တိကျခိုင်မာမှုမရှိသော တန်ဖိုးနည်းအိမ်ရာများကို သတိထားရန် ပညာရှင်များသတိပေး

တိကျခိုင်မာသော  အချက်အလက်မရှိပါက တစ်လလျှင် ငွေအနည်းငယ်စီဖြင့်  ကာလရှည် ငွေပေးသွင်းပြီး တိုက်ခန်းရမည်ဆိုသော အရစ်ကျအိမ်ရာစီမံကိန်းများအပေါ်ပြည်သူများသတိထားရန် လိုအပ်ကြောင်း မြို့ပြဖွံ့ဖြိုးရေးပညာရှင်များက သတိပေးပြောကြားသည်။
  တိုင်းနှင့် ပြည်နယ် ၁၄ခုတွင် အိမ်ရာစီမံကိန်းများတည်ဆောက်ပြီး အခန်းပေါင်းနှစ်သိန်းကျော်ကို ၂ နှစ်အတွင်း  အကောင်အထည်ဖော်မည်ဟုဆိုသော စီမံကိန်းများကို မြန်မာတို့၏ အခြေခံအဆောက်အဦ( The Infrasht-ructure of Maynmar)လုပ်ငန်းကဆောင်ရွက်မည်ဟု ထိုကုမ္ပဏီမှ မန်းနေဂျင်း ဒါရိုက်တာဟု ဆိုသူဦးသန်းဦးက စက်တင်ဘာ ၁၃ ရက်က စင်ထရယ်ဟိုတယ်တွင် စာနယ်ဇင်း ရှင်းလင်းပွဲပြုလုပ်ခဲ့သည်။

