Wednesday, 14 November 2012

မြန်မာစာသင်ယူသော နိုင်ငံခြားသားများလာ



  နိုဝင်ဘာ - ၁
 
အစိုးရသစ်တက်လာပြီးနောက် နိုင်ငံရေးပြုပြင်ပြောင်းလဲမှုများကြောင့် ပြည်တွင်း၌ မြန်မာဘာသာစကား     လာေ ရာက် သင်ယူသော နိုင်ငံတကာကျောင်းသားဦးရေ မြင့်တက်လာနေကြောင်း ရန်ကုန်နှင့် မန္တလေးမြို့ တို့ရှိ နိုင်ငံခြားဘာသာတက္ကသိုလ်များမှ သတင်းရရှိသည်။
ရန်ကုန်နိုင်ငံခြား ဘာသာတက္ကသိုလ်တွင် နှစ်စဉ် နိုင်ငံတကာ ကျောင်းသား ၄၀ ဦးခန့် တက်ရောက် ပညာသင်ယူလေ့ရှိခဲ့သော်လည်း ယခုနှစ်ပိုင်း၌ ၂၀၁၀-၂၀၁၁ ပညာသင်နှစ်တွင် ကျောင်းသား ၈၇ ဦးနှင့် ၂၀၁၁-၂၀၁၂ ပညာသင်နှစ်တွင် ကျောင်းသား ၁၀၀ ဦးထိ မြင့်တက်လာခဲ့ကြောင်း သိရသည်။

နိုင်ငံခြားသားများသည် သံတမန်ရေးရာလုပ်ငန်းများ ဆောင်ရွက်ရန် သက်ဆိုင်ရာနိုင်ငံများ တွင် မြန်မာ ဘာ သာ စကား သင်ကြားသော ဆရာ၊ ဆရာမများအဖြစ် တာဝန်ထမ်းဆောင်ရန် ဘာသာပြန်လုပ်ငန်း များဆောင်ရွက်ရန်နှင့် စီးပွားရေးလုပ်ငန်းများတွင် အသုံးပြုရန် မြန်မာဘာသာစကားကိုသင်ယူေ နကြ ခင်ြး ဖစ်ပြီး လာမည့်စာသင်နှစ်တွင် ကျောင်းသားဦးရေ ပိုမိုမြင့်တက်လာနိုင်ကြောင်း ရန် ကုန် နိုင်ငံခြား ဘာသာ တက္ကသိုလ်မှ တာဝန်ရှိသူတစ်ဦးက သုံးသပ်သည်။

မြန်မာဘာသာစကားလာ ရောက်သင်ယူကြသော နိုင်ငံခြားသားများအနက် တရုတ်နိုင်ငံသားက အများ ဆုံးဖြစ်နေပြီး ထို့နောက်အများဆုံးစာရင်းတွင် ကိုရီးယားနိုင်ငံသားနှင့် ဂျပန်နိုင်ငံသားတို့ရှိနေကာ ဗီယက် နမ်နို င်ငံသားများလည်း လာရောက်သင်ယူမှု မြင့်တက်လာကြောင်း သိရသည်။

“ပြီးခဲ့တဲ့နှစ်ကတော့ ၁၆ ယောက်၊ လာမယ့်နှစ်အတွက် ကျောင်းသား ၃၇ ဦးတက်ရောက်ဖို့ရှိပါတယ်။ ကျွန်တော်တို့ဆီကိုတော့ တရုတ်နိုင်ငံကပဲ လာကြတယ်။ ကျောင်းလျှောက်ထားတဲ့သူ အများစုကို ၀င် ခွင့်ပေးပါတယ်။ တစ်နှစ်ကျွမ်းကျင်မှုသင်တန်းကို အများစုတက်ရောက်ကြတယ်” ဟု မန္တလေးနိုင်ငံခြား ဘာသာတက္ကသိုလ်မှ ပါမောက္ခချုပ် ဒေါက်တာ ဇော်လင်းက ပြောသည်။

