နယ် ကမ်းရိုးတန်း တွေမှာ မုန်တိုင်း ဒီရေတွေ တက်ပြီး လေပြင်းကျ လိမ့်မယ်လို့ ခန့်မှန်း ထားပါတယ်။

၈၂နိုင်ငံသား ဥပဒေကို ပြန်ဆွဲဖို့ အဆို ရုပ်သိမ်း
၈၂နိုင်ငံသား ဥပဒေကို ပြန်ဆွဲစရာမလိုလို့ လွှတ်တော် ကိုယ်စားလှယ်တွေ ကပြောလိုက်
လက်ရှိ ကျင့်သုံး နေတဲ့ ၁၉၈၂ နိုင်ငံသား ဥပဒေကို ဖျက်သိမ်းပြီး ဥပဒေသစ် ပြန်လည် ရေးဆွဲဖို့ အမျိုးသား လွှတ်တော်မှာ တင်သွင်း ထားတဲ့ အဆိုကို အဆိုရှင်က ပြန်ရုပ်သိမ်း လိုက်ရ ပါတယ်။
၁၉၈၂ ခုနှစ် နိုင်ငံသား ဖြစ်မှု ဥပဒေဟာ လက်တွေ့ အကောင်အထည်ဖေါ် ဆောင်ရွက်လို့ရနေတာကြောင့် အသစ် ပြန်လည် ရေးဆွဲစရာ မလိုဘူးလို့ လွှတ်တော် အမတ် အတော်များများက ဆွေးနွေးခဲ့တာ ဖြစ်တယ်လို့ အမျိုးသား လွှတ်တော်အမတ် ဦးဖုန်းမြင့်အောင်က ရှင်းပြပါတယ်။
အဆိုတင်သွင်း သူက အဲဒီ ဥပဒေဟာ နှစ်ပေါင်း ၃၀ လောက်ရှိနေပြီ ဖြစ်ပြီး ခေတ်၊ စနစ်နဲ့ မလျော်ညီ တာတွေ ရှိကြောင်း၊ အဲဒီ ဥပဒေကို လေ့လာကြည့် ရာမှာ ပြင်ဆင် ရမယ့် အချက်တွေ အများအပြား တွေ့ရတဲ့ အတွက် ပြန်ပြီး ပြင်ဆင် နေမယ့်အစား ဖျက်သိမ်းလိုက်ပြီး အသစ် ပြန်ဆွဲဖို့ အတွက်ကို ပြောခဲ့တာ ဖြစ်ပါတယ်။
ဒါပေမယ့် လွှတ်တော် ကိုယ်စားလှယ်တွေ ထဲက အများစုက ဒီဥပဒေဟာ ၁၉၄၈ နိုင်ငံသား ဥပဒေရဲ့ အားနည်းချက်တွေ ကနေ သင်ခန်းစာ ယူပြီး ရေးဆွဲထား တဲ့အတွက် ပြည့်စုံ လုံလောက် နေတယ်လို့ ပြောခဲ့ကြပါတယ်။ ဒါပေမယ့် အဲဒီ ဥပဒေ ရေးဆွဲစဉ်က လမ်းစဉ် ပါတီခေတ် ဖြစ်လို့ အဲဒီ အထဲမှာ ပါတဲ့ အသုံးအနှုန်း တွေနဲ့ ဒဏ်ကြေးတွေ ကိုတော့ ပြင်ဖို့ လိုအပ်မယ်လို့ ပြောခဲ့ကြပါတယ်။
၁၉၈၂ ခုနှစ် နိုင်ငံသား ဖြစ်မှု ဥပဒေ အရဆိုရင် ၁၉၄၈ ခုနောက်ပိုင်း မြန်မာနိုင်ငံကို ဝင်ရောက် နေထိုင်သူတွေကို မြေးအဆင့် တတိယ မျိုးဆက်ကို နိုင်ငံသား အဖြစ် အသိအမှတ် ပြုပေးဖို့ ပါဝင် နေပါတယ်။                    

မြန်မာ့အပြောင်းအလဲ ဗြိတိန်ချီးကျူး
အဓိကကျတဲ့ မြန်မာ့နိုင်ငံရေးနဲ့ စီးပွားရေး ပြုပြင်ပြောင်းလဲမှုတွေကို အခုလောက် အထိ အောင်မြင်အောင် ဆောင်ရွက်နိုင်ခဲ့တဲ့အပေါ် ချီးကျူးဂုဏ်ယူပါကြောင်း လာအိုနိုင်ငံမှာ ကျင်းပတဲ့ အာဆီယံ EU ထိပ်သီး အစည်းအဝေးရဲ့ သီးခြား တွေ့ဆုံပွဲမှာ ဗြိတိန် နိုင်ငံခြားရေးဝန်ကြီး William Hague က ပြောလိုက်ပါတယ်။

ဇန်နဝါရီလက တွေ့ဆုံမှုအပြီး အခု တကြိမ် မြန်မာ သမ္မတ ဦးသိန်းစိန်နဲ့ တွေ့ဆုံမှုအတွက် ဝမ်းမြောက် ဝမ်းသာဖြစ်ရကြောင်း နိုဝင်ဘာလ ၆ ရက်နေ့က ကျင်းပတဲ့ အစည်းအဝေးအပြီးမှာ ဗြိတိန် နိုင်ငံခြားရေး ဌာနက အခုလို ကြေညာချက် ထုတ်ပြန် ပြောဆိုလိုက်တာ ဖြစ်ပါတယ်။

