လှိုင်သာယာအထည်ချုပ်စက်ရုံတခု (ဓာတ်ပုံ - ရိုက်တာ)
အလုပ်သမားတွေအတွက် အနည်းဆုံး လုပ်ခလစာ လျာထားချက် မူကြမ်းကို စက်တင်ဘာမှာ ထုတ်ပြန်ပေး သွားမှာ ဖြစ်ပြီး အခုနှစ်မကုန်ခင် ဒီဇင်ဘာလမှာ အတည်ပြု ထုတ်ပြန် ကျင့်သုံး သွားမယ်လို့ အလုပ်သမား ဒုဝန်ကြီး ဦးထင်အောင်က ပြောပါတယ်။
ဇွန် ၂ ရက်နေ့ ပြည်ထောင်စုလွှတ်တော် အစည်း အဝေးမှာ သူက ခုလို ပြောဆိုလိုက်တာ ဖြစ်ပါတယ်။
စက်တင်ဘာမှာ ထုတ်ပြန်မယ့် နှုန်းထားဟာ အကြမ်းဖျင်း လျာထားချက် ဖြစ်ပြီး ၂ လ အတွင်း ပြည်သူတွေ က အကြံပေးနိုင်သေးတယ်လို့ သူက ရှင်းပြပါတယ်။
ရရှိလာတဲ့ ပြည်သူတွေရဲ့ အကြံပေး ချက်တွေကို ဆွေးနွေးသုံးသပ်ပြီး ဒီဇင်ဘာလ ရောက်ရင် ပြည်ထောင်စု အစိုးရက အတည်ပြုထုတ်ပြန်မယ်လို့ သူက ဆိုပါတယ်။
လောလောဆယ် အနိမ့်ဆုံး လုပ်ခလစာ သတ်မှတ်ချက် မရှိသေးတာကြောင့် လစာနဲ့ ပတ်သက်ပြီး အလုပ် ရှင်နဲ့ အလုပ်သမားပြသာနာတွေကို ဖြေရှင်းရ ခက်ခဲနေတယ်လို့ ပြည်ထောင်စုလွှတ်တော်အစည်းအဝေးမှာ ရွေးကောက်ခံအမတ်တွေက ပြောဆိုကြပါတယ်။
ဒီဗွီဘီ
No comments:
Post a Comment