ရန်ကုန်နိုင်ငံခြား ဘာသာတက္ကသိုလ်တွင် မြန်မာဘာသာစကား လာရောက်သင် ယူနေသော ကျောင်း သားများမှာ သြစတြေးလျ၊ အမေရိကန်၊ ဘင်္ဂလားဒေ့ရှ်၊ ဘူတန်၊ ဘရာဇီး၊ တရုတ်၊ အင်္ဂလန်၊ ပြင်သစ်၊ ဂျာမနီ၊ အိနိယ၊ အင်ဒိုနီးရှား၊ အီတလီ၊ ဂျပန်၊ ကိုရီးယား(တောင်၊မြောက်)၊ လာအို၊ လစ်သူယီးနီးယား၊ မလေးရှား၊ ပါကစ္စတန်၊ ဖိလစ်ပိုင်၊ ရုရှား၊ စင်ကာပူ၊ သီရိလင်္ကာ၊ ဆွီဒင်၊ ဆွစ်ဇာလန်၊ ဗီယက်နမ်နှင့် သြစတြေးလျ နိုင်ငံများမှဖြစ်ကြောင်း သိရသည်။

“ရန်ကုန်နိုင်ငံခြားဘာသာတက္ကသိုလ်မှာ မြန်မာဘာသာစကားအခြေခံသင်တန်းအတွက် တစ်နှစ်နီး ပါးေ လာက် တက်ရောက်ခဲ့ပါတယ်။ တရုတ် ကောလိပ်ကနေ ၀င်ခွင့်စာမေးပွဲအောင်တော့ လူသိနည်းတဲ့ ဘာ သာ စကားသင်တန်းကို ရွေးချယ်သင်ယူချင်ခဲ့တာပါ။အဲ့ဒီတုန်းကတော့လွယ်မယ်လို့ ထင်ခဲ့ တာ၊ မြန်မာ ဘာသာစကား စသင်တဲ့အချိန်ကျမှ ခက်ခဲမှန်းသိသွားတယ်။ ဒါပေမယ့်အခုတော့ အဆင်ပြေနေပြီလို့ ခံစားရပါတယ်။ မြန်မာလူမျိုး တွေကလည်း အရမ်းခင်ဖို့ကောင်းပြီး ဖော်ရွေတယ်လေ” ဟု မြန်မာ- တရုတ် ရေနံနှင့်သဘာဝဓာတ်ငွေ့ ပိုက်လိုင်းစီမံကိန်းတွင် တာဝန် ထမ်းဆောင်နေသော အ သက် ၂၃ နှစ်အရွယ် တရုတ်အမျိုးသမီး တစ်ဦးကပြောသည်။

နိုင်ငံခြားသားအများစုသည် မိမိအစီအစဉ်ဖြင့် မြန်မာဘာသာစကားကို လာရောက်သင်ယူနေကြခြင်းဖြစ်ပြီး အစိုးရချင်း ချိတ်ဆက်မှုဖြင့် တက်ရောက်သူများလည်း ရှိနေကာ ကျောင်းလခမှာ ပညာသင် တစ်နှစ် အတွက် အက်ဖ်အီးစီ ၁၅၀၀ သတ်မှတ်ထားကြောင်း ရန်ကုန်နိုင်ငံခြားဘာသာတက္ကသိုလ်မှ သိရသည်။

ဂျပန်နိုင်ငံတွင်လည်း မြန်မာဘာသာစကားသင်ယူရန် စိတ်ဝင်စားမှုမြင့်တက်နေပြီး လူကြီးပိုင်းအရွယ်က အ ဓိ ကလေ့လာသင်ယူ နေကြောင်း Tokyo University of Foreign Studies ရှိ မြန်မာစာ ဌာန တွင် မြန်မာ စာလက်ထောက်ဆရာမ တာဝန်ထမ်းဆောင်နေ သော မထက်ထက်နုဌေးက ပြောသည်။ “မြန်မာဘာသာ စကားသင်ယူတဲ့သူတွေ များလာပါတယ်။ လူကြီးပိုင်းတွေ သင်ကြတာများတယ်။ လူငယ်ပိုင်းကတော့ အဲ့ဒီေ လာက် မဟုတ်ဘူး” ဟု သူမက ပြောသည်။

မြန်မာနိုင်ငံတွင် နိုင်ငံရေးပြုပြင် ပြောင်းလဲရေးအခြေအနေများကြောင့် နိုင်ငံခြားရင်းနှီးမြှုပ်နှံမှုနှင့် ခရီးသွား လုပ်ငန်းဆိုင်ရာ အခွင့်အလမ်းများပေါ်ပေါက်လာခြေရှိသဖြင့် ထိုင်းနိုင်ငံတွင် လည်း မြန်မာဘာသာ စကား သင် ယူရန် စိတ်ဝင်စားသူဦးရေ မြင့်တက်လာနေကြောင်း Channel News Asia စင်ကာပူအခြေစိုက် သတင်းဌာနမှ ထုတ်ဖော်ရေးသားထားသည်။
 
ref:7daynews

No comments:

Post a comment