လက်ငင်းလိုအပ်နေပါပြီ - လေးပွင့်ဆိုင် ဒါမှမဟုတ် ခြောက်ပွင့်ဆိုင်

ယနေ့ မြန်မာနိုင်ငံရေးအဝန်းအဝိုင်းထဲက အခင်းအကျင်း တို့ကို ရှုကြည့်ပါ။

အမျိုးသားပညာရေးဥပဒေနှင့် ပတ်သက်သည့် လှုပ်ရှားမှုများကို တွေ့ရ ပါလိမ့်မည်။ အမျိုး သားလွှတ်တော်တွင်လည်း ၄င်းပြင်ဆင်သည့် ဥပဒေကြမ်း နှင့်ပတ်သက်ပြီး ကြားနာမှုများ ပြုလုပ်နေပါသည်။

နောက်သို့တစ်ဆင့်ဆုတ်ပြီး ရှုစားကြည့်ပါဦး။ နိုင်ငံ သားမဟုတ်ဘဲ ဆန္ဒမဲပေးပိုင်ခွင့်နှင့်ပတ်သက်သည့် အငြင်း ပွားမှုများကို မြင်တွေ့ရပါလိမ့်မည်။ ပြီးတော့ မြန်မာပြည် မြောက်ပိုင်းက ကိုးကန့်ဒေသမှာ ဖုန်ကြားရှင် ဦးဆောင်သော လက်နက်ကိုင်အဖွဲ့နှင့် မြန်မာ့တပ်မတော်တို့ တိုက်ပွဲများဖြစ် ပွားရာက ဒေသမတည်ငြိမ်မှုကြောင့် ဖွဲ့စည်းပုံအခြေခံဥပဒေ အရ ကိုယ်ပိုင် အုပ်ချုပ်ခွင့်ရဒေသသည် တပ်မတော်၏အုပ် ချုပ်မှုအာဏာအောက်ကို အပ်နှင်းပေးခဲ့ရပါသည်။

ဒါ့အပြင် နောက်ထပ်တစ်လှမ်းမျှ ထပ်ဆုတ်ကြည့်ပါ။ အဖြေမရသေးသော ပြည်တွင်းစစ်အဆုံးသတ်ရေးအတွက် အပစ်ရပ်ရေးဆွေးနွေးပွဲများကို လှုပ်လှုပ်ရှားရှား မြင်တွေ့ ရပါလိမ့်မည်။

နောက် ထိပ်သီးခေါင်းဆောင်ကြီးလေးဦး အပါအဝင် နိုင်ငံရေးပါတီ ခေါင်းဆောင်များ၊ တိုင်းရင်းသား ရေးရာဝန်ကြီးများပါဝင်သည့် ၄၈ဦး တွေ့ဆုံဆွေးနွေးမှု၊ ၁၄ဦး တွေ့ဆုံဆွေးနွေးမှု မြင်ကွင်းများကို မြင်တွေ့ ရပေဦးမည်။

ထို့နောက် ပုဒ်မ ၄၃၆ ပြင်ဆင်ရေး၊ ၅၉(စ)ပြင်ဆင်ရေးအပါ အဝင် ကမ္ဘာ့အပြင်ရအခက်ဆုံးလို့ တင်စားထားကြသည့် ၂ဝဝ၈ခုနှစ် ဖွဲ့စည်းပုံအခြေခံဥပဒေပြင်ဆင်ရေး လှုပ်ရှားမှု များ၊ လှုံ့ဆော်ဟောပြောမှုများ စသဖြင့် မြင်တွေ့ရပါလိမ့် မည်။ ဒီအရင်ကလည်း လူမျိုးရေး၊ ဘာသာရေး ပဋိပက္ခတွေ၊ အထိကရုဏ်းတွေကို မြင်တွေ့ရပါလိမ့်ဦးမည်။

ထိုထိုသော မတည် ငြိမ်မှုမြင်ကွင်းများ၊ ပြဿ နာရပ်များသည် ယခုနှစ် ထဲတွင် ပြုလုပ်ဖို့ရှိနေသည့် အထွေထွေ ရွေးကောက် ပွဲကြီးနီးလာသည်နှင့်အမျှ ပိုပိုပြီး အတွေ့များလာသည်ဟု မြန်မာ့နိုင်ငံရေး လေ့လာ စောင့်ကြည့်သူများက ဆိုပါသည်။ တစ်ဆက်တည်းတွင် ပြည် တွင်းမတည်ငြိမ်မှုများ ဖြစ်လာပါက တပ်မတော်အနေဖြင့် အာဏာသိမ်းနိုင်သည့် သဘောပါသည့် ပြောဆိုမှုများကို လည်း ကြားသိနေရပြီးပြီမို့ ယင်းသို့သော နိုင်ငံရေးအကြပ် အတည်းများကို ညှိနှိုင်းဖြေရှင်းနိုင်ဖို့အတွက် တိုင်းပြည်၏ အရေးပါသည့် ထိပ်ပိုင်းခေါင်းဆောင်များ တွေ့ဆုံဆွေးနွေး ရေးသည် အဓိကကျသည်ဟု မြန်မာ့နိုင်ငံရေးလေ့လာသုံး သပ်သူများက လက်ခံထားသည်။

