ယနေ့ကျင်းပသော ၁၆ရက်မြောက် ပြည်သူ့လွှတ်တော်အစည်းအဝေးတွင် ဦးအောင်ဆန်း(ပန်းပဲတန်း မဲဆန္ဒနယ်) ၏ Sea Game အကြိုကာလ အတွင်း ပြည်တွင်း/ပြည်ပတွင် အားကစားနည်း အလိုက်ပြိုင်ပွဲ များ၊ နိုင်ငံ တကာသို့ စေလွှတ်၍ ပူးတွဲလေ့ကျင့်နေသော အခြေအနေများနှင့် စပ်လျဉ်းသော Sea Game ဆိုင်ရာ မေးခွန်း(၇)ခုကို မေးမြန်းရာ အားကစား ဝန်ကြီးဌာန ဒုတိယဝန်ကြီး ဦးသောင်းထိုက်က (၂၇) ကြိမ်မြောက် အရှေ့တောင်အာရှအားကစား ပြိုင်ပွဲအကြိုအဖြစ် ၂၀၁၁ ခုနှစ်၊ ဒီဇင်ဘာလ မှ ၂၀၁၃ ခုနှစ် ဇူလိုင်လအထိ နိုင်ငံတကာအားကစားပြိုင်ပွဲများကို အားကစား အဖွဲ့ ၃၃ ဖွဲ့ ၆၄ ကြိမ် စေလွှတ်ခဲ့ပြီး အားကစား နည်း ၁၉ နည်းကို ယှဉ်ပြိုင် ခဲ့ရာ ရွှေ ၅၄ ခု၊ ငွေ၆၄ ခု၊ ကြေး ၅၇ ခု စုစုပေါင်းဆုတံဆိပ် ၁၇၅ ခုရရှိ ခဲ့ပါကြောင်း၊ ဆက်လက်၍ ၂၀၁၂ ခုနှစ်၊ အောက်တိုဘာလမှ ၂၀၁၃ ခုနှစ်၊ ဇွန်လအတွင်း အားကစားနည်း ၈ မျိုးကို ပြိုင်ပွဲ ၉ ကြိမ်ကျင်းပခဲ့ရာတွင် လည်း ရွှေ ၂၈ ခု၊ ငွေ ၃၆ ခု၊ ကြေး ၆၅ ခု၊ စုစုပေါင်း ဆုတံဆိပ် ၁၂၉ ခု ရရှိခဲ့ပါကြောင်း၊ အားကစားနည်း ၁၂ မျိုးကို တူရကီ၊ ဟော်လန်၊ အီတလီ၊
ဂျပန်၊ ကူဝိတ်၊အဇာဘိုင်ဂျန်၊ ကာဇက်စတန်၊ ထိုင်း၊ ဗီယက်နမ်၊ စင်ကာပူနှင့် လာအိုနိုင်ငံများသို့ ၁၅ ကြိမ်၊ တရုတ်ပြည်သူ့သမ္မတနိုင်ငံသို့ ၁၂ ကြိမ် ပူးတွဲလေ့ကျင့်ရန်စေလွှတ်ခဲ့ပြီး ပြည်ပနိုင်ငံ မှာ နိုင်ငံတကာ အဆင့်မီ အားကစားနည်းစနစ်များကို ပြိုင်ဘက်ကောင်းများနှင့် ပူးတွဲလေ့ကျင့်ခွင့်ရရှိခဲ့သဖြင့် အားကစား သမားများ၏ ကြံ့ခိုင်မှု၊ သက်လုံ ကောင်းမွန်မှု နည်းစနစ်ပိုင်းနှင့် စံချိန်စံညွှန်းတိုးတက်မှုများ ရရှိနေပြီးဖြစ် ပါ၍ အောင်မြင်မှု အလားအလာကောင်းများလည်း ရရှိနေပြီဖြစ်ပါကြောင်း၊ ယခင်ကျင်းပခဲ့သော အရှေ့တောင် အာရှအားကစား ပြိုင်ပွဲများတွင် မြန်မာအားကစား အဖွဲ့ရရှိခဲ့သော ရွှေတံဆိပ်၊ ဆုတံဆိပ် အရေအတွက်နှင့် လက်ရှိနိုင်ငံ အလိုက်အဆင့်တွင် မြန်မာနိုင်ငံရှိနေသော အဆင့်ထက် ပိုမိုမြင့် မားစွာ ရရှိနိုင်ရေးအတွက် နည်းစနစ်မှန်မှန်ပြင်းပြင်းထန်ထန်နှင့် လေ့ကျင့်ပေး လျက်ရှိပါကြောင်း စသဖြင့် ပြန် လည်ဖြေကြားခဲ့ပါသည်။
Pyithu Hluttaw - ပြည်သူ့လွှတ်တော်
No comments:
Post a Comment