ရခိုင်ဒေသက အကြမ်းဖက် ပဋိပက္ခတွေနဲ့ လူမှု ပြဿနာတွေအတွက် စိုးရိမ်ပူပန်မိကြောင်းနဲ့ မြန်မာအစိုးရက ဗြိတိန်သံအမတ်ကြီးကို ရခိုင်ဒေသထဲ သွားရောက် လေ့လာ ကြည့်ရှုခွင့်ပေးတဲ့အတွက် ကျေးဇူးတင်ပါကြောင်းလည်း ဖော်ပြထားပါတယ်။ ရိုဟင်ဂျာ နိုင်ငံသားဖြစ်မှု ဆိုင်ရာ ပြဿနာကို ဖြေရှင်းပေးဖို့နဲ့ အကြမ်းဖက်မှုတွေ အဆုံးသတ်စေဖို့ကိုလည်း တတ်အားသမျှ ဝိုင်းဝန်းဆောင်ရွက်ပေးဖို့ မြန်မာနိုင်ငံက နိုင်ငံရေး ပါတီတွေကို တိုက်တွန်းထားပါတယ်။

ဗြိတိန်နဲ့ မြန်မာအစိုးရကြား တာဝန်ယူမှုရှိတဲ့ စီးပွားရေးနဲ့ ရင်းနှီးမြှုပ်နှံမှု တိုးမြှင့်ဆောင်ရွက်ဖို့ နှစ်နိုင်ငံ ဆက်ပြီး ပူးပေါင်းဆောင်ရွက်သွားဖို့ အတွက်လည်း အားပေး တိုက်တွန်းပါတယ်။ မြန်မာသမ္မတ ဦးသိန်းစိန်လည်း လာမယ့်နှစ်ထဲမှာ ဗြိတိန်နိုင်ငံကို လာရောက် လည်ပတ်မယ်လို့ မျှော်လင့်ကြောင်း ဖော်ပြထားပါတယ်။

လွတ်လပ်စွာကုန်သွယ်ရေးတိုးမြှင့်ဖို့ ASEM ခေါင်းဆောင်တွေ သဘောတူ
တရုတ်နိုင်ငံရဲ့စီးပွားရေးဟာ ကမ္ဘာ့စီးပွားရေးပြန်ကောင်းဖို့အတွက် အဓိကကျပြီး နိုင်ငံတကာ လွတ် လပ်စွာ ကုန်သွယ်ရေးကို တိုးမြှင့်ဆောင်ရွက်ဖို့ အတွက်လည်း အာရှနဲ့ ဥရောပ ခေါင်းဆောင်တွေ က တောင်းဆိုလိုက်ပါတယ်။ နိုင်ငံပေါင်း ၅၀ တက်ရောက်ခဲ့တဲ့ နှစ်ရက်ကြာ အာရှ-ဥရောပ အစည်း အဝေးအပြီး ဘန်ကောက်မြို့ကနေ ဗွီအိုအေ သတင်းထောက် Ron Corben ပို့ထားတဲ့သတင်းကို မမိုးဖြူက တင်ဆက်ပေးထားပါတယ်။

လာအိုနိုင်ငံမြို့တော် ဗီယန်ကျန်းမှာ ကျင်းပတဲ့ ထိပ်သီးအစည်းအဝေးမှာ အာရှနဲ့ ဥရောပ ခေါင်းဆောင်တွေက ကမ္ဘာ့စီးပွားရေးအတွက် မရေရာတဲ့ အချက်အတွေကို သတိပေး ပြော ဆိုခဲ့ ပါတယ်။ အမျိုးသားအကျိုးစီးပွား ကာကွယ်မှုလျှော့ချပြီး လွတ်လပ်တဲ့ ကုန်သွယ်မှုကို အားပေးဖို့ သံဓိဌာန်ချလိုက်ကြပါတယ်။ ဥရောပနိုင်ငံတွေ အနေနဲ့ စီးပွားပျက် ကပ်ထဲက ဖြည်းဖြည်းမှန်မှန် ရုန်းထွက်ပြီး ရေရှည်တည်တံ့ပြီး တရား မျှတတဲ့ စီးပွားရေးတိုးတက်မှုရဖို့ မြှော်လင့်တဲ့အကြောင်း အာရှ-ဥရောပ ထိပ်သီး အစည်းအဝေးကနေ ပြောဆိုလိုက်ပါတယ်။  ပြင်သစ်၊ အီတလီ၊ ရုရှားနဲ့ ဥရောပ သမဂ္ဂ အပါအ၀င် ဥရောပခေါင်းဆောင်တွေနဲ့ စီးပွားရေးမောင်းနှင်အားကောင်းတဲ့ တရုတ်၊ ဂျပန်၊ အင်ဒိုနီးရှားတို့ ဦးဆောင်တဲ့ အာရှနိုင်ငံတွေ ပူးတွဲဆောင်ရွက်ကြရမှာဖြစ်ပါတယ်။

ဒီအစည်းအဝေးမှာ အခက်အခဲတွေနဲ့ ရင်ဆိုင်နေရတဲ့ ဥရောပ စီးပွားရေးအတွက် ကုန်သွယ်ရေးနဲ့ ရင်းနှီးမြှုပ်နှံမှု ရင်းမြစ်အဖြစ် တရုတ်နိုင်ငံရဲ့အခန်းကဏ္ဍကို အလေးထား ပြောဆိုဆွေးနွေးခဲ့ပါတယ်။

