မတ်ခ်ျ ၂ ရက်နေ့ သျှမ်းပြည်တောင်ပိုင်း ရပ်စောက်မြို့နယ် အင်တောမြို့ SNLD ရုံးဖွင့်ပွဲ၌ ပါတီဥက္ကဌ ခွန်ထွန်းဦး က ‘သျှမ်းပြည်မှာရှိတဲ့ တိုင်းရင်းသားတွေအားလုံး တန်းတူညီမျှရေးအတွက် ၁၉၄၇ ကသဘော တူ ခဲ့တဲ့ ပင်လုံ စာချုပ်ကြီးအတိုင်း လုပ်ဆောင်သွားဖို့ ကျနော်တို့မူ ချထားတယ်’ - ဟု ပြောပါသည်။
အင်တောမြို့နယ်ခွဲ သျှမ်းတိုင်းရင်းသားများ ဒီမိုကရေစီ အဖွဲ့ချုပ် SNLD ရုံးဖွင့်ပွဲတွင် ခွန်ထွန်းဦးက - ပါတီ၏ ရပ်တည်ချက်၊ ပါတီ၏မူ၊ ပါတီပူးပေါင်းရေးကိစ္စ၊ လူငယ်နှင့်အနာဂတ်နိုင်ငံရေးခေါင်းဆောင်များ အကြောင်း စသဖြင့် ထည့်သွင်းပြောကြားခဲ့သည်။
“အခု ကျနော်တို့ အင်တောမြို့ ဆိုင်းဘုတ်တင်ပွဲ၊ ရုံးဖွင့်ပွဲမှာ လူငယ်တွေ ကျနော်အများကြီးတွေ့ခဲ့တယ်။ ဒါကောင်း တဲ့အလားအလာပါဘဲ။ လူငယ်တွေနိုင်ငံရေးအကြောင်း အားစိုက်ပြီးလေ့လာကြပါ။ ကျနော်တို့တွေ တဖြည်းဖြည်း အသက်ရလာပြီ။ ဒီတာဝန်တွေကို ခင်ဗျားတို့ လူငယ်တွေ ဆက်လက် တာဝန် ထမ်းဆောင်သွားရပါမယ်”
ထို့ပြင် SNLD သည် နိုင်ငံရေးဘမ်းပြပြီး စီးပွါးရေးလုပ်မည့်ပါတီမဟုတ်ကြောင်းလည်းခွန်ထွန်းဦးက ဤကဲ့သို့ပြောသည်။
“ကျနော်တို့ဟာနိုင်ငံရေးကို ပမ်းပြပြီး စီးပွားရေးလုပ်တဲ့ပါတီမဟုတ်ဘူး။ အရင်ကလဲမလုပ်ခဲ့ဘူး။ အခု လဲမလုပ်ဘူး။ နောက်လဲ လုပ်မှာမဟုတ်ပါဘူး။ ကျနော်တို့က သျှမ်းပြည်မှာရှိတဲ့ တိုင်းရင်းသားတွေ အားလုံး ညီတူညီမျှရှိဖို့ ၁၉၄၇ သဘောတူခဲ့တဲ့ ပင်လုံစာချုပ်ကြီးအတိုင်း လုပ်ဆောင်သွားဖို့ ကျနော်တို့ မူ ချထားတယ်။ သျှမ်းပြည် ကံကြမ္မာကို ဒီအတိုင်းပဲ အကောင်အထည်ဖေါ်သွားဖို့မူချ ထားပါတယ်”
“ဒါ့ကြောင့် နိုင်ငံရေးအဆက်မပျက်ဖို့ တောင်ကြီးမြို့ ခြောက်လပတ် ညီလာခံတက်ဖို့ အာဏာကုန်ရတဲ့ သူတွေကို စေလွှတ်ပေးပါ၊ အစည်းအဝေးဆုံးဖြတ်ချက်ရ ကျနော်တို့ လိုက်လုပ်ပါ့မယ်။ ဗဟိုဦးစီးစနစ်လဲ မကျင့်သုံးဘူး။”
တောင်ကြီးမြို့ အနောက်မြောက်ဘက် မိုင် ၇၀ ခန့် ဝေးသည့် အင်တောမြို့ SNLD ရုံးဖွင့်ပွဲသို့ ခွန်ထွန်း ဦး ဆောင်သည့် ရန်ကုန်ရုံးချုပ်အဖွဲ့၊ စဝ်ခမ်းပိုင်ဖှ ဦးဆောင်သည့် တောင်ကြီးမြို့နယ်အဖွဲ့၊ ရပ်စောက် မြို့၊ မိုင်းပွန်မြို့၊ နမ့်ခုတ်မြို့ တို့မှ ပါတီဝင်များအပါဝင်ဒေသခံ ၅၀၀ ထက်မနည်း တက်ရောက်ခဲ့ပါ သည်။
သျှမ်းသံတော်ဆင့်
No comments:
Post a Comment