Monday 22 September 2014

လက်နက်ကိုင်တပ်ဖွဲ့တွေအတွက် ဥပဒေတစ်ခုတော့ရှိသင့်ပြီ

မြန်မာနိုင်ငံသည် ကချင်၊ ကယား၊ ကရင်၊ ချင်း၊ မွန်၊ ဗမာ၊ ရခိုင်၊ ရှမ်း အစရှိသည့်လူမျိုးများကိုအရင်းခံ၍ တိုင်းရင်းသားလူမျိုးပေါင်း (၁၃၅) မျိုးဖြင့်ဖွဲ့စည်းထားသောနိုင်ငံတစ်နိုင်ငံဖြစ်ပေသည်။ ၁၉၄၈ ခုနှစ်မှ အစပြု၍ နိုင်ငံအတွင်း သူတစ်လူငါတစ်မင်းစိတ်များဖြင့် အချို့သောတိုင်းရင်သားအဖွဲ့ များသည် လက်နက် စွဲကိုင်ကာ တောခို၍တော်လှန်ပုန်ကန်ခဲ့ကြသည်ကို သိရှိကြပြီးဖြစ်ပေလိမ့်မည်။ ၆၇ နှစ်ကျော်ကြာ တိုင်းရင်းသားလက်နက် ကိုင်အဖွဲ့များ၏ ပဋိပက္ခများသည် မပြီးဆုံးနိုင်သေးပဲရှိခဲ့ရာမှ ယနေ့ခေတ်တွင် မှာတော့ တိုင်းရင်းသားလက်နက် ကိုင်တပ်ဖွဲ့တော်တော်များများဖြင့် အပစ်အခတ်ရပ်စဲကာ ငြိမ်းချမ်းရေး လမ်းစဉ်ကို ဖော်ဆောင်နေကြပြီဖြစ်ပေသည်။

ငြိမ်းချမ်းရေးဖော်ဆောင်ရာတွင်တိုင်းရင်းသားလက်နက်ကိုင်တပ်ဖွဲ့များနှင့် အလွယ်တကူ ညှိနှိုင်းခဲ့ရသည် မဟုတ်ချေ။ ရပိုင်ခွင့်များ၊ တောင်းဆိုမှုပေါင်းများစွာတို့ကိုလိုက်လျောလျှက် လုပ်ပိုင်ခွင့်များ၊ ကိုယ်ပိုင် အုပ်ချုပ်ခွင့်များနှင့် လက်နက်ကိုင်ဆောင်မှုများကိုပါ ခွင့်ပြုထားခဲ့ရပေသည်။ တိုင်းရင်းသား လက်နက်ကိုင် တပ်ဖွဲ့များအနေဖြင့် နှစ်ရှည်လများ တောထဲတွင်သောင်းကျန်းသူအမည်ခံ၍ နေထိုင်လာခဲ့ရာမှ ယနေ့ခေတ် တွင် တိုင်းရင်းသားတပ်ဖွဲ့များအမည်ဖြင့် မြို့ရွာများပေါ်တွင် ပေါ်ပေါ်ထင်ထင် နေထိုင်လာရခြင်း အပေါ်တွင် လည်း များစွာကျေနပ်နေကြလိမ့်မည်ထင်သည်။ 

ငြိမ်းချမ်းရေးဖော်ဆော်စဉ်ကာလအတွင်း တိုင်းရင်းသားတပ်ဖွဲ့များ၏ ဆက်ဆံရေးရုံးများကို မြို့ကြီးများပေါ် တွင်ဖွင့်လှစ်ခဲ့ကြသည်။ ၄င်းတို့ နေထိုင်ကျက်စားရာဒေသများတွင်လည်း အခိုင်အမာစခန်းများ ပေါ်ပေါ်ထင် ထင်တည်ဆောက်လာကြကာ ထိုဒေသများကိုပါ ၄င်းတို့၏အာဏာသက် ရောက်မှုရှိစေရေးအတွက် လုပ်ဆောင် လာကြသည်ကိုတွေ့မြင်ခဲ့ရသည်။