ထိုင်းနိုင်ငံ၊ ချူလာလောင်ကွန်တက္ကသိုလ်က နိုင်ငံရေးသိပ္ပံပညာရှင် THitinan Pongsudhirak က ဥရောပစီးပွားရေးနလံထူဖို့ တရုတ်နိုင်ငံက အဓိကကျတယ် လို့ ရှုမြင်သူပါ။

“ယူရိုငွေ သုံးစွဲတဲ့ ဥရောပစီးပွားရေးကို ဆွဲတင်နိုင်ဖို့နဲ့ ကမ္ဘာ့စီးပွားရေးကို တိုးတက်စေဖို့ တရုတ်နိုင်ငံ ကို အားထားရမှာပါ။  ဒါကြောင့်လည်း ကိစ္စတော်တော်များများမှာ တရုတ်ကို စိတ်ဝင်စားမှု ရှိကြ ပါတယ်။  အဆုံးမတော့ ဓနအင်အားကအရေးပါတာပေါ့ဗျာ၊ ဥရောပ နိုင်ငံတွေ စီးပွားရေး အကြပ် အတည်း ဖြစ် နေချိန်မှာ အဲဒီအခက်အခဲက ရုန်းထွက်ဖို့ တရုတ်နိုင်ငံရဲ့ စီးပွားရေး စီမံခန့်ခွဲမှု၊ အရန်ငွေကြေး စတာတွေ လိုအပ်ပါတယ်။”

အစောပိုင်းကလည်း တရုတ်ဝန်ကြီးချုပ် ၀မ်ကြားပေါင်က တရုတ်နိုင်ငံရဲ့ ရှေ့ရေး အတွက် မြော်မြင် ဆောင်ရွက်မှု အပေါ် ယုံကြည်မှုရှိပေမယ့် လွပ်လပ်ပွင့်လင်း မျှတတဲ့ နိုင်ငံတကာ ကုန်သွယ်ရေးစနစ်နဲ့ ကမ္ဘာ့စီးပွားရေး စီမံခန့်ခွဲမှုအတွက် စိတ်ချရတဲ့ စနစ်တခုရှိဖို့ လိုတယ်လို့ ပြော ဆိုပါတယ်။ ဥရောပနဲ့ အာရှကြား ရိုးရှင်းတဲ့ ပူးပေါင်းဆောင်ရွက်မှုအတွက်လည်း ၀န်ကြီးချုပ် ၀မ်က အကောင်းမြင်ပါတယ်။ မလေးရှားဝန်ကြီးချုပ် Najib Razak ကတော့ တရုတ်နိုင်ငံဘက်ကလည်း သူ့ရဲ့ စီးပွားရေးကို ပြန်ပြီး ထ်ိန်းညှိဆောင်ရွက်တာမျိုး လုပ်လိမ့်မယ်လို့ မျှော်လင့်ကြောင်း ပြော ပါတယ်။

“ဥရောပနိုင်ငံတွေဘက်က တရုတ်နိုင်ငံကို ခွန်အားကောင်းတဲ့ စီးပွားရေးအင်အားကြီးလို့ မြင်တာ လည်း ရှိပါတယ်။  ဒါပေမဲ့ တဘက်မှာ ငြင်းစရာအချက်တွေလည်း ရှိပါတယ်။  တရုတ်နိုင်ငံက ပို့ကုန်ကို လျှော့ပြီး ပြည်တွင်းလိုအပ်ချက်ကို ဖြည့်ပေးတာမျိုးလို သူ့စီးပွားရေးကို ထိန်းညှိရမယ့် လိုအပ်ချက်တွေလည်း ရှိပါတယ်။  ထိန်းညှိဖို့ လိုတယ်လို့ ပြောဆိုမှုတွေလည်း ရှိနေပါတယ်။”

တဘက်က တရုတ်နိုင်ငံရေးမှာလည်း အခုသီတင်းပတ် ကွန်မြူနစ်ပါတီညီလာခံမှာ ခေါင်းဆောင်ပိုင်း အပြောင်းအလဲတွေကြီးကြီးမားမား ဖြစ်ပေါ်နေပါတယ်။  တရုတ် နိုင်ငံက နိုင်ငံတကာငွေကြေး ရန်ပုံငွေ အဖွဲ့ကတဆင့်ရော ကမ္ဘာ့စီးပွားရေးဇာတ်ခုံ မှာပါ အခုထက်ပိုပြီး အရေးပါတဲ့အခန်းက ပါဝင်လိုပုံရတယ်။ သူတို့လည်း တရုတ်နိုင်ငံနဲ့ စီးပွားရေးအရ အနီးကပ် ပူးပေါင်းဆောင်ရွက်ချင်ပါ တယ် လို့ ၀န်ကြီးချုပ် Julia Gillard ဦးဆောင်တဲ့ Australia အစိုးရအဖွဲ့က မကြာသေးခင်က ပြော ပါတယ်။

