ဒီနေ့ ကျရောက်တဲ့ ၇၅ နှစ်မြောက် ၁၃၀၀ ပြည့် ရေနံမြေသပိတ် စိန်ရတုအခမ်းအနားကို မကွေးတိုင်းဒေ သကြီး ချောက်မြို့မှာကျင်းပခဲ့ပြီး ရေနံမြေသပိတ်ခေါင်းဆောင် အာဠာဝက သခင်ဘိုးလှကြီး ကြေးသွန်း ရုပ်တုကို ဖွင့်လှစ်ဂါရ၀ပြုခဲ့ကြပါတယ်။
“မနက် ၇ နာရီမှာ သခင်ဘိုးလှကြီး ကြေးသွန်းရုပ်တုကို ဖွင့်ပွဲကျင်းပပါတယ်ခင်ဗျ၊ ဒီကြေးသွန်းရုပ်တု ဟာ ကြေး ပိဿာ ချိန် ၂၁ဝ ရှိပါတယ်ခင်ဗျ”
ဒီနေ့ ချောက်မြို့က အခမ်းအနားကို သမ္မတ ဦးသိန်းစိန်၊ ပြည်ထောင်စုလွှတ်တော် နာယက သူရဦးရွှေမန်းနဲ့ အမျိုးသားဒီမိုကရေစီအင်အားစု NDF ပါတီတွေက သဝဏ်လွှာတွေ ပေးပို့ခဲ့ပါတယ်။
အလားတူ ၁၃၀၀ ပြည့်အရေးတော်ပုံ စိန်ရတုအခမ်းအနားကို မကွေးတိုင်းဒေသကြီး အမျိုးသားဒီမိုကရေစီ အဖွဲ့ချုပ် အဖွဲ့ဝင်တွေစုပေါင်းပြီး ချောက်မြို့မှာကျင်းပခဲ့သလို ရန်ကုန်မှာလည်း လာမယ့် ဇန်န၀ါရီလထဲမှာ ၁၃၀၀ ပြည့်အရေးတော်ပုံ စိန်ရတုအခမ်းအနားကို ကျင်းပသွားမှာ ဖြစ်ပါတယ်။
RFA Burmese
No comments:
Post a Comment