မလေးရှားလေယာဉ် ပျောက်ဆုံးမှု မြန်မာဗေဒင်အကျော်အမော်များ အငြင်းပွား

မလေးရှားနိုင်ငံ ကွာလာလမ်ပူမှ တရုတ်နိုင်ငံ ပီကင်းသို့ ပျံသန်းရာမှ ပျောက်ဆုံးနေသော မလေး ရှားလေကြောင်းလိုင်းမှ MH 370 လေယာဉ်နှင့်ပတ်သက်၍ မြန်မာနိုင်ငံမှ ဗေဒင်ဆရာများ ဟောကိန်း ကွဲလွဲပြီး အငြင်းပွားဖွယ်ရာ ဖြစ်နေကြောင်း သိရသည်။

လက်ရှိ ပျောက်ဆုံးနေသော MH 370 လေယာဉ်အား တစ်ကမ္ဘာလုံးက စိတ်ဝင်တစား အာရုံစိုက်နေချိန်တွင် ရှေ့ဖြစ် နောက်ဖြစ်များကို ဟောကြားလေ့ရှိသော မြန်မာနို်င်ငံမှ ဗေဒင်ဆရာများလည်း ပါဝင်လာခဲ့သည်။

"ဒီလေယာဉ်က ဆရာတို့ တွက်ချက်အရဆိုရင် အင်္ဂါဂြိုလ်ဝင်နေချိန်မှာ ဖြစ်သွားတာ။ ဗုဒ္ဓဟူးနံကို အင်္ဂါဝင်တဲ့ အခါ ကြီးကြီးမားမား ထိခိုက်ရတာမျိုးတွေ ရှိပါတယ်။ မလေးရှားလေကြောင်းလိုင်း ဆိုရင် ကြာသပတေးနံ၊ လေယာဉ်ပျံသန်းတဲ့အချိန်ကလည်း နက္ခတ်အရ ပျက်ကိန်းကြုံရမယ့်အချိန်။ ဆိုလိုတာက ရာသီဥတု ဆိုးဆိုး ရွားရွား တွေ့ရင်တွေ့၊ မတွေ့ရင် ဘေးဒုက္ခတွေ့ရမယ့် ကိန်းက လွတ်မြောက်ဖို့ လမ်းမရှိဘူး။ အခုအချိန်မှာ လေယ်ာဉ် ဘာဖြစ်သွားပြီလဲ ဆိုတာကို ပြောရရင် လေယာဉ်က အကြမ်းဘက်သမားတွေ ဖမ်းသွားတာ။ အားလုံး မသေသေးဘူး။ အသက်ရှင်နေသေးတယ်" ဟု နာမည်ကြီး ဗေဒင်ပညာရှင် စံ(ဇာဏီဘို)က ဟောသည်။

လေယာဉ်မှာ အနောက်တောင်အရပ်တွင် ရောက်ရှိနေကြောင်း၊ ပါဝင်သွားသည့် ခရီးသည်များ ဘေးကင်း လုံခြုံကြောင်း၊ လေယာဉ် ထိခိုက်မှု တစ်စုံတစ်ရာ မရှိကြောင်းလည်း ၄င်းက ပြောသည်။

သို့သော် အခြားသော နာမည်ကြီး နက္ခတ္တပညာရှင် ဦးဇေယျာကိုကမူ စံ(ဇာဏီဘို)၏ ဟောကြားချက်ကို ငြင်း၍ ပယ်ချလိုက်သည်။