“စီးပွားရေးတိုးတက်ဖို့နဲ့ အလုပ်အကိုင် ပေါများဖို့ ကမ္ဘာကြီးရဲ့ ကြိုးပမ်းအားထုတ်မှုမှာ တရုတ်နိုင်ငံ ၀င်ပြီး ဆောင်ရွက်ဖို့ လိုတယ်လို့ ကျမထင်ပါတယ်။  စက်မှုထိပ်သီး နိုင်ငံ ၂၀ ဆွေးနွေးပွဲ မှာလည်း တရုတ်နိုင်ငံဘက်က ပါဝင်ဆွေးနွေးခဲ့ပါတယ်။  နိုင်ငံတကာ ငွေကြေး ရန်ပုံငွေအဖွဲ့ရဲ့ထောက်ပံ့မှုလို ကိစ္စတွေမှာလည်း ပါဝင်ခဲ့တာပါပဲ။ ဆိုတော့- နောက်ထပ် ဘာလုပ်သင့်တယ်ဆိုတာကိုတော့ တရုတ်ခေါင်းဆောင်တွေပြောဖို့ အတွက်ပဲ ကျမချန်ထားလိုက်ပါ့မယ်။”

ဒီအစည်းအဝေးမှာ အဓိက စီးပွားရေးနိုင်ငံတွေရဲ့တ၀က်လောက်ဖြစ်တဲ့ နိုင်ငံပေါင်း ၅၀ ကျော်က နိုင်ငံတကာ လုံခြုံရေးအပါအ၀င် စီးပွားရေးနဲ့ ငွေကြေးကိစ္စတွေအတွက် အကြီးအကျယ် အာရုံစိုက် ဆွေးနွေးခဲ့ကြပါတယ်။ ၁၉၉၆ ခုနှစ်က ထိုင်းနိုင်ငံမှာ စပြီး ကျင်းပတဲ့ အာရှ-ဥရောပ ခေါင်းဆောင်တွေအတွက် ဒီတကြိမ် ထိပ်သီးဆွေးနွေးပွဲက ကိုးကြိမ်မြောက် ကျင်းပခဲ့တာ ဖြစ်ပါတယ်။

ပေါက်တောမြို့နယ် နိုင်ငံသားစိစစ်မှု စတင်
မြန်မာနိုင်ငံ ၁၉၈၂ ခုနှစ်၊ နိုင်ငံသားဥပဒေအရ နိုင်ငံသား ဟုတ်မဟုတ် တရားဝင် နေထိုင်ခွင့် ရှိမရှိ ဆိုတာကို ရခိုင်ပြည်နယ် ပေါက်တောမြို့နယ်မှာ စတင် စစ်ဆေးနေပါတယ်။ လူဝင်မှုကြီးကြပ်ရေး တာဝန်ရှိသူတွေ၊ လုံခြုံရေးဆိုင်ရာ တာဝန်ရှိသူတွေ၊ မြို့မိ မြို့ဖတွေပါဝင်တဲ့ အဖွဲ့တွေက ပေါက်တော မြို့နယ်ထဲမှာရှိတဲ့ ရွာ ၅ ရွာကို ဒီကနေ့ အင်္ဂါနေ့ကတည်းက စတင်ပြီး လိုက်လံစစ်ဆေးနေတာ ဖြစ်ပါ တယ်။ ဒီကနေ့ကျင်းပတဲ့ အမျိုးသားလွှတ်တော်မှာလဲ ၁၉၈၂ ခုနှစ် အမျိုးသားလွှတ်တော်ကို ဥပဒေ သစ်နဲ့ အစားထိုးသင့် မသင့် ဆွေးနွေးခဲ့ကြပါတယ်။ အပြည့်အစုံကို  ဘန်ကောက်ရုံးက မစုမြတ်မွန်က တင်ပြပါမယ်။

၁၉၈၂ ခုနှစ် မြန်မာနိုင်ငံသား ဥပဒေအရ ရခိုင်ပြည်နယ်ထဲမှာ နေထိုင်နေကြသူတွေဟာ နိုင်ငံသား ဟုတ်မဟုတ်၊ တရားဝင်နေထိုင်ခွင့် ရရှိထားသူ ဟုတ်မဟုတ် ဆိုတာကို ပေါက်တော မြို့နယ်ထဲမှာ စစ်ဆေးနေတာဖြစ်ပါတယ်။ ရွာငါးရွာကို ဒီကနေ့ အင်္ဂါနေ့မှာ စတင် စစ်ဆေးတဲ့ အကြောင်းကို ရခိုင်ပြည်နယ် သတင်းထုတ်ပြန်ရေးအဖွဲ့ အတွင်းရေးမှူး ဦးဝင်းမြိုင်က ဗွီအိုအေမြန်မာပိုင်းကို ခုလို ပြောပါတယ်။

“ဆင်တက်မော်၊ တိမ်နီပြင်၊ ငှက်ချောင်း၊ နောက် ဆင်ကဲပြင်၊ ငါးဝက်ချောင်း အဲဒီ ငါးရွာပါ။”

တပြိုတည်း စစ်တာပါလား။

"ဟုတ်ကဲ့။ တပြိုင်တည်းစစ်တာပါ။ ဒီကနေ အင်အား အပြည့်အစုံနဲ့သွားတာပါ။ ကျနော်တို့က စစ်တဲ့အခါကျတော့ ဒီရွာစစ်ရင် ဟိုဘက်ကဝင်လာ၊ ဟိုဘက်ကစစ်တဲ့အခါကျတော့ ဒီဘက်က ပြန်သွား အဲလိုတွေ ဖြစ်မှာစိုးလို့။ ၈၂ ခုနှစ် နိုင်ငံသားဥပဒေအရ စစ်မှာပါ။ ဥပမာ ပေါက်တောက ပြေးလာတယ်။ ဒီမှာ လာတယ်။ မြေပုံက ပြေးလာတယ်။ ဒီမှာလာတယ်။ တခြားနေရာကနေပြီး ဒီဘက်ကို ဝင်လာမှာ ရှိတယ်လို့ ပြောတဲ့အတွက် ကျနော်တို့က ၈၂ ခုနှစ် ဥပဒေအရ ပြန်စစ်မှာပါ။ "

