ရွှေနိုင်ငံ: ပြည်ထောင်စု ဝန်ကြီးများ ဦးဆောင်ကာ မကြောက်တရား လိုက်လံ ဟောပြောမည်

Tuesday, 29 January 2013

ပြည်ထောင်စု ဝန်ကြီးများ ဦးဆောင်ကာ မကြောက်တရား လိုက်လံ ဟောပြောမည်

စစ်မက်ဖြစ်ပွားခဲ့သည့် ကရင်ပြည်နယ် ဒေသများတွင် ပြည်ထောင်စု အစိုးရအဖွဲ့မှ ဝန်ကြီးများ ဦးဆောင်ကာ မကြောက်တရားများ လိုက်လံ ဟောပြောသွားမည်ဟု မြန်မာ့ ငြိမ်းချမ်းရေး ဖော်ဆောင်ရေး စင်တာ(MPC)တွင် ပြုလုပ်ခဲ့သော အရပ်ဘက် လူမှု အဖွဲ့အစည်းများနှင့်
တွေ့ဆုံပွဲတွင် ပြည်ထောင်စု ဝန်ကြီး ဦးစိုးသိန်းကပြောကြားသည်။

“ကျနော်တို့  မကြာခင်မှာ ကရင်ပြည်နယ်ကို သွားမှာပါ။ အဲဒီကဒေသခံတွေကိုမကြောက်ဖို့  တရား သွားဟောပါမယ်” ဟု ဇန်နဝါရီလ ၂၇ ရက်နေ့က ပြောသည်။

ထိုသို့ ဟောပြောရခြင်းမှာ ကရင်ပြည်နယ်ရှိ ဒေသခံများမှာ နှစ် ၆၀ ကျော် စစ်ပွဲဒဏ်များခံစားခဲ့ရကာ တပ်မတော်အား ကြောက်ရွံ့ခြင်းနှင့်အခြား လက်နက်ကိုင်အဖွဲ့အစည်းများအား ကြောက်ရွံ့ခြင်းများ ယခု အချိန်အထိ ခံစားနေရသောကြောင့် ဖြစ်ကြောင်း ဦးစိုးသိန်း က ရှင်းပြသည်။

မကြောက်တရား ဟောပြောမည့်အစီအစဉ်တွင် အစိုးရအဖွဲ့ အပြင် အရပ်ဘက်လူမှုအဖွဲ့အစည်းများ ပါဝင်သင့်ပြီး ပါဝင်မည်ဆိုပါက ၎င်းတို့နှင့်လာရောက်ဆက်သွယ် ရမည်ဖြစ်ကြောင်း သမ္မတရုံးဝန်ကြီး ဦးစိုးသိန်းက ပြောဆိုသွားသည်။

“စစ်ပွဲတွေ ပြီးဆုံးသွားတဲ့အခါ ဒေသခံတွေဟာ စိတ်ဒဏ်ရာတွေရလာပါတယ်။ အဲဒီစိတ်ဒဏ်ရာ ပြင်ဖို့ ဟာက ဒေသဖွံ့ဖြိုးတိုးတက်ဖို့အတွက် အရေးအကြီးဆုံးလုပ်ငန်းပါပဲ။ အဲဒါတွေကို ကုပေးနိုင်ဖို့ အန်ဂျီအိုတွေ က အရေးကြီးဆုံးဖြစ်ပါတယ်။ ဘာလို့လဲဆိုတော့ မယုံတဲ့လူတွေ သွားကုလို့လည်း အဆင်မပြေနိုင် ဘူးလေ” ဟု သမ္မတရုံးဝန်ကြီးတဦးဖြစ်သည့် ဦးအောင်မင်း က ဆိုသည်။

အဆိုပါ မကြောက်တရား ဟောပြောခြင်းသည် ငြိမ်းချမ်းရေး လုပ်ငန်းစဉ်၏ နောက်ဆက်တွဲ လုပ်ငန်း များဖြစ်ကြောင်းမြန်မာ ငြိမ်းချမ်းရေး ဖော်ဆောင်ရေးစင်တာမှ တာဝန်ရှိသူတဦးက ပြောသည်။

ယခုအစီအစဉ်နှင့် ပတ်သက်၍ KNU အဖွဲ့မှ ပြည်သူ့ဆက်ဆံရေးတာဝန်ခံ ဗိုလ်မှုးကြီးဖောဒိုက “ဒီအစီ အစဉ်ဟာကောင်းပါတယ်။ တပ်မတော်ကကြောက်စရာ မလိုဘူးဆိုတာကို အစိုးရဘက် က ပြော တာကို ပြည်သူ့နားနဲ့ ဆက်ဆက်ကြားရတော့ ဒေသခံတွေရဲ့  စိတ်ခံစားချက်တွေပေါ့သွားတာပေါ့” ဟု မဇ္ဈိမ ကို ပြောသည်။

အဆိုပါ ဒေသများတွင် ငြိမ်းချမ်းရေးရရှိပြီဟုဆိုသော်လည်း ဒေသခံများအား တပ်မတော်ဝန်ထမ်းများမှ မတရားပြုကျင့်မှုများ ရှိနေသေးပြီး တရားမဝင်အဖွဲ့အစည်းများနှင့် ဆက်သွယ်မှုများရှိသည်ဟုဆိုကာ ပုဒ်မ ၁၇(၁)ဖြင့် ဖမ်းဆီးမှုများ ရှိနေသေးကြောင်း ကရင်လူမှု အဖွဲ့အစည်းတခုမှ တာဝန်ရှိသူတဦး က ပြောသည်။

“ကျမတို့ နယ်မှာ ငြိမ်းချမ်းရေးရရှိပြီ ဆိုပေမယ့်လည်း တပ်မတော်ရဲ့ အတင်းအဓမ္မ ပြုကျင့်မှုတွေ ခံနေရတုန်းပါပဲ။ ဥပဒေအရ ခြိမ်းခြောက်မှုတွေလည်း ခံနေရပါသေးတယ်” ဟု ဆိုသည်။

ကရင်ပြည်နယ်သည် ပြည်တွင်း စစ်ပွဲများ အနှစ် ၆၀ ကျော်ရင်ဆိုင်ခဲ့ရသောပြည်နယ်တခု ဖြစ်ကာ စစ်ကြောင့် တိမ်းရှောင်နေရသည့် သိန်းနှင့်ချီသည့် ဒုက္ခသည်များထိုင်းနိုင်ငံတွင် အများဆုံး နေထိုင်ကြ ရသေးသည်။ ၎င်းတို့အထဲမှအများစုမှာ ငြိမ်းချမ်းမှုရရှိပြီဖြစ်၍ ဒေသတွင်းသို့ ပြန်လည် ဝင်ရောက် ရန် ပြင် ဆင်နေကြောင်း ဦးအောင်မင်း ကပြောကြားသွားသည်။

မဇ္ဈိမ

No comments:

Post a Comment

Subscribe to: Post Comments (Atom)