ထို့ကြောင့် အတိုက်အခံ ခေါင်းဆောင် နိုဘယ်လ်ငြိမ်းချမ်းရေးဆုရှင်၊ အမျိုးသားဒီမို ကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က 'လေး ပွင့်ဆိုင်တွေ့ဆုံဆွေးနွေးရေး'ကို သမ္မတဦးသိန်းစိန်ထံ စာပို့ တောင်းဆိုခဲ့ခြင်းဖြစ်သည်။

သို့သော် ယနေ့အထိတော့ အထ မမြောက်သေး။
'ခေါင်းဆောင်တွေ အမြင်တူကြ၊ ချစ်ခင်ကြလျှင် ဘေး ပယောဂတွေအတွက် ဘေးပယောဂဖန်တီးလိုသူများအတွက် နေရာရှိတော့မည်မဟုတ်'။
ပြည်ခိုင်ဖြိုးပါတီမှ လွှတ်တော်အမတ် ဦးမြင့်ထွန်း၏ အဆိုကို အကြောင်းပြုပြီး ပြည်ထောင်စုလွှတ်တော်ကလည်း သမ္မတ၊ ကာကွယ်ရေးဦးစီးချုပ်၊ လွှတ်တော်ဥက္ကဋ္ဌနှစ်ဦး၊ ဒေါ်အောင်ဆန်းစုကြည်နှင့် တိုင်းရင်းသား ကိုယ်စားလှယ် ဒေါက်တာအေးမောင်တို့ပါဝင်သော ခြောက်ပွင့်ဆိုင်တွေ့ ဆုံဆွေးနွေးရေးကို အစိုးရအဖွဲ့အား ၂ဝ၁၄ခုနှစ် နိုဝင်ဘာ လအတွင်းက တိုက်တွန်းခဲ့ပါသည်။ သို့သော် အထမမြောက် သေးပါ။

'ဖွဲ့စည်းပုံပြင်ဆင်ရေးကိစ္စကို ခေတ်စနစ်နဲ့ ကိုက်ညီ အောင်၊ လက်ရှိနဲ့ အနာဂတ် အစိုးရတွေရဲ့ ကြားကာလ အခြေအနေတွေကို ဆွေးနွေးသွားဖို့ အတွက်'ဟု ခြောက်ပွင့် ဆိုင်ကို လွှတ်တော်က အတည်ပြုခဲ့တာဟု ဒေါက်တာအေး မောင်က ဆိုပါသည်။

မကြာခင် ခြောက်ပွင့်ဆိုင်တွေ့ဆုံဆွေးနွေးရေး အထ မြောက်တော့မှာမို့ ပါဝင်မည့်ကိုယ်စားလှယ်များအား တွေ့ ဆုံကာ လိုအပ်သည့် အချက်အလက်များ စုဆောင်းထားဖို့၊ အဆင်သင့်ပြင်ထားကြဖို့ ပြည်ထောင်စု လွှတ်တော်နာယက သူရဦးရွှေမန်းက မတ်လ ၁၁ရက်က ပြောဆိုလိုက်ပါပြီ။ သူရ ဦးရွှေမန်းသည် လေးပွင့်ဆိုင်တွင်ဖြစ်စေ၊ ခြောက်ပွင့်ဆိုင်တွင် ဖြစ်စေ အကျုံးဝင်သည့်သူလည်းဖြစ်၊ လက်ရှိ လွှတ်တော် နှစ်ရပ်စလုံး၏ အကြီးအကဲလည်း ဖြစ်သည်မို့ ဖြစ်လာနိုင်ခြေ ရှိလို့သာ ပြောဆိုခြင်း ဖြစ်သည်ဟု အမျိုးသားဒီမိုကရေစီအဖွဲ့ ချုပ်၏ ပြောခွင့်ရပုဂ္ဂိုလ်၊ ပြည်သူ့လွှတ်တော်အမတ် ဦးဝင်း မြင့်က ယူဆသည်။