ရခိုင်ပြည်နယ်ထဲမှာ ရှိတဲ့ မြို့နယ်တွေထဲကမှ ဘာကြောင့် ပေါက်တောမြို့နယ်ကို စတင်စစ်ဆေးဖို့ ရွေးချယ်ရတာပါလဲ။


“ပေါက်တောကို ရွေးချယ်တာက အဲဒီမှာ ကျွန်းလည်း ဖြစ်နေတယ်။ ကျနော်တို့က ကယ်ဆယ်ရေး စခန်း ရိက္ခာပို့တော့ နည်းနည်း အခက်အခဲရှိမယ်။ ဆိုတော့ - အဲဒီမှာ ဘယ်ကလာလဲ၊ ပေါက်တောဘက်က လာသလား၊ မြေပုံကလာတာလား၊ ကျောက်ဖြူက လာတာလား။ အဲဒါတွေ ကျနော်တို့ ပြန်စစ်မှာပါခင်ဗျ။ ”

ဒီကနေ့ စတင်စစ်တဲ့ ဆင်တက်မော်နဲ့ ငှက်ချောင်းရွာတွေဘက်ကို သွားကြည့်ခဲ့တဲ့ ဒေသခံ တယောက်ကလည်း ဘယ်သူတွေ ဘယ်လို စစ်ဆေးသလဲဆိုတာကို ခုလို ရှင်းပြပါတယ်။

“လောလောဆယ်ကတော့ သူတို့ကောက်ထားတဲ့ စာရင်းတွေနဲ့ ပြန်တိုက်ကြည့်တယ်။ ပြီးတော့ ရွာတစ်ရွာလုံးကို သူတို့က ဝိုင်းထားတယ်ပေါ့။ ရွာထဲကလူတွေလည်း အပြင်မထွက်ရဘူး၊ အပြင်ကလူတွေလည်း ရွာထဲမဝင်ရဘူး။ သူတို့အုပ်စုထဲမှာ လဝက ပါတယ်၊ ရဲ ပါတယ်။ စစ်တပ်က ပါတယ်။ ပြီးလို့ရှိရင် နစက အသင်း၊ မြို့မိမြို့ဘ ရခိုင်ဘက်က ပါတယ်။ မွတ်ဆလင်ဘက်က ပါတယ်။ သူတို့တွေလည်း သူတို့ကောက်ထားတဲ့ စာရင်းတွေကို လောလောဆယ် ပြန်တိုက် တယ်။ ပြန်ကောက်တယ်။ ပြီးလို့ရှိရင် သူတို့ထဲက တချို့တွေကကျတော့ ဟိုဘက်ရွာ ကို ရောက်နေတာရှိတယ်၊ ဒီဘက်ရွာကို ရောက်နေတာ ရှိတယ်။ အဲဒါတွေကို သူတို့ ပြန်စုနေတယ်။ ”


အခုစစ်ဆေးနေတဲ့ ရွာတွေမှာ ပင်ကိုယ်နေထိုင်နေသူတွေအပြင် ပဋိပက္ခတွေကြောင့် လာရောက် ခိုလှုံနေကြသူတွေပါရှိနေတဲ့အတွက် စစ်ဆေးမှု ဘယ်လောက်ကြာမယ်ဆိုတာကတော့ မပြောနိုင်သေးပါဘူး။

“အဲဒါကိုတော့ အချိန်ကန့်သတ်ချက် မရှိဘူးလို့ ပြောပါတယ်။ ဘယ်လောက်ကြာမလဲဆိုတာလည်း မသိဘူးတဲ့။ တပတ်ကြာရင်လည်းကြာမယ်၊ တလ ကြာရင်လည်း ကြာမယ်-တဲ့။ ”

အခုလို မြန်မာနိုင်ငံမှာ တရားဝင် နေထိုင်ခွင့် ရှိမရှိ စစ်ဆေးမှု အရ နေထိုင်ခွင့် မရှိသူတွေတွေ့ခဲ့ရင် ဘယ်လို ဆောင်ရွက်မှာလဲ ဆိုတာကို ဦးဝင်းမြိုင်ကို မေးကြည့်တော့-

“အဲဒါက လဝက ဥပဒေရှိပါတယ်ခင်ဗျ။ သူ့ဥပဒေနဲ့သူ ဆက်ပြီး လုပ်ပါ့မယ် ခင်ဗျ။”

လူဝင်မှုကြီးကြပ်ရေး ဥပဒေအတိုင်း အရေးယူနိုင်ဖို့ စစ်ဆေးနေတဲ့ ပေါက်တောမြို့နယ်ထဲက ရွာတွေမှာ ခုလို လုံခြုံရေးတာဝန်ရှိသူတွေနဲ့ ရွာတွေကို ပိတ်ပြီး စစ်ဆေးနေလို့ ရွာထဲကသူတွေ ကရော စိုးရိမ်ထိတ်လန့်နေကြပါသလား။

