Atom ပရိုဆက်ဆာအသုံးပြု tablet များကို Intel နှင့် hardware ကုမ္ပဏီများ ပွဲထုတ်မိတ်ဆက်

Intel နှင့် ၎င်း၏ လက်တွဲဖက် hardware ကုမ္ပဏီများဖြစ်သည့် Acer, Asus, Dell, HP, Lenovo, Samsung နှင့် ZTE တို့က Atom ပရိုဆက်ဆာ အသုံးပြုထားသည့် tablet ထုတ်ကုန်များ ကို ဆန်ဖရန် စစ္စကိုမြို့၌ ကျင်းပပြုလုပ်ခဲ့သည့် ပြပွဲတစ်ခုတွင် ပွဲထုတ်မိတ်ဆက်ပေးခဲ့ကြောင်း သိရသည်။

အဆိုပါ ထုတ်ကုန် အားလုံးတွင် Intel ၏ Z2760 “Clover Trail” Atom ပရိုဆက်ဆာကို အသုံးပြု ထားသော ကြောင့် အထူမှာ ၈.၅ မီလီမီတာသာရှိပြီး အလေးချိန်မှာလည်း ၆၈၀ ဂရမ်သာရှိကြောင်း၊ ဘက်ထရီသက်တမ်း မှာလည်း HD ဗီဒီယိုကြည့်ရှုရာတွင် ၁၀ နာရီကျော်ခန့် အသုံးပြုနိုင်ပြီး standby အနေဖြင့် ၃ ပတ်ကျော်ကြာ အသုံးပြုနိုင်မည် ဖြစ်ကြောင်း Intel ကုမ္ပဏီမှ ပြောကြားခဲ့သည်။

Intel သည် Near Field Communication (NFC) ကိုလည်း tap တစ်ချက်လုပ်ရုံနှင့် ထုတ်ကုန်များကို pair လုပ်နိုင်ကြောင်း အမွှမ်းတင်ပြောကြားခဲ့ပြီး ၎င်းချစ်ပ်သည် 8-megapixel အထိရှိသည့် HD ကင်မရာ များအပြင် Wi-Fi, 3G နှင့် 4G LTE တို့ကိုပါ အထောက်အပံ့ပေးနိုင်ကြောင်း ပြောကြားခဲ့သည်။

Intel ကုမ္ပဏီ၏ ချစ်ပ်သစ်ကို အသုံးပြုထားသည့် tablet များနှင့် convertible များကို Windows 8 နှင့် အတူ ရောင်းချမည်ဟု သိရသည်။

Ref: CNET Asia