''ဖွဲ့စည်းပုံအခြေခံဥပဒေအရ ပြည်ထောင်စုလွှတ်တော် က ခိုင်းတဲ့အရာကို အုပ်ချုပ်ရေးအပိုင်းက လုပ်ပေးဖို့ တာ ဝန်ရှိပါတယ်။ လွှတ်တော်က အတည်ပြုထားတဲ့ ခြောက်ပွင့် ဆိုင် တွေ့ဆုံဆွေးနွေးရေးကိစ္စက ကြာခဲ့ပါပြီ။ အုပ်ချုပ်ရေး အပိုင်းက လုပ်ပေးဖို့သင့်ပါပြီ'ဟု ဦးဝင်းမြင့်က ဆက်ပြော သည်။

လတ်တလောအခြေအနေအရ လေးပွင့်ဆိုင်ဖြစ်စေ၊ ခြောက်ပွင့်ဆိုင်ဖြစ်စေ ထိပ်ပိုင်းခေါင်းဆောင်များ တွေ့ဆုံ ဆွေးနွေးရေးတွင် ပြည်တွင်းငြိမ်းချမ်းရေး ကိစ္စ၊ အမျိုးသား ပြန်လည်သင့်မြတ်ရေးကိစ္စ၊ ဖက်ဒရယ်ပြည်ထောင်စု တည် ဆောက်ရေးကိစ္စနှင့် အရေးအကြီးဆုံးဖြစ်သည့် ဖွဲ့စည်းပုံ ပြင်ဆင်ရေး ကိစ္စရပ်များကို ဦးစားပေးအဖြစ် ထည့်သွင်းဆွေး နွေးကြရမည်ဖြစ်သည်ဟု ဦးဝင်းမြင့်က ယူဆသည်။

''တကယ့်ဖက်ဒရယ်ပြည်ထောင်စုကို တည်ဆောက်ဖို့ ဆန္ဒရှိတယ်ဆိုရင် တွေ့ဆုံဆွေးနွေးရေးကို မြန်မြန်အကောင် အထည်ဖော်ဖို့ လိုအပ်ပါလိမ့်မယ်။ ပြည်ထောင်စုရဲ့ အနာ ဂတ်ရေးရာကိစ္စရပ်တွေ၊ ပြန်လည်ရင်ကြားစေ့ရေး ကိစ္စရပ် တွေ၊ ပြည်တွင်းငြိမ်းချမ်းရေးကိစ္စရပ်တွေဟာ အရေးပေါ် ဆွေးနွေးရမယ့် ကိစ္စရပ်တွေပဲ''။

ထိုအချက်ကို မြန်မာ့နိုင်ငံရေးလေ့လာသုံးသပ်သူ ဦးကျော်လင်းဦးကလည်း လက်ခံသည်။ လက်ရှိမြန်မာ့နိုင်ငံ အရေးအဝန်းအဝိုင်းထဲတွင် ဖြေရှင်းစရာပြဿနာပေါင်း များ စွာရှိနေသည်ဟု သူ့အနေဖြင့် လက်ခံသည်။ သို့သော် နံပါတ် တစ်အနေဖြင့် ဦးစားပေးဖြေရှင်းရမှာသည် အခြေခံဥပဒေ ပြင်ဆင်ရေးသာဖြစ်သည်ဟု ဦးကျော်လင်းဦးက ရှုမြင်သည်။

''သာမန်ပြည်သူလူထုကတော့ ဖွဲ့စည်းပုံပြင်ဆင်ရေး နဲ့ပတ်သက်ပြီး အကောင်အထည်ပေါ်အောင် ဘယ်လိုမျိုး လူထုလှုပ်ရှားမှုလုပ်ရမလဲဆိုတာကို မစဉ်းစားမိသေးတဲ့ သဘောရှိပါတယ်။ ဒါပေမဲ့ နိုင်ငံရေးအရ ဖွဲ့စည်းပုံအခြေခံ ဥပဒေပြင်ဆင်ရေးဟာ တော်တော်လေး အရေးကြီးတဲ့အပိုင်း မှာ ရှိနေတယ်''ဟု ၄င်းက ဆိုပါသည်။

ယင်းအောက်တွင်မှ ပြည်နယ်နှင့် တိုင်းဒေသကြီးများ၏ အာဏာခွဲဝေရေး၊ လုပ် ပိုင်ခွင့်နှင့် အဆင့်ဆင့် တာဝန်ယူမှုများကို ဆွေးနွေးညှိနှိုင်း ရမည်ဟု ဦးကျော်လင်းဦးကဆိုသည်။