"သူတို့ကတော့ ၁၉၈၂ ခုနှစ် ဥပဒေအရ သူတို့ကတော့ သိပ် မကြောက်ကြဘူး။ ဘာဖြစ်လို့လဲ ဆိုတော့ သူတို့က ကမန် တိုင်းရင်းသားတွေ ဖြစ်တယ်။ သူတို့တွေက မှတ်ပုံတင်ရှိတယ်။ ဒါပေမဲ့ သူတို့က ကျောက်ဖြူကနေပြီး အရေးပေါ်ထွက်ပြေးလာရတော့ သူတို့မှာ အဝတ်တထည် ကိုယ်တခုပဲ ပါတယ်။ ဘာမှ မပါဘူး။ အခုလက်ရှိမှာ သူတို့မှာ နေစရာ လုံးဝ မရှိဘူး။ လယ်ကွင်းထဲမှာ ဘာလုပ်ထားလဲ ဆိုတော့ သစ်ပင်လေးနှစ်ပင်မှာ အုန်းလက်လေးကို မိုးပြီးတော့ အိပ်နေရတယ်။ လယ်ကွင်းတွေထဲမှာ။ မနေ့ညကတော့ တာပေါ်လင်စတွေ ရောက်လာတယ် လို့ ပြောတယ်။ ရောက်လာတယ် ဆိုပေမဲ့ အဲဒီ တာပေါ်လင်စတွေကို အဲဒီရွာက စစ်တပ်နဲ့ ဘာနဲ့ ရှိတဲ့အတွက် လောလောဆယ် ထုတ်မပေးသေးဘူး။

ထုတ်မပေးသေးတော့ တချို့တွေက လောလောဆယ် စက်လှေတွေပေါ်မှာ အိပ်ကြရတယ်၊ တချို့တွေက နီးစပ်ရာ အိမ်တွေမှာ အိပ်ကြတယ်၊ တချို့တွေက လယ်ကွင်းတွေထဲမှာပဲ တဲထိုးပြီးတော့ အိပ်ကြတယ်။ WFO ကနေ ဆန်ပေးထားတယ်။ ဒါပေမဲ့  သူတို့က ပြောတာက ရေတို့ ဘာတို့ကအစ အခက်အခဲတွေ အများကြီးတွေ့ရတယ်။"


ရခိုင်ပြည်နယ် ပေါက်တောမြို့နယ်ထဲမှာ နေထိုင်နေကြသူတွေဟာ ၁၉၈၂ ခုနှစ် နိုင်ငံသား ဥပဒေနဲ့ ကိုက်ညီ မညီ စစ်ဆေးနေချိန်မှာပဲ ဒီကနေ့ ကျင်းပတဲ့ အမျိုးသား လွှတ်တော်မှာ ဒီဥပဒေကို ဥပဒေသစ်နဲ့ အစားထိုးသင့် မသင့်ဆိုတာကိုလည်း ဆွေးနွေးကြပါတယ်။ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီကိုယ်စားလှယ်တယောက်က တင်ပြတဲ့ အဆိုကို ဆွေးနွေးခဲ့ကြတာနဲ့ ပတ်သက်လို့ ရန်ကုန်တိုင်း အမျိုးသားလွှတ်တော် ကိုယ်စားလှယ် ကိုဖုန်းမြင့်အောင်က ခုလို ပြောပြပါတယ်။

“ဒီအဆိုကို တင်သွင်းတဲ့လူ အများစုကတော့ ရခိုင်အမတ်များ ဖြစ်ပါတယ်။ ဆွေးနွေးတဲ့ ရခိုင်အားလုံး ကလည်း ၁၉၈၂ ဥပဒေဟာ ပြုပြင်ပြောင်းလဲဖို့ မလိုဘူး၊ ခေတ်ကာလအရ ဒဏ်ကြေးငွေနဲ့ စကားလုံး အသုံးအနှုန်းသာ ပြင်ဖို့လိုတယ်။ နည်းဥပဒေအရ ခိုင်မာမှု ရှိတယ်။ ကာကွယ်မှု ရှိတယ်ဆိုတဲ့ သဘောမျိုးပဲ တင်ပြသွားပါတယ်။ တချို့ ရခိုင် အမတ်တွေကတော့ အခု တင်တဲ့အဆိုကို ကန့်ကွက်ကြောင်း၊ မလိုအပ်ကြောင်း တည့်တည့်ကြီး ပြောကြပါ တယ်။ ထောက်ခံဆွေးနွေး တဲ့လူ မရှိပါဘူး။ ပြည်ထောင်စုဝန်ကြီး ဦးခင်ရီက  ပြန်ဆွေးနွေးတဲ့အခါမှာလည်း ၈၈ မှာ ပေါ်တဲ့ နိုင်ငံသားဥပဒေ အားသာချက်တွေကို တင်ပြသွားပါတယ်။

ဒါ့ကြောင့် ဒီလို တင်ပြချက်တွေအရ ကျနော်တို့ အဆိုရှင်ကို ပြန်ပြီးမေးတဲ့အခါမှာ အဆိုရှင်ကတော့ သူ့အဆိုကို ပြန်လည် ရုပ်သိမ်းသွားပါတယ်။”