လွန်ခဲ့သောတစ်ပတ်လောက်က ကရင်ပြည်နယ်၊ မြ၀တီမြို့သို့ ၀င်ရောက်လာသည့် ထိုင်းကုန်တင်ကားကြီး အစီး(၃၀)ကို KNU/KNLA –PC အဖွဲ့မှထွက်ခွာခွင့်မပေးဘဲ တားဆီးမှုများ ပြုလုပ်ခဲ့ကြောင်းသိရှိခဲ့ရသည်။ ထိုင်းရောက် မြန်မာလုပ်သားများအပေါ် ထိုင်းအစိုးရ၏ ညှင်းပန်းနှိပ်စက်မှုကိုမခံနိုင်သဖြင့် ပြုလုပ်ခဲ့ကြောင်း ဗိုလ်မှုးကြီး တိုက်ဂါးကပြောဆိုခဲ့ပေသည်။ မျိုးချစ်စိတ်ရှိမှုအပေါ်တွင် ဂုဏ်ယူစရာဖြစ်ပေမယ့်လည်း တစ်ဘက်တွင်မူ ဥပဒေမဲ့လုပ်ရပ်ကြောင့် နှစ်နိုင်ငံကြားမလိုလားအပ်သောပြဿ နားဖြစ်ပေါ်လာနိုင်သည် ကိုတော့ ထည့်တွက်သင့်ပေသည်။ နှစ်နိုင်ငံကုန်သွယ်မှုကို ၀င်ရောက်နှောင့်ယှက်သောလုပ်ရပ်ဖြစ်ခဲ့ပြီး ငါတို့နယ်မြေ ငါတို့ကြိုက်ရာလုပ်မယ် ဆိုသည့် လုပ်ရပ်ဟာလည်း ဥပဒေမဲ့လုပ်ရပ်သာဖြစ်စေခဲ့ပေသည်။ ထိုကိစ္စနှင့်အလားတူဖြစ်ရပ်များလည်း ရှိခဲ့ဘူးသည် မြေနေရာကိစ္စများနှင့်ပက်သက်၍ မြ၀တီမြို့တွင်အစိုးရတပ်များနှင့် မြို့လယ်တွင်သေနတ်များ ပစ်ဖောက်၍ရုန်းရင်းဆန်ခတ်ဖြစ်ပွားခဲ့ဘူးသည်။

ထို့အပြင်ဘားအံရဲစခန်းအား KNU/KNLA–PC တပ်ဖွဲ့ အင်အား (၃၀) ခန့်ဖြင့်ဝိုင်းရံပိတ်ဆို့ခဲ့မှုလည်းဖြစ်ပေါ် ခဲ့ပေသေးသည်။ အစိုးရအာဏာပိုင် တပ်ဖွဲ့များအနေ ဖြင့် တစ်ဖက်နှင့်တစ်ဖက်သံသများဖြစ်ပေါ်စေသလို၊ ဒေသခံပြည်သူများအနေဖြင့်လည်းလုံခြုံမှုမရှိဘဲကျီးလန့်စာစား နေထိုင်နေရသည်မှာ ငြိမ်းချမ်းရေး လမ်းစဉ် ကို တားဆီး များဖြစ်စေနိုင်ပေသည်။