ဒုတိယဦးစားပေးအနေဖြင့်တော့ ဖက်ဒရယ်ပြည်ထောင် စုကို ဘယ်လို တည်ဆောက်ကြမလဲဆိုသည်ကို ခေါင်းဆောင် များ အချင်းချင်း သဘောတူညီချက် ယူဖို့လိုသည်။ ယင်း သို့ တည်ဆောက်ရာတွင်လည်း နိုင်ငံရေးအင်အားစုတွေ၊ အထူးသဖြင့် တိုင်းရင်းသားအင်အားစုတွေ၊ လက်နက်ကိုင် အင်အားစုတွေ အားလုံးက ပါဝင်ဆွေးနွေးပြီး ''ဘယ်လိုဖက် ဒရယ်မျိုးကို လက်ခံမလဲဆိုတာက အရေးကြီးတယ်''ဟု ဦးကျော်လင်းဦးက သုံးသပ်သည်။

ယင်းအချက်နှစ်ချက် ညှိနှိုင်းအဖြေထွက်မှသာ တတိယ ဦးစားပေးဖြစ်သည့် တိုင်းပြည်၏ ပြည်တွင်းစစ်ကလည်း တစ်စုံတစ်ရာ ပြေငြိမ်းမည့်သဘောဟု ဦးကျော်လင်းဦးက ရှုမြင်သည်။ ''ဖွဲ့စည်းပုံအခြေခံဥပဒေပြင်ဆင်ရေး၊ ဖက်ဒရယ် ပြည်ထောင်စုနဲ့ပတ်သက်တဲ့ သဘောတူညီချက်၊ ငြိမ်းချမ်း ရေးနဲ့ပတ်သက်တဲ့ သဘောတူညီချက်တွေရရှိဖို့ဟာ လက်ရှိ တိုင်းပြည်မှာ အရေးကြီးဆုံး။''

ဖွဲ့စည်းပုံအခြေခံဥပဒေတစ်ခုသည် ပြည်သူလူထုက ကြိုက်သည်ဖြစ်စေ၊ မကြိုက်သည်ဖြစ်စေ ပြည်သူလူထုအပေါ် တွင် သက်ရောက်မှုရှိနေမြဲဖြစ်သည်။ သို့နှင့် ''လူတကာ မနှစ်မြို့ဘဲ ကိုယ်ပိုင်ဆန္ဒတွေမပါဝင်ဘဲ ဒါကြီး(ဖွဲ့စည်းပုံ အခြေခံဥပဒေ) ကို ဝန်ထုပ်ဝန်ပိုးကြီးအဖြစ် ထမ်းဆောင် နေရပြီးတော့ တကယ့်ပြုပြင်ပြောင်းလဲရေးမှာလည်း အဟန့် အတားဖြစ်၊ အနှောင့်အယှက်ဖြစ်နေတာကို သွားတွေ့ရ တယ်''ဟု ၈၈မျိုးဆက် ငြိမ်းချမ်းရေးနှင့်ပွင့်လင်းလူ့အဖွဲ့အစည်း မှ ဦးပြုံးချိုက သုံးသပ်သည်။

ယင်းသို့သော အဟန့်အတားဖြစ်နေသည့် အပြောင်း အလဲကို အငြင်းပွားမှုဖြစ်နေသည့် ဖွဲ့စည်းပုံဆိုင်ရာ ပြုပြင် ပြောင်းလဲရေးကို ပိုပြီးတော့အားထည့်သင့်သည်ဟု ၈၈မျိုး ဆက်ကျောင်းသားတစ်ဦးလည်းဖြစ်သူ ဦးပြုံးချိုက လက်ခံ ထားသည်။ ''ဖွဲ့စည်းပုံအရ သက်ရောက်မှုရှိတဲ့ နယ်ပယ်တွေ၊ တိုင်းရင်းသားတွေရဲ့ရပိုင်ခွင့်တွေ၊ ကိုယ်ပိုင်ရွေးချယ်တင် မြှောက်ခွင့်တွေ၊ ဒါတွေကိုပါ အာမခံချက်ရှိရှိ ထည့်သွင်း စဉ်းစားနိုင်မှသာ ရေရှည်နိုင်ငံရဲ့ ဒီမိုကရက်တစ်ပြည်ထောင် စုကို ပြေပြေပြစ်ပြစ် ဖော်ဆောင်နိုင်ပါလိမ့်မယ်''ဟု ၄င်းက ဆိုသည်။