 ထိုစီမံကိန်းများအတွက် ရင်းနှီးမြှပ်နှံမည့်အစီအစဉ်၊ အကျိုးတူပူးပေါင်းလုပ်ကိုင်မည့်လုပ်ငန်းများ၊ အာမခံချက်၊ အိမ်ရာများအကောင်အထည်ဖော်မည် ဆိုသောနေရာတို့ကို သတင်းထောက် များက မေးမြန်းရာ တိကျရေရာစွာ ဖြေဆိုသွားနိုင်ခြင်းမရှိပေ။
 ‘‘ဒီဟာက သိပ်တော့ မယုံ ချင်ဘူး။ ဘယ်လောက်ယုံကြည် စိတ်ချရသလဲပေါ်မှာ   မူတည် တယ်။  တည်ဆောက်မယ့် အစီ အစဉ်တွေ  ချက်ချင်းပြနိုင်ရမယ်’’ ဟု  မြို့ပြဖွံ့ဖြိုးရေးပညာရှင်ဒေါက်တာကျော်လတ် က သုံးသပ်ပြောကြားသည်။
အဆိုပါကုမ္ပဏီသည် လိုင်စင်မရှိသေးဘဲ လျှောက်ထားဆဲဖြစ်ပြီး အိမ်ရာများဆောက်လုပ်ခွင့် ရရှိရန် နိုင်ငံတော်သမ္မတထံသို့ဧပြီလအတွင်းက တင်ပြတောင်းဆိုထားကာ တစ်စုံတစ်ရာတုံ့ပြန်မှုမရှိသေးဟု ၎င်းတို့ကဆိုသည်။
အခန်းများကို ရောင်းချသောအခါတစ်လလျှင် ကျပ်သုံးသောင်းဖြင့် နှစ် ၃၀ ပေးသွင်းရမည်ဖြစ်ပြီး ၆၀၀ စတုရန်းပေကျပ်ဝန်းသော အပူအအေးမျှတသည့် အခန်းများကို  နှစ်အတွင်းတည်ဆောက်ပြီး အပ်နှံသွားမည်ဟု ဆိုသည်။ထို့အပြင်လွှဲပြောင်းခွင့်၊ ရောင်းချခွင့်၊ အမွေဆက်ဆံခွင့်ရှိကြောင်း ဦးသန်းဦးကဆိုသည်။
ပြည်သူများက ထိုစီမံကိန်းမှ အခန်းဝယ်ယူလိုလျှင် တိုက်ခန်း လိုအပ်မှုအဆိုပြုလွှာ တင်သွင်း ရမည်ဖြစ်ပြီး ၀ယ်ယူခွင့်ရလျှင်သက်မှတ်နှုန်းအတိုင်း  ငွေပေးသွင်းရမည်ဖြစ်သည်။ အဆိုပါငွေများကို နိုင်ငံတော်ဘဏ် များတွင် ငွေစာရင်းဖွင့်ဆောင်ရွက်သွားမည်ဖြစ်ပြီး ဆုံးရှုံးမှုရှိ၊မရှိကိုအစိုးရအနေဖြင့် ထိန်းချုပ်၍ ရနိုင်ကြောင်း  ဦးသန်းဦးကပြောသည်။
တိုက်ခန်းအဆိုပြုလွှာများကို ဂျာနယ်တိုက်များတွင် ရယူနိုင်ရန် ၎င်းတို့က ဂျာနယ်တိုက်မှ တာဝန်ရှိသူများနှင့် ဆွေးနွေးရန် စီစဉ်ခဲ့သော်လည်း သတင်းထောက်များက ထိုအစီအစဉ်မှာ မဖြစ်နိုင်ဟု ပြောသောအခါ အဆိုပြုလွှာများကို၎င်းတို့ရုံးတွင် ရယူနိုင်သည်ဟုဆိုသည်။ သို့သော် သတင်းစာရှင်းလင်းပွဲတွင် ၎င်းတို့၏လိပ်စာကတ်များပေးခဲ့ခြင်းမရှိပေ။
  ‘‘အဆိုပြုမြေနေရာတွေကို ရအောင်  ဖန်တီးပေးဖို့ဆိုတာ မလွယ်ဘူး။  သူတို့ရဲ့ မတည်ငွေ ဘယ်လောက်လဲ။ ဒီစီမံကိန်းဆို တာက ဆင်းရဲတဲ့သူတွေက ဖျစ် ညှစ်ပြီးပေးကြရမှာ။ ရမ်းသမ်းပြီး ယုံလို့မရဘူး။ စေတနာတွေနဲ့ လုပ်ပေမယ့်  ခိုင်မာဖို့လိုတယ်’’ဟု အိုးအိမ်အရာရှိဟောင်းဖြစ်ပြီး မြို့ပြရေးရာဆောင်းပါးများရေးသားနေသော မြို့ပြရေးရာပညာရှင်ဦးမြင့်မိုရ်ဆွေကပြောသည်။
 ထိုကဲ့သို့ဖြစ်စဉ်မျိုးနည်းတူ လွန်ခဲ့သော နှစ် ၂၀ ကျော်က ပိုက်ဆံအပ်လျှင် အတိုးများစွာ ပေးမည်ဟု ပြည်သူ များအား ပြောဆိုသိမ်းသွင်းပြီး ငွေများလိမ်ယူကာပိတ်သိမ်းသွားသောအကျိုးဆောင်လုပ်ငန်းများကို ဥပမာပေး ၍ သင်ခန်းစာယူရန် ဒေါက်တာ ကျော်လတ်က အကြံပြုသည်။
‘‘ဒါက လူတွေကိုဆွဲဆောင် မှုတော့ရှိတယ်။ လက်တွေ့ကျကျ အကောင်အထည်ဖော်နိုင်ဖို့လို တယ်။ လက်တွေ့ကျကျမလုပ်နိုင် ဘူးဆိုရင် မလွယ်ဘူးဗျ’’ဟု ဦးမြင့်မိုရ်ဆွေက ပြောဆိုသည်။
 သတင်းးထောက်များကစီမံကိန်းဆောက်လုပ်မည့် မြေနေရာကိုမေးမြန်းရာ  ပြည်သူများ အဆိုပြုသောမြေနေရာတွင် ဆောက်လုပ်ပေးသွားမည်ဟု ဦးသန်းဦးကဆိုသည်။
ရန်ကုန်မြို့တွင် စီမံကိန်းကြီးများအတွက် မြေနေရာလွတ်ဟူ၍မရှိတော့ဘဲ ပြည်သူများအား အဆိုပြုသောနေရာတွင် ဆောက်လုပ်ပေးမည်ဆိုခြင်းမှာ မဖြစ်နိုင်ကြောင်း  မြန်မာနိုင်ငံအိမ်ခြံမြေ လုပ်ငန်းရှင်များ အသင်းမှ တာဝန်ရှိသူတစ်ဦးကပြောသည်။
ထိုစီမံကိန်းကို ဦးဆောင်လုပ်ကိုင်မည်ဟု ဆိုသူများမှာ ဆောက်လုပ်ရေးလုပ်ငန်းရှင်များမဟုတ်ဘဲ အခြားစီးပွားရေးနယ်ပယ်များတွင် လုပ်ကိုင်သူများနှင့် ငါးမွေးမြူရေး လုပ်ကိုင်သူများ  ပါဝင်ကြောင်း သတင်းရရှိသည်။
  သူရိယနေ၀န်း(လက်ရှိ အာရှအလင်း)ဂျာနယ်တွင်လည်း အိုးမဲ့အိမ်မဲ့အခြေခံလူတန်းစား များအတွက် အိုးပိုင်အိမ်ပိုင်ရရှိ ရေးအတွက်ဟုဆိုကာ  မတ်လ ၂၂ ရက်တွင် ထည့်သွင်းကြော်ငြာ ခဲ့ဖူးကြောင်း ယင်းကုမ္ပဏီမှ တာ ၀န်ရှိသူ ဦးခင်မောင်တိုးက ပြော သည်။
စီမံကိန်းကို အခြေခံလူတန်းစားများနေရေးအတွက် ဖြစ်နိုင်ခြေရှိသော တန်ဖိုးနည်းတိုက်ခန်းများရောင်း ချပေးရန်ရည်ရွယ်ပြီး လုပ်ဆောင်သည်ဟုဆိုသည်။

7 Day Daily