မြန်မာနိုင်ငံသို့ စေတနာ့ဝန်ထမ်း ဆောင်ရွက်ရန်အတွက် ကိုရီးယားနိုင်ငံမှ စေလွှတ်ထားသောစေတနာ့ ဝန်ထမ်းများနှင့် ပတ်သက်သည့် ဆွေးနွေးပွဲ KOV conference (Korea
Oberseas Volunteers Conference) ကို အောက်တိုဘာလ ၂၀ ရက်နေ့တွင်
ရန်ကုန်မြို့၊ ဆီဒိုးနား ဟိုတယ်၌ ကျင်း ပပြုလုပ် မည်ဖြစ်သည်။
ကိုရီးယား အစိုးရအနေဖြင့် အပြည်ပြည်ဆိုင်ရာ ကိုရီးယား ပူးပေါင်းဆောင်ရွက်မူ အေဂျင်စီ (Koica) မှ တဆင့်နိုင်ငံတကာသို့ စေတနာ့ဝန်ထမ်းများ စေလွှတ်လျက်ရှိပြီး အစိုးရ ဝန်ကြီးဌာနများတွင် တာဝန် ထမ်းဆောင်စေသည်။
မြန်မာနိုင်ငံတွင်မူ ဝန်ကြီးဌာန ၁၀ ခု၌ တာဝန်ထမ်းဆောင်လျက်ရှိသော ကိုရီးယား စေတနာ့ဝန်ထမ်း ၁၅ ဦး ရှိသည်။
“Koica ရုံးရှိတဲ့ နိုင်ငံတိုင်းမှာ နှစ်စဉ် ကွန်ဖရင့်လုပ်ကြပါတယ်။ KOV
နဲ့ အလုပ်လုပ်ဖူးတဲ့ ဝန်ကြီးဌာ နတွေကိုကျတော့ ပြီးခဲ့တဲ့ နှစ်တွေက
ရလဒ်တွေကို ရှင်းပြမယ်။ လုပ်ငန်းစဉ်တွေကို ပြောမယ်။ မလုပ် ဖူးသေး တဲ့
ဝန်ကြီးဌာနတွေကိုကျတော့ KOV လိုချင်ရင် တောင်းလို့ရတယ် ဆိုတဲ့အကြောင်းကို အသိပေး မှာ။ KOV
ဆိုတာဘာလဲ။ သူတို့အတွက် ဘယ်လိုအကျိုးရှိမလဲ။ ဘယ်လိုလူတွေလဲ ဆိုတာကို
ပြောမှာ” ဟု မြန်မာနိုင်ငံဆိုင်ရာ Koica မှ ကိုမျိုးမြတ်ထန်းက မဇ္ဈိမကို
ပြောသည်။
အဆိုပါ စေတနာ့ဝန်ထမ်းများကို ခေါ်ယူထားသည့် ဝန်ကြီးဌာနများတွင် ပညာရေး၊
အားကစား၊ ကျန်း မာရေး၊ ဆက်သွယ်ရေး၊ မွေးမြုရေးနှင့် ရေလုပ်ငန်း၊ သစ်တာ၊
လူ/ပြန်/ကယ်၊ စက်မူနှင့် သိပ္ပံ နည်းပ ညာဝန်ကြီးဌာနတို့ ပါဝင်သည်။
ကိုရီးယား စေတနာ့ဝန်ထမ်းများအနေဖြင့် မြန်မာနိုင်ငံအတွင်း၌ ၂ နှစ်အထိ တာဝန် ထမ်းဆောင်နိုင်ကြပြီး တာဝန်ထမ်းကာလ ပြီးဆုံးချိန်တွင် ဒေါ်လာ ၃၀,၀၀၀ တန် ပရောဂျက် တခု စီမံဆောင်ရွက်ခွင့် ရှိပြီး ကုန်ကျငွေကို ကိုရီးယားအစိုးရက ကျခံပေးကြောင်း သိရသည်။
ref:mizzima
No comments:
Post a Comment