စည်းကမ်းပြည့်ဝသော ဒီမိုကရေစီရေးအပြောင်းအလဲ ကိုြေ<ွကးကြော်ပြီး ကတိတွေပေး၊ မျှော်မှန်းချက်တွေထားပြီး လက်ရှိသမ္မတဦးသိန်းစိန်အစိုးရ ဖော်ဆောင်ခဲ့သော်လည်း လက်တွေ့မှာတော့ မျှော်မှန်းချက်နှင့် လက်ရှိ ပကတိအခြေ အနေသည် အားရစရာမကောင်းခဲ့ဟု ဦးပြုံးချိုက ရှုမြင်သည်။ အချိန်တွေယူပြီး အပြောင်းအလဲကို ဖော်ဆောင်ခဲ့သည်မှန် သော်လည်း တိုင်းပြည်၏ ရှေ့လာမည့်အလားအလာများ အတွက် ခိုင်မာသည့်ဖြေလျှော့ချက်များရရှိဖို့ အာမခံချက် ရှိမှုတွေကလည်း အားနည်းနေဆဲဟု သူကဆိုသည်။ ဒါ ကြောင့် ပြည်တွင်းငြိမ်းချမ်းရေးကိစ္စပဲဖြစ်ဖြစ်၊ အမျိုးသား ပြန်လည်သင့်မြတ်ရေး ကိစ္စပဲဖြစ်ဖြစ်၊ အဖြေရှာနိုင်မည့်လမ်းစ တွေကို ခိုင်ခိုင်မာမာ မတည်ဆောက်ရနိုင်သေးခြင်းဖြစ်သည် ဟု ၄င်းက ယူဆသည်။

''လမ်းစတွေ ရှာဖွေနိုင်ဖို့အတွက် တွန်းအားတွေဖြစ်ဖို့ကလည်း အများကြီးလိုနေသေးတယ်''။

ထို့အတွက် အပြောင်းအလဲကိုဖော်ဆောင်ကြမည့်သူ များကိုယ်တိုင် ပါဝင်ပြီး တိုင်းပြည်၏ အရေးပါသည့်ကိစ္စရပ် များအပေါ် တကယ့်စေတနာ ကောင်းကောင်းဖြင့် အပြန် အလှန် လေးစားမှု၊ နားလည်မှုများ တည်ဆောက်ကာ အဓိက ကျသော တွေ့ဆုံဆွေးနွေးမှုများပြုလုပ်ဖို့ ဦးပြုံးချိုက တိုက် တွန်းသည်။

''ဘယ်လောက်များများပါရမယ်၊ ဘယ်လိုတွေ စလုပ် ရမယ်ဆိုပြီး အငြင်းပွားနေတာထက် တွေ့ဆုံဆွေးနွေးရေး နည်းလမ်းကို ခိုင်ခိုင်မာမာခြေကုပ်ယူနိုင်တဲ့ တွေ့ဆုံဆွေး နွေးမှုများဖြစ်ဖို့လိုတယ်။ အဲဒီကနေ တစ်ဆင့်ချင်း၊ တစ်ဆင့် ချင်းတက်သွားပြီး တွေ့ဆုံဆွေးနွေးမှသာ ပိုပြီးတော့သေချာ နိုင်တယ်။ နောက်ပြီးတော့ ရရှိတဲ့ရလဒ်တွေမှန်သမျှကို ပြည် သူလူထုကို အမြဲတမ်း အသိပေးခြင်းအားဖြင့် လူထုရဲ့ယုံကြည် မှု၊ ကိုးစားမှုတွေ ပိုပြီးကျယ်ကျယ်ပြန့်ပြန့်ရနိုင်မှာပါ''ဟု ဦးပြုံး ချိုးက ဆိုပါသည်။

မည်သို့ဆိုစေ ပြည်ထောင်စုလွှတ်တော်က အတည်ပြု ဆုံးဖြတ်ထားသည့် ခြောက်ပွင့်ဆိုင် တွေ့ဆုံဆွေးနွေးရေး သည် သူရဦးရွှေမန်းပြောသလို အထမြောက်လာပါက ယင်း ဆွေးနွေးရေးတွင် ပါဝင်ခွင့်ရရှိမည့် ရခိုင်အမျိုးသားပါတီ ခေါင်းဆောင်၊ အမျိုးသားလွှတ်တော်အမတ် ဒေါက်တာအေး မောင်ကတော့ တိုင်းရင်းသားပါတီများ၊ ခေါင်းဆောင်များ နှင့်တွေ့ဆုံကာ ပြင်ဆင်မှုများ ပြုလုပ်နေပါသည်။ နိုင်ငံ့အနာ ဂတ်အတွက် တိုင်းရင်းသားများတောင်းဆိုနေကြသည့် စစ် မှန်သော ပြည်ထောင်စု တည်ဆောက်ရေးနှင့် ပြည်ထောင်စု ၏ သဘောသဘာဝ၊ အဓိပ္ပာယ်များကို ဆွေးနွေးရလိမ့်မည် ဟု ဒေါက်တာအေးမောင်က ရန်ကုန်တိုင်းမ်သို့ပြောသည်။ ဒါ့အပြင် ၂ဝဝ၈ ဖွဲ့စည်းပုံအခြေခံဥပဒေအရ တိုင်းရင်းသား ပြည်သူများအတွက် စစ်မှန်သည့် ကိုယ်ပိုင်အုပ်ချုပ်ခွင့်၊ ကိုယ် ပိုင်ပြဋ္ဌာန်းခွင့်၊ အခွန်အခ ခွဲဝေသုံးစွဲခွင့်နှင့် သယံဇာတခွဲဝေ မှုအချိုးအစား၊ ဒေသတည် ငြိမ်အေးချမ်းရေးနှင့် တရားဥပဒေ စိုးမိုးရေးကိစ္စ စသဖြင့်လည်း ဆွေးနွေးမည်ဟု ၄င်းကဆိုပါ သည်။

