နိုင်ငံဧရိယာ၏ ၁၀ ရာခိုင်နှုန်းကို သဘာဝနယ်မြေအဖြစ် သတ် မှတ် တည် ထောင်ရန် ရည်မှန်းချက် နီးကပ်လာပြီဟု ဇန်န၀ါရီလ ၁၆ ရက်နေ့က ကျင်းပသည့် မြန်မာနိုင်ငံရှိ သဘာဝနယ်မြေများ စီမံ အုပ်ချုပ်မှု ရေရှည်တည်တံ့စေရေး အဆင့်မြှင့်တင်ခြင်းလုပ်ငန်း စီမံကိန်း ညှိနှိုင်း အစည်းအဝေးတွင်ပတ်ဝန်းကျင် ထိန်းသိမ်းရေးနှင့် သစ်တောရေးရာ ၀န်ကြီးဌာန ပြည်ထောင်စုဝန်ကြီး ဦးဝင်းထွန်း ကပြောကြားသည်။
"နိုင်ငံဧရိယာရဲ့ ၁၀ ရာခိုင်နှုန်းကို သဘာဝနယ်မြေတွေအဖြစ်တည်ထောင်သွားဖို့ ရည်မှန်းချက်ထား ရှိပြီး ဖြစ်ပါတယ်။ ဒီရည်မှန်းချက် ပေါက် ရောက် အောင်မြင်အောင် ကျွန်တော်တို့ ၀န်ကြီးဌာနအနေနဲ့ ဇီဝ မျိုးစုံမျိုးကွဲများ တန်ဖိုးမြင့်မားတဲ့နေရာတွေကို ကွင်းဆင်းဖော်ထုတ် မှတ်တမ်းတင်ပြီး သဘာဝ နယ်မြေ အဖြစ် တည်ထောင်နေပါတယ်"ဟု ၎င်းက ပြောသည်။
မြန်မာနိုင်ငံ၌ လက်ရှိ တည်ထောင်ထားသည့် သဘာဝနယ်မြေ ၃၆ ခုသည် နိုင်ငံဧရိယာ၏ ၅ ဒသမ၆ ရာခိုင်နှုန်းရှိပြီး အဆိုပြု သဘာဝနယ်မြေများကို အပြီးသတ် တည်ထောင်ပြီးပါက နိုင်ငံဧရိယာ၏၆ ဒသမ ၈၁ ရာခိုင်နှုန်းရှိသည့် သဘာဝနယ်မြေသည် စုစုပေါင်း ၄၄ ခု အထိရှိလာ မည်ဖြစ်သည်။
သဘာဝနယ်မြေအဖြစ် တည်ထောင်ရန် ပဲခူးရိုးမ၌ရှိသော မြောက်ဇာမရီ သစ်တောကြိုးဝိုင်းကို ဆင် ထိန်း သိမ်းရေးအတွက် ၂၀၁၂ ခုနှစ်၊ ဒီဇင်ဘာလ ၇ ရက် နေ့က ကြေညာစာထုတ်ပြန်ခဲ့သည်။
"ဒီလို ထုတ်ပြန်လိုက်တာကြောင့် မြန်မာနိုင်ငံမှာ လက်ရှိအဆိုပြု သဘာဝနယ်မြေရှစ်ခုရှိလာပြီး နိုင်ငံ ဧရိယာရဲ့ ၁ ဒသမ ၂၁ ရာခိုင်နှုန်း ရှိလာပြီဖြစ်ပါတယ် " ဟု ဦးဝင်းထွန်းက ပြောကြားသည်။
ယင်းသို့ သဘာဝနယ်မြေများအဖြစ် ကမ္ဘာ့ကုန်းမြေနှင့်ကုန်တွင်းပြင် ဧရိယာ ၁၇ ရာခိုင်နှုန်း၊ ပင်လယ်ရေပြင်နှင့် ကမ်းရိုးတန်းဧရိယာ၏ ၁၀ ရာခိုင်နှုန်း တိုးမြှင့်တည်ထောင်ရန်အတွက် ဂျပန်နိုင်ငံ၊ နာဂိုယာမြို့၌ ကျင်းပခဲ့သော ဇီဝမျိုးစုံ မျိုးကွဲ ကွန်ဗင်းရှင်း၏ (၁၀)ကြိမ် မြောက် အဖွဲ့ဝင်နိုင်ငံများညီလာခံ၌ တညီတညွတ်တည်းသဘောတူခဲ့သည်။
မကြာမီ ကချင်ပြည်နယ်အတွင်းရှိ ပူတာအို၊ ဟုမ္မလင်း၊ မချမ်းဘော၊ ခန္တီး၊ နန်းယွန်း၊ နောင်မွန်း စသည့် မြို့များ၌ စတင်မည့် ပတ်ဝန်းကျင်ထိန်းသိမ်းရေး ဇီဝမျိုးးစုံမျိုးကွဲထိန်းသိမ်း စောင့်ရှောက်မှုစီမံကိန်းကို ကုသမဂ္ဂဖွံ့ဖြိုးရေးအစီအစဉ်၏ ထောက်ပံ့မှုဖြင့် အစိုးရနှင့် ပူးပေါင်း ဆောင်ရွက်မည်ဖြစ်သည်။
ထို့ပြင် အဆိုပါစီမံကိန်းအတွက် အထက်ပါမြို့နယ်များ၌ လုပ်ကိုင်လျက်ရှိသော ကုမ္ပဏီများကိုလည်း ဖိတ်ခေါ် ထားသည်ဟု ကုလသမဂ္ဂဖွံ့ဖြိုးရေးအစီ အစဉ်(ယူအင်န်ဒီပီ)မှ လက်ထောက်ဌာနေကိုယ်စားလှယ် ဦးမင်းရဲထွဋ်က ယခုလ ၁၆ ရက်က ပြောသည်။
မြန်မာ့တိုင်းမ်
No comments:
Post a Comment