အလားတူဖြစ်စဉ်များကဲ့သို့ ၂၀၀၉ခုနှစ်ကလည်း ရှမ်းပြည်နယ် လောက်ကိုင်မြို့အခြေစိုက် ဖုန်ကြားရှင် ဦးဆောင်သော ကိုးကန့်ငြိမ်းချမ်းရေးတပ်ဖွဲ့များသည်လည်း မူးယစ်ဆေးဝါးနှင့် လက်နက်စက်ရုံများတည် ဆောက်နေခြင်းကို ရဲတပ်ဖွဲ့မှ အစိုးရတပ်များကိုသတင်းပေးခဲ့သောကြောင့် ရဲတပ်ဖွဲ့ဝင်များကို ရက်ရက် စက်စက် သတ်ဖြတ်ခဲ့သည့် ဖြစ်စဉ်များလည်းရှိခဲ့ဘူးသည်။ တိုင်းရင်းသား လက်နက်ကိုင်တပ်ဖွဲ့များ အနေဖြင့် ဥပဒေ ဘောင်အတွင်း နေထိုင်ရန်အတွက်အခက်ခဲများရှိနေပေသေးသည်။ ကိုယ်ပိုင်အုပ်ချုပ်ခွင့် ကိုယ်ပိုင် ဥပဒေ ပြဌာန်းခွင့်များတောင်းဆိုနေခြင်းမှာလည်း နယ်မြေ ဒေသကို စိတ်ကြိုက်ချယ်လှယ် လိုစိတ် များကြောင့်သာ ဖြစ်ပေလိမ့်မည်။

ယနေ့ခေတ်တွင်လည်း တိုင်းရင်းသားလက်နက်ကိုင်များအနေဖြင့် လုပ်ပိုင်ခွင့်များပါမစ်များ ဖောဖောသီသီ ရရှိ ကာမြို့ပေါ်များတွင်ပါ လက်နက်များကိုင်ဆောင်၍သွားလာလှုပ်ရှားနေသည်ကိုလည်းမြင်တွေ့ကြရမည်။ ထို့အထူ ရံဖန်ရံခါများတွင်လည်း အစိုးရအဖွဲ့များနှင့် ပြသနာများဖြစ် ပွားခြင်း၊ မိမိသဘောဆန္ဒအလျောက် ဥပဒေမဲ့ လုပ်ရပ်များကြောင့် အစိုးရအနေဖြင့်လည်း အခက်တွေ့လျက်ရှိပေသည်။ ငြိမ်းချမ်းရေးလမ်းစဉ်ကို ထိပါး မည်စိုးသဖြင့် အစိုးရမှလည်း များစွာအလျော့ပေးဆက်ဆံလျက်ရှိပေသည်။ ဒါကိုအခွင့်ကောင်းယူ၍ လုပ်ချင် ရာလုပ်သည့်ပုံစံမျိုးမှာ ငြိမ်းချမ်းရေးဖော်ဆောင်ရာတွင် အခက်ခဲများဖြစ်ပေါ်လာနိုင်ပေသည်။

ထို့ကြောင့် တိုင်းရင်းသားလက်နက်ကိုင်တပ်ဖွဲ့များအနေဖြင့် မိမိလူမျိုး၊ ဒေသ၊ နိုင်ငံကို အမှန်တကယ်ဖွံ့ဖြိုး တိုးတက်လိုစိတ်ရှိပါက ဥပဒေမဲ့လုပ်ရပ်များကို မပြုလုပ်သင့်ပဲ ညီညီညွတ်ညွတ် စည်းစည်းလုံးလုံး နေထိုင် သင့် ပေသည်။ အစိုးရအနေဖြင့်လည်း ငြိမ်းချမ်းရေးကို ထိပါးမည်စိုးသဖြင့် လက်နက်ကိုင် တပ်ဖွဲ့ များ၏ ထင်ရာ စိုင်းခြင်းအပေါ် မျက်ကွယ်မပြုသင့်ပေ။ တိုင်းရင်းသားတပ်ဖွဲ့များနှင့်ညှိနှိုင်းဆောင်ရွက်ကာ ငြိမ်း ချမ်းရေး တပ်ဖွဲ့ များအပေါ် ထိန်းညှိပေးနိုင်သည့် ဥပဒေတစ်ခုထားရှိသင့်ကြောင်း သုံးသပ်ရေးသား လိုက်ပါ သည်။ 

မင်းထက်သာ
(ဗဟန်း)

No comments:

Post a Comment