''ဒီနေ့ အစိုးရရဲ့အောက်မှာ ခရိုင်တို့၊ မြို့နယ်တို့ စသဖြင့် အုပ်ချုပ်မှု အပိုင်းတွေရှိတယ်။ သူတို့တွေကရော လူထုရဲ့ဆန္ဒ နဲ့ တည်ဆောက်တဲ့ အစိုးရဖြစ်ဖို့လိုသလား။ အဲလိုမျိုးမဟုတ် ဘဲ လူထုပါဝင်တဲ့အစိုးရတစ်ရပ်ကို မြို့နယ်နဲ့ခရိုင်အစ ရွေး ကောက်ပွဲပုံစံနဲ့ တင်မြှောက်ဖို့မသင့်ဘူးလားဆိုတာကို တင် ပြချင်တယ်''ဟု ဒေါက်တာအေးမောင်က သူ့သဘောကိုပြော ပြသည်။

ယင်းသို့သော တိုင်းဒေသကြီးနှင့် ပြည်နယ်များတွင် ကိုယ်ပိုင်ပြဋ္ဌာန်းခွင့်ကို ပြည့်ပြည့်ဝဝပေးမည်ဆိုလျှင် တပ် မတော်၏ပါဝင်မှု ၂၅ရာခိုင်နှုန်းကရော လျှော့ဖို့လိုသလား၊ ရုပ်သိမ်းဖို့လိုမလား၊ ရုပ်သိမ်းခြင်းအားဖြင့် ''စစ်မှန်တဲ့ ပြည် ထောင်စုကို ဖော်ပေးခြင်းအားဖြင့် လက်ရှိတောင်းဆိုနေတဲ့ ပြည်တွင်း စစ်မီးကိုတောက်လောင်စေတဲ့ တိုင်ရင်းသားလက် နက်ကိုင်တွေ တောင်းဆိုနေတဲ့ ကိုယ်ပိုင်အုပ်ချုပ်ခွင့်၊ ကိုယ်ပိုင် ပြဋ္ဌာန်းခွင့်၊ တန်းတူညီမျှရေး ဆိုတာတွေကို ပံ့ပိုးပေးသလို မဖြစ်ဘူးလား၊ တစ်နည်းအားဖြင့် ပြည်တွင်းစစ်ကြီး အပြီး တိုင် ငြိမ်းအေးသွားဖို့အတွက် တပ်မတော်ရဲ့ သဘောထား ကြီးမှုကို ချပြနိုင်ခြေမရှိဘူးလား၊ ဒီလိုအပေးအယူမျိုးတွေ မလုပ်နိုင်ဘူးလား'' စသဖြင့် ချဉ်းကပ်ရမည့်အကြောင်းလေး တွေတော့ ရှိသည်ဟု ဒေါက်အေးမောင်က ဆိုပါသည်။

ဒုတိယအကြောင်းအရာအနေဖြင့်တော့ လက်ရှိအစိုးရ နှင့် နောင်လာမည့် အစိုးရအတွက် ဘယ်လိုအပေးအယူမျိုး ပြုပြီး ဘယ်လိုတည်ဆောက် ကြမလဲဆိုသည်ကိုလည်း အထွေ ထွေသဟဇာတဖြစ်အောင် သဘောတူညီချက်များရဖို့ ဆွေး နွေးသွားမည်ဟု ၄င်းကဆိုပါသည်။

လက်ရှိမြန်မာ့နိုင်ငံရေးအခင်းအကျင်းတွင် လှုပ်ရှား မှုများ၊ မငြိမ်သက်မှုများ၊ ဖြေရှင်းစရာပြဿနာရပ်များသည် မြောက်မြားစွာရှိနေသည့်အတွက် ခြောက်ပွင့် ဆိုင်တွေ့ဆုံ ဆွေးနွေးရေးတွင်ပါဝင်လာမည့် အာဂျန်တာအတိုင်း ဆွေး နွေးသွားမည်ဟု ဒေါက်တာအေးမောင်က ဆိုပါသည်။

