နှစ်ပါတီ ယှဉ်တွဲတင်ထားသည့် ဆိုင်းဘုတ် AMDP က ပြန်ဖြုတ်

မွန်ပြည်နယ်၊ မုဒုံမြို့နယ်၊ကမာဝက်တိုက်နယ်တွင် နေအိမ်အဆောက်အအုံ တစ်ခုတည်း၌ မွန်နှစ်   ပါတီ ဆိုင်း ဘုတ်နှင့် အလံများအတူ ယှဉ်တွဲတင်ထားခဲ့ကြရာမှ မွန်ဒေသလုံးဆိုင်ရာဒီမိုကရေစီပါတီ AMDP က ဆိုင်းဘုတ်ဖြုတ် ချခဲ့သဖြင့် ယနေ့နံနက်ပိုင်းတွင် မွန်ဒီမိုကရေစီပါတီ MDP ဆိုင်းဘုတ်တစ်ခု တည်းသာ ကျန်ရှိနေကြောင်း ဒေသခံများက ပြောသည်။
AMDP ဆိုင်းဘုတ်အား ကမာဝက်တိုက်နယ်ရှိ ယင်းပါတီဝင် အချို့မှ လာရောက်ဖြုတ်ချလိုက်သည်ကို အိမ်ရှင်ပြောပြသဖြင့်သိခဲ့ကြောင်း မွန်ဒီမိုကရေစီပါတီမှ တွဲဖက်အတွင်းရေးမှူး(၁) ဒေါက်တာမင်းကြည်ဝင်း
က ပြောသည်။

၎င်းက “ နှစ်ပါတီစလုံးဆိုင်းဘုတ်အတူတင်ကြဖို့ ကမာဝက်တိုက်နယ် အဆင့် နှစ်ဖက်ပါတီ ဝင်တို့က သေ ဘာ တူ ထားကြတယ်၊ အခုတစ်စုံတစ်ရာ ဘာမပြောပဲနဲ့ ဘာလို့ သူတို့ဆိုင်းဘုတ် ကို ဖြုတ်ချလိုက်တာ ကိုေ တာ့ ကျနော် တို့လဲ နားမလည်ဘူး” ဟု ပြောသည်။

ကမာဝက်ကျေးရွာ၊ ရွာလယ်ပိုင်း ဓါတ်တော်ကျောင်းအနီးမူလကဖွင့်လှစ် ထားရှိသော မွန်ဒေသလုံးဆိုင်ရာ ဒီမို ကရေစီပါတီ နေအိမ်အဆောက် အအုံနေရာ၌ ပြီးခဲ့သော နိုဝင်ဘာလ ၁ ရက်နေ့ တွင် နှစ်ပါတီ ဆိုင်း ဘုတ်နှင့် အလံယှဉ်တွဲတင်ကြကာ ပါတီတစ်ရုံးတည်း၌ တစ်ပတ်ကြာအတူဖွင့်လှစ် ခဲ့ခြင်းဖြစ်သည်။

မွန်နှစ်ပါတီတစ်ရုံးတည်း အတူဖွင့်လှစ်ထားခြင်းကို AMDP ပါတီ ဗဟိုက ခွင့်မပြုသဖြင့် မုဒုံမြို့နယ်ရုံးမှ ကမာ ၀က်မြို့နယ် တာဝန်ရှိသူများထံ အမိန့်ပေးခဲ့ကြောင်း AMDP ပါတီ ကမာဝက်တိုက်နယ်ဥက္ကဌ နိုင် ဗညား ချမ်းက ပြောသည်။

နိုင်ဗညားချမ်းက“ မြို့နယ်ရုံးတာဝန်ရှိသူတွေပြောတာက တစ်ရုံးထဲမှာ ပါတီနှစ်ခုဆိုင်းဘုတ်ထောင် အလံ တင်တဲ့အစဉ်အလာမရှိကြဘူးဆိုပဲ၊ ဒါပေမယ့် ရွေးကောက်ပွဲကော်မရှင်ရဲ့နည်းပဒေတွေမှာ နှစ်ပါတီ ဆိုင်း ဘုတ် အတူ မထားရှိရဘူးဆိုတဲ့ တားမြစ်ချက်တွေကိုလည်း မတွေ့မိပါ ဘူး” ဟု ပြောသည်။

မွန်ဒေသလုံးဆိုင်ရာ ဒီမိုကရေစီပါတီ AMDPနှင့် မွန်ဒီမိုကရေစီပါတီ MDP နှစ်ပါတီတို့ ၂၀၁၄ ခုနှစ်၊ ဒီဇင် ဘာလနောက်ဆုံးထား၍ တစ်ပါတီ အမည်သစ်တစ်ခု တည်းဖြင့် ပေါင်းစည်းသွားကြမည် ဟု နှစ်ပါ တီခေါင်းဆောင် များမှ လွန်ခဲ့သည့် အောက်တိုဘာလ ၁၃ ရက်နေ့က ပူးတွဲ ကြေညာချက် ထုတ်ပြန် ခဲ့ပြီး ဖြစ်သည်။


မွန်သတင်းအေဂျင်စီ