၁၉၈၄ ခုနှစ်မတိုင်ခင်ကတည်းက မြန်မာနိုင်ငံမှာ ရောက်ရှိ အခြေချနေထိုင်ကြသူ မိဘတွေက မွေးဖွားတဲ့ တတိယ မျိုးဆက်ကစလို့ နိုင်ငံသားအဖြစ် အသိအမှတ်ပြုပေးရမယ်လို့ ၁၉၈၂ ခုနှစ်မှာ ပြဌာန်း ထားတဲ့ နိုင်ငံသားဥပဒေထဲမှာ ပါဝင်ပါတယ်ရှင်။

နော်ခမ်းနဲ့အဖွဲ့ဝင်သုံးဦး တရုတ် တရားရုံးက သေဒဏ်စီရင်
မူးယစ်ရာဇာ နော်ခမ်းကို တရုတ်နိုင်ငံ အနောက်တောင်ပိုင်း တရားရုံးတခုကနေ အင်္ဂါနေ့က သေဒဏ် ချမှတ် လိုက်ပါပြီ။ ပြီးခဲ့တဲ့နှစ်က မဲခေါင်မြစ်မှာ တရုတ်သင်္ဘောသား ၁၃ ဦးကို ဖမ်းဆီးပြီးတော့ သတ်ပစ်ခဲ့တဲ့ အမှုနဲ့ အခုလို သေဒဏ် ချမှတ် လိုက်တာပါ။ သူနဲ့အတူ သူ့ရဲ့အဖွဲ့ဝင်သုံးယောက် လည်း သေဒဏ် ချမှတ်ခံခဲ့ရပါတယ်။ အပြည့်အစုံကို အေပီနဲ့ ရိုက်တာ သတင်းဌာနတွေရဲ့ သတင်းတွေပေါ် အခြေခံပြီး ကိုကျော်ကျော်သိန်းက တင်ပြပေးထားပါတယ်။

မူးယစ်ဂိုဏ်းခေါင်းဆောင် နော်ခမ်းကို တရုတ်တရားရုံးကနေ သေဒဏ်ချမှတ်လိုက်တာဟာဖြင့် တရုတ်နိုင်ငံရဲ့ နယ်စပ် တွေကိုကျော်လွန်ပြီး ဥပဒေစိုးမိုးရေးအတွက် တိုးပြီးလုပ်လာတာ ကို ပြလိုက်တာပါပဲ။

လာအိုတာဝန်ရှိသူတွေက နော်ခမ်းကို မေလမှာဖမ်းဆီးပြီး တရုတ်နိုင်ငံဆီ လွှဲပြောင်းပေးပြီး တဲ့နောက် ရွှေတြိဂံဒေသမှာ တရုတ် သင်္ဘေသားတွေကို သတ်ခဲ့မှုနဲ့ တရုတ်တရားရုံးမှာ ရုံးတင်စစ်ဆေးခဲ့တာပါ။ အင်္ဂါနေ့မှာတော့ သူနဲ့အတူ သူ့ရဲ့အဖွဲ့ဝင် သုံးယောက်ကို သေဒဏ်ချမှတ်လိုက်တဲ့အကြောင်း တရုတ်အစိုးရပိုင် ဆင်ဟွာသတင်းဌာနက ဖော်ပြပါတယ်။

“တရားခံ နော်ခမ်းကို ရည်ရွယ်ချက်နဲ့ လူသတ်မှုကျူးလွန်မှုခဲ့တဲ့အတွက် သေဒဏ်၊ မူးယစ်ဆေးဝါး သယ်ဆောင် ရောင်းဝယ် ဖောက်ကားမှုအတွက် ပိုင်ဆိုင်ပစ္စည်းတွေကို သိမ်းဆည်းပြီး သေဒဏ်၊ ပြန်ပေးဆွဲမှုအတွက် ပိုင်ဆိုင် ပစ္စည်းတွေကို သိမ်းဆည်းပြီး ထောင်ဒဏ်တသက်၊ သင်္ဘောတစင်းကို ပြန်ပေးဆွဲခဲ့မှုအတွက် ထောင်ဒဏ်တသက် ချမှတ်လိုက်တဲ့ အကြောင်း၊ သေဒဏ်စီရင်ပြီး ပိုင်ဆိုင်ပစ္စည်းတွေကို သိမ်းဆည်းဖို့ ဆုံးဖြတ်ကြောင်း” -

တရားသူကြီးက မန်ဒရင်း ဘာသာ စကားနဲ့ ကြေညာခဲ့ပါတယ်။

ဖမ်းဆီးထားသူတွေထဲက ငါးယောက်မြောက်ကို ဆိုင်းငံ့သေဒဏ်နဲ့ ခြောက်ယောက်မြောက်လူ ကိုတော့ ထောင်ဒဏ် ရှစ်နှစ် ချမှတ်ခဲ့တယ်လို့လည်း ဆင်ဟွာသတင်းကပြောပါတယ်။တရုတ်သင်္ဘောသား ၁၃ ဦးဟာ ကုန်တင်သင်္ဘောနှစ်စင်းနဲ့ တရားဥပဒေစိုးမိုးမှုကင်းမဲ့တဲ့ မဲခေါင်မြစ်တလျှောက် ပြီးခဲ့တဲ့နှစ် အောက်တိုဘာလက မောင်းသွားနေချိန်မှာ ပြန်ပေးဆွဲခံရပြီးတော့ အသတ်ခံခဲ့ကြရတာပါ။