ယင်း သို့သော အခြေအနေတွေကို ဖြေရှင်းဖို့အတွက် နိုင်ငံ၏အရေးပါသော ထိပ်ပိုင်းခေါင်းဆောင်များအကြား မည်သို့ ဖြေရှင်းမည်ဆိုသည့် ဘုံသဘောတူညီချက်တစ်ခုတော့ အရေး တကြီး လိုအပ်နေသည်ဟု မြန်မာ့နိုင်ငံရေးလေ့လာသုံးသပ် သူ ဦးကျော်လင်းဦးက ဆိုပါသည်။ သူက ယခုလိုလည်း ဥပမာပေးသည်။

ဥပမာ- ကာကွယ်ရေးဦးစီးချုပ်ရယ်၊ သမ္မတရယ်၊ ကေ အိုင်အေထိပ်ပိုင်း ခေါင်းဆောင်ရယ် တွေ့ပြီဆိုပါစို့။ နိုင်ငံရေး အရ မတူတဲ့အယူအဆတွေ၊ ဖက်ဒရယ်စနစ်အပေါ်ထားတဲ့ သဘောထားတွေ၊ ပြည်ထောင်စု တပ်မတော်ဖွဲ့စည်းဖို့ စသ ဖြင့် အမြင်မတူတာတွေ ရှိနိုင်တယ်။ ဒါပေမဲ့ မူအားဖြင့် ဒီ တိုင်းပြည်ဟာ အားလုံးနဲ့ဆိုင်တာဖြစ်တယ်၊ ဒီတိုင်းပြည်ကြီး စည်းလုံးညီညွတ်ဖို့က ပိုအရေးကြီးတယ်၊ ငြိမ်းချမ်းရေးဟာ အားလုံးရဲ့ ငြိမ်းချမ်းရေးဖြစ်ဖို့ အရေးကြီးတယ်ဆိုတာကို သဘောတူရမယ်။ ဒီလိုငြိမ်းချမ်းမှ ဒေသဖွံ့ဖြိုးရေးအတွက် အထောက်အကူပြုမယ်၊ ငြိမ်းချမ်းမှ တရားမဝင်နိုင်ငံခြား သားတွေရဲ့ တရားမဝင်လုပ်ငန်းတွေကို ဖြေရှင်းလို့ရမယ်။ ငြိမ်းချမ်းမှ သဘာဝတ်ပတ်ဝန်းကျင်ကိုထိခိုက်စေတဲ့ ရင်းနှီး မြှုပ်နှံမှုတွေကို ဖယ်ရှားနိုင်မယ်။ ဒီအတွက် အားလုံးကလက် ခံတဲ့ ဘုံသဘောတူညီချက် ရနိုင်ရင် တော်တော်ကောင်းမယ်။

လတ်တလောတွင်ဖြစ်ပေါ်နေသည့် ကျောင်းသားကိစ္စ၊ အလုပ်သမားကိစ္စ၊ လယ်သမားကိစ္စများသည် အကင်းသေ အောင် မဖြေရှင်းနိုင်သေးသော်လည်း ယင်းအခြင်းအရာများ ကို မည်သို့ဖြေရှင်းမည်ဆိုသည့် ခေါင်းဆောင်အချင်းချင်း ဘုံသဘောတူညီချက်ရရှိရေးကသာ အရေးပါသည်။ ပြည်သူ လူထုတွင် အကြောင်းအရာပေါင်းစုံဖြင့် အထွေထွေမကျေ နပ်မှုများ ရှိနေသည်က အမှန်။ ယင်းမကျေနပ်ချက်များကို ဘယ်အချိန်၊ ဘယ်နေရာမှာ ဘယ်လို ဖောက်ခွဲမယ် ဆိုသည့် အသင့်စောင့်နေသူများလည်း ရှိနိုင်သည်။ ဒီအတွက် ကြို တင်ကာကွယ်လို့ မဖြစ်နိုင်။ ဖြစ်လာလျှင် မည်သို့ဖြေရှင်းမည် ဆိုသည့် ဘုံသဘောတူညီချက်ကသာ အရေးပါသည်ဟု ဦးကျော်လင်းဦးကယူဆသည်။