"ဒီဟောကိန်းက ဘယ်လိုမှ မဖြစ်နိုင်ဘူး။ နက္ခတ်နဲ့ ဂြိုလ်တွေအနေအထားအရ အသက်ရှင်နေသေးတယ် ဆိုတာတော့ မှန်ပါတယ်။ ဒါပေမယ့် အကြမ်းဘက်သမားတွေက ဖမ်းဆီးထားတယ် ဆိုတာ မှားတယ်။ တွင်းနက်ကြီးထဲ ရောက်သွားတာ။ သေချာတယ်။ ကျွန်တော်တို့ နက္ခတ်ကြည့်တဲ့အခါ Black Hole ကြီး အကြီးကြီး ပေါ်နေတယ်။ ဒီလေယာဉ်က တွင်းနက်ထဲရောက်သွားတာ။ ဒါမျိုးဖြစ်စဉ်တွေ ရှိတယ် ဆိုတာလည်း အံ့သြစရာ တွေ့နိုင်ပါတယ်။ ဆန်းကြယ်တဲ့ ဖြစ်ရပ်တွေဟာ သိပ္ပံပညာ မလိုက်နိုင်အောင် ရှိနေပါတယ်။ ကျွန်တော့်အနေနဲ့ ဒီလေယာဉ် ဘာဖြစ်သွားသလဲ ပြောရရင် ဘာမှ မဖြစ်ဘူး။ တွင်းနက်ထဲ ရောက်နေတာ။ တွင်းနက်ထဲမှာ ဘယ်လောက်ကြာမလဲ ပြောရရင်တော့ မသိနိုင်သေးဘူး။ ဂြိုလ်တွေ လှုပ်ရှားတာကို နောက်ထပ် ၁ ရက်လောက် စောင့်ကြည့်ပြီးမှ တိတိကျကျ ပြောနိုင်မယ်။ တွင်းနက်ဆိုတာကို တချို့က အချိန်ယန္တရား ဆိုပြီး ပြောကြတာလည်း ရှိတယ်" ဟု နက္ခတ္တပညာရှင် ဦးဇေယျာကိုက ဟောသည်။

နှစ်ဦးစလုံးမှာ လေယာဉ် ဘာမှမဖြစ်သေး၊ ခရီးသည်များ အသက်ရှင်နေသေးသည် ဟူသောအချက်များတွင် တူညီနေသော်လည်း အကြီးအကျယ် ကွဲလွဲနေသည်။

"ဗေဒင်ဆရာတွေ တစ်ကယ်မှန်သလား၊ လျှောက်ပြောနေတာလား။ ဒီကိစ္စက ဖော်ပြမှာ ဖြစ်တဲ့အတွက် ကြာကြာ မစောင့်ရတော့ပါဘူး။ ဦးဇေယျာကို ဟောတာ မှန်သလား။ ကျွန်တော်ပြောတာ မှန်သလား ဆိုတာ မကြာခင်မှာ အဖြေထွက်တာပါ။ ကျွန်တော်တို့ ဟောတာက အတွေ့အကြုံနဲ့ နိမိတ်အယူတွေကိုပါ အခြေခံတာ ပါ။ စောင့်ကြည့်ပြီး အဖြေမှန်ထွက်လာမှာပါ" ဟု စံ(ဇာဏီဘို) က ပြောသည်။

"ကျွန်တော်တို့က ဂြိုလ်တွေ နက္ခတ်တွေကို ကြည့်ပြီး ပြောတာ။ သူများတွေလို စိတ်ထင်နဲ့ ခန့်မှန်းပြီး ပြောတာ မဟုတ်ဘူး။ ဒီကိစ္စ ကျွန်တော်တို့ မှန်းဆထားသလို ကြိုက်သလို ပြော။ မှားတယ် ဆိုရင် ဒီတစ်သက် ဗေဒင်မဟောတော့ဘူး။ သူ့ဘက်ကလည်း မှားရင် ဗေဒင် မဟောတော့ပါဘူး ဆိုတဲ့ ကတိ ပေးဖို့ လိုတယ်" ဟု ဦးဇေယျာကိုက ရှင်းလင်း ပြောကြားသည်။

ဗေဒင်ဆရာများ ဤသို့ အဖြေမှန် မြန်မြန်ထွက်နိုင်သည့် ရှေ့ဖြစ်မျိုးကို ဟောကြားသည်မှာ ကောင်း မွန်ကြော င်း၊ အချိန်တန်လျှင် မည်သူမှန်၍ မည်သူမှားသည်ကို သိရှိလာတေ့မည့် ဖြစ်၍ ကောင်းမွန်ကြောင်း၊ အခြားေ သာ ဗေဒင်ဆရာများလည်း မိမိတို့ ဟောကိန်းများကို ပြတ်ပြတ်သားသား ထုတ်ဖော်ပြော ကြားသင့်ကြောင်း ဗေဒင်ဝါသနာရှင် အမျိုးသမီးတစ်ဦးက ပြောဆိုသည်။

ပြည်သူ့အာဏာ