သင်္ဘောတွေကို ပြန်ပေးဆွဲပြီး ထိုင်းနိုင်ငံရေပိုင်နက်ထဲ မောင်းဝင်သွားချိန်မှာ ဖမ်းထားတဲ့ သင်္ဘောသားအားလုံး မဟုတ်ရင် တောင်မှ တချို့ဟာ အသက်ရှင်လျက် ရှိနေသေးပြီး နောက်ပိုင်းမှာမှ သူတို့ကို သတ်ပစ်ပြီးတော့ ထိုင်းရေပြင်ထဲ ပစ်ချခဲ့တယ် ဆိုတာကို ဒီနှစ်ဇန်န၀ါရီလမှာ ရိုက်တာ သတင်းဌာနက သတင်းထောက်တွေ စုံစမ်းတာကနေ သိခဲ့ရပါတယ်။

ရွှေတြိဂံဒေသဟာ မြန်မာ၊ လာအိုနဲ့ ထိုင်းနိုင်ငံ သုံးနိုင်ငံထိစပ်နေတဲ့ ဒေသဖြစ်ပြီး မူးယစ်ဆေး ၀ါး မှောင်ခိုရောင်းဝယ်မှုတွေ ကြောင့် နာမည်ဆိုးနဲ့ ကျော်ကြားတဲ့ဒေသပါ။ စိုင်းနော်ခမ်းနဲ့အဖွဲ့ဟာ အဲဒီရွှေတြိဂံဒေသ၊ ရှမ်းပြည်နယ်အရှေ့ပိုင်း တာချီလိတ် နယ်ဘက်မှာ အခြေပြုလှုပ်ရှားခဲ့တာဖြစ်ပါ တယ်။ မူးယစ်ဆေးဝါးမှု၊ လူသတ်မှု စတဲ့အမှုတွေနဲ့ ဆက်စပ်ပြီး မြန်မာ၊ ထိုင်းနဲ့ လာအိုနိုင်ငံတွေ ကလည်း သူ့ကို အလိုရှိခဲ့ပါတယ်။ ထိုင်း မူးယစ်ဆေးဝါး ထိန်းချုပ်ရေးအဖွဲ့က ဆိုရင် နော်ခမ်းကို ဖမ်းမိအောင် ကူညီနိုင်ရင် ဆုငွေ ဘတ် နှစ်သန်း ပေးမယ်လို့ ကို ကြေညာထားခဲ့ပါတယ်။

မဲခေါင်မြစ်ဟာ တရုတ်နိုင်ငံကနေ အရှေ့တောင်အာရှဒေသဆီ စီးဝင်သွားပြီး မြန်မာနဲ့လာအိုနိုင်ငံ အကြား နယ်စပ်၊ ထိုင်းနဲ့ လာအိုနိုင်ငံအကြား နယ်စပ်တလျှောက်မှာ စီးဆင်းနေတာပါ။ မဲခေါင်မြစ် တလျှောက် လှေသင်္ဘောတွေ သွားလာတာကို တရား ဥပဒေနဲ့အညီဖြစ်စေရေးဆိုင်ရာ သဘောတူ ညီချက်တရပ်ကို တရုတ်၊ မြန်မာ၊ ထိုင်း၊ လာအို လေးနိုင်ငံအကြား ၂၀၀၁ ခုနှစ်က လက်မှတ်ရေး ထိုးခဲ့ကြပါတယ်။

တရုတ်သင်္ဘောသားတွေ အသတ်ခံခဲ့ရတဲ့ဖြစ်ရပ်ဟာ ခေတ်သစ်ကာလအတွင်း ပြည်ပမှာ တရုတ်နိုင်ငံ သားတွေ အသတ်ခံရတဲ့ အဆိုးဆုံးဖြစ်ရပ်တခုဖြစ်တာကြောင့် တရုတ်နိုင်ငံက သူတို့ရဲ့နယ်စပ်ကနေ မဲခေါင်မြစ်တလျှောက် ကင်းလှည့်စောင့်ကြပ်ဖို့ စစ်သင်္ဘောတွေ ကိုတောင်မှ စေလွှတ်ခဲ့တာပါ။ ဒါ့အပြင် သဘောတူညီချက် လက်မှတ်ရေးထိုးထား တဲ့ လေးနိုင်ငံအကြားမှာလည်း လုံခြုံရေး ပူးပေါင်းဆောင်ရွက်မှု ပိုပြီး အားကောင်းစေခဲ့ပါတယ်။

မဲခေါင်မြစ်တလျှောက် တရုတ်စစ်သင်္ဘောတွေ ကင်းလှည့်စောင့်ကြပ်တာ တိုးများလာတဲ့ အပေါ် ဒေသတွင်းလုံခြုံရေးမှာ တရုတ် တို့ရဲ့အခန်းကဏ္ဍကို တိုးချဲ့လာတာအဖြစ် ရှုမြင်တာတွေရှိပြီး တရုတ်တို့ရဲ့ ဥပဒေလက်တံကို မဟာဗျူဟာမြောက် မဲခေါင် မြစ်ကြောင်းတလျှောက်မှာသာမက အရှေ့တောင်အာရှဒေသထဲအထိ ချဲ့ထွင်လာတာအဖြစ်လည်း မြင်ကြပါတယ်။

နော်ခမ်းအပါအ၀င် ပြစ်ဒဏ်စီရင်ခံရသူအားလုံးက အယူခံဝင်မယ်လို့ တရားရုံးကို ပြောခဲ့တဲ့အကြောင်း ဆင်ဟွာသတင်းမှာ ဖော်ပြထားပါတယ်ခင်ဗျား။

ref:MJ

No comments:

Post a Comment