ထို့ကြောင့် အထွေထွေပြဿနာရပ်များအစ ဖွဲ့စည်းပုံ ပြင်ဆင်ရေး အကျပ်အတည်းအဆုံးအားလုံးအတွက် ဘုံ သဘောတူညီချက်ရရှိဖို့ လေးပွင့်ဆိုင်ပဲဖြစ်ဖြစ်၊ ခြောက်ပွင့် ဆိုင်ပဲဖြစ်ဖြစ် တွေ့ဆုံဆွေးနွေးရေးသည် တိုင်းပြည်၏အနာ ဂတ်အတွက် အရေးကြီးသည်ဟု ဦးကျော်လင်းဦးက သုံးသပ် သည်။ ထိုအချက်ကို အမျိုးသားဒီမိုကရေစီအဖွဲ့ချုပ်မှ ပြည် သူ့လွှတ်တော်အမတ် ဦးဝင်းမြင့်ကလည်း လက်ခံသည်။

ဒီမိုကရေစီအသွင်ကူးပြောင်းရေးပဲဖြစ်ဖြစ်၊ ပြည်တွင်း ငြိမ်းချမ်းရေး အတွက်ပဲဖြစ်ဖြစ်၊ အမျိုးသားရင်ကြားစေ့ရေး နှင့်ပြန်လည်သင့်မြတ်ရေး ကိစ္စပဲဖြစ်ဖြစ် အမှန်တကယ်အောင် မြင်ဖို့အတွက် အစိုးရအနေဖြင့် ဆန္ဒရှိမည်ဆိုလျှင် ထိပ်ပိုင်း ခေါင်းဆောင်များအချင်းချင်း တွေ့ဆုံဆွေးနွေးဖို့ကို ဘာ အကြောင်းနှင့်မှ မဟန့်တားသင့်ဟု ဦးဝင်းမြင့်ကဆိုပါသည်။

''တွေ့ဆုံဆွေးနွေးခြင်းအားဖြင့် အကျိုးဖြစ်ဖို့ပဲရှိတာပါ။ အကျိုးမယုတ်နိုင်ပါဘူး။ ညင်သာပျော့ပျောင်းတဲ့ အယူအဆ တွေ၊ မကြမ်းတမ်းတဲ့ ဖြေရှင်းမှုပုံစံတွေကိုသာ ရရှိနိုင်မှာပဲ။ အခုထလုပ်ရင် အခုအဖြေထွက်နိုင်မှာပါ။ တိုင်းပြည်ရဲ့အခြေ အနေအရပ်ရပ်က ထိပ်ပိုင်းခေါင်းဆောင်တွေချည်းပဲ လေး ပွင့်ဆိုင်ပဲဖြစ်ဖြစ်၊ ခြောက်ပွင့်ဆိုင်ပဲဖြစ်ဖြစ် တွေ့ဆုံညှိနှိုင်း အဖြေရှာဖို့ လိုအပ်နေတာ''ဟု ဦးဝင်းမြင့်က သုံးသပ်သည်။

ပြည်ထောင်စုရွေးကောက်ပွဲကော်မရှင်၏ ထုတ်ပြန် ချက်အရ ၂ဝ၁၅ခုနှစ် အထွေထွေရွေးကောက်ပွဲများကျင်းပ ဖို့အတွက် အချိန်ကာလအားဖြင့် ခုနစ်လသာကျန်တော့သည်။ နိုင်ငံတွင်း တည်ငြိမ်အေးချမ်းရေးသည် အရေးကြီးသည့် အချိန်ကို ရောက်နေပြီဖြစ်သည်။ နိုင်ငံတော်သမ္မတကိုယ် တိုင်ကလည်း ရွေးကောက်ပွဲများအထမြောက်ဖို့ ပြည်တွင်း တည်ငြိမ်ရေး အရေးကြီးကြောင်း ပြောထားပြီးဖြစ်သည်။

အကြောင်းအမျိုးမျိုးကြောင့် ရွေးကောက်ပွဲမလုပ်ဖြစ် ပါက နောက်ဆက်တွဲပြဿနာပေါင်းများစွာ ရှိလာနိုင်သည် ဟု ဦးဝင်းမြင့် ရှုမြင်သည်။

နိုင်ငံရေးအရ နောက်ကြောင်း ပြန်လှည့်မှုတွေရှိခဲ့သည့် အိမ်နီးချင်းနိုင်ငံအချို့၏ သင်ခန်း စာများကလည်း ရှိနှင့်နေပြီးသားပေမို့ 'နိုင်ငံရေးအကျပ် အတည်းကို ကျော်လွှားနိုင်ဖို့အတွက် ထိပ်ပိုင်းခေါင်းဆောင် တွေကိုယ်တိုင် လေးပွင့်ဆိုင်ပဲဖြစ်ဖြစ်၊ ခြောက်ပွင့်ဆိုင်ပဲဖြစ် ဖြစ် တွေ့ဆုံဆွေးနွေးဖို့ လိုအပ်ပါတယ်''ဟု ၄င်းကဆိုပါသည်။

နှင်းကို ရေးသည်။
TheYangonTimes