Tuesday 4 September 2012

သောက်ရေခပ် ရေကာ တာ စီမံကိန်းကြောင့် စံပြရွာ အဖြစ် ပြန် အခြေချ ရမည်ကို ဒေသ ခံများ မလိုလား

ပဲခူးတိုင်း၊ တောင်ငူမြို့နယ်ရှိ သောက်ရေခပ်ချောင်း အား ဖြတ်၍ တည်ဆောက်နေသော သောက်ရေခပ် ရေကာတာ စီမံကိန်းကြောင့် စံပြရွာအဖြစ် ပြန်အခြေ ချရမည်ကို ထိုဒေသရှိ ထုံးဘိုရွာသူရွာများက မလိုလား ကြောင်း သိရသည်။ရွှေစွမ်းအင် (ယခင် Asia World )ကုမ္ပဏီ၏ လျှပ်စစ်ဓာတ်အား ထုတ်လုပ်ရန် သောက်ရေခပ် ရေကာတာစီမံ ကိန်းတွင် စံပြရွာပြန်လည် တည်ဆောက်ရေး အတွက် ယခုချိန်ထိ အကောင်အထည် မဖော်သေးသော်လည်း အမှန်တကယ် ပြောင်းရွှေ့ရမည်ကို မလိုလားဘဲ ယခင် ရွာဟောင်းဘေးတွင်သာ ပြန် လည်နေလိုသည်ဟု ဒေသခံများက ပြောသည်။
အမည်မဖော်လိုသူ ထုံးဘိုရွာသားတဦးက “အရင်နေရာဟောင်းက တောင်ယာတွေနဲ့ နီးတယ်လေ။ ၁၅ မိနစ် လောက် လမ်းလျှောက်ရင် ရတယ်။ အခုက ၂နာရီကျော် လောက်သွား ရပြီး တောင်ယာ လုပ်နေရတယ်။ ဒီယာ ယီချထားပေးတဲ့ နေရာမှာ ဘာမှလုပ်စားစရာ မရှိဘူး။ အရမ်းခက်တယ်။ သွားလာရေးကော၊ စားဝတ်နေရေး ကော ခက်တယ်”ဟု ပြောသည်။
ထို့အပြင် စံပြရွာတည်ဆောက်မည်ဟု သတ်မှတ်ထားသော မြေနေရာများမှာ လက်ရှိ ပိုင်ရှင်များရှိပြီး စပါးစိုက် ပျိုးလျက်ရှိကာ ကုမ္ပဏီမှ သွားရောက် ညှိနှိုင်းသော်လည်း အဆင်မပြေသေးဟု သိရသည်။
ယင်းသို့ ထုံးဘိုရွာမှအမျိုးသမီးတစ်ဦးက “ပိုင်ရှင် တချို့က ဈေးတိုးတောင်းတယ်။ ကုမ္ပဏီက မပေးဘူး။ တချို့က မရောင်းဘူး။ ကိုယ့်လယ်ပဲ ကိုယ်လုပ်စားမယ်လို့ ပြောတယ်။ ဒါကြောင့် ညှိမရဘူး။ ကုမ္ပဏီဘက်က လည်း အကျိုးအကြောင်းရှိရင် ရွာသားတွေကို လာမပြော မရှင်းဘူး။ အရင် အုပ်ချုပ်ရေးမှုးဟောင်းနဲ့ပဲ မှာတယ်။ ပြောတယ်။ အုပ်ချုပ်ရေးမှုးအသစ်ကို ဘာမှ မပြောဘူး”ဟု ဆိုသည်။
ထုံးဘိုရွာသည် ၂ကြိမ်တိုင်တိုင် ပြောင်းရွှေ့ခံခဲ့ရသဖြင့် ရွာသားများပိုင်ဆိုင်သော ပစ္စည်းများ ဆုံးရှုံးပျက်စီး ခဲ့ရပြီး စတင်ပြောင်းရွေ့စဉ်က ယခင် Asia World မှ လက်ထောက်ဒါရိုက်တာ ဗိုလ်မှူးဟောင်း ၀မ်းမောင်မှ ဘိုးဘွားပိုင်မြေဆိုသည်ကို နားမည်ကြောင်းပြောဆိုခဲ့သည်ဟု သိရသည်။
၎င်းအပြင် ပြောင်းရွေ့ခဲ့ရသော ထုံးဘိုရွာအနီးအနားရှိ နဂါးမောက်၊ ကျောက်ပါးစပ်၊ ရေအိုးစင်၊ ကြက်ချီးချောင်း စသော ရွာများမှာလည်း စီမံကိန်းလုပ်ကွက် များကြောင့် ဥယျာဉ်နှင့် တောင်ယာမြေများ ဆုံးရှုံးလျှက်ရှိသည်။
စီမံကိန်းလုပ်ကွက်များကြောင့် ထိုဒေသရှိ သိမ်းယူခဲ့သော မြေနေရာအကျယ်အ၀န်း မှာ ရွှေစွမ်းအင် ကုမ္ပဏီမှ၃၄၀၀ ဧက၊ ကျွန်းစိုက်စီ မံကိန်းအတွက် ကောင်းမြန်မာ ကုမ္ပဏီမှ ၂၄၀၀ ဧက၊ ရော်ဘာစီမံကိန်း အတွက် MSP က၇င်ငြိမ်းချမ်းရေးမှ ၈၀၀ ဧက၊ ကျောက်ထုတ်စီမံကိန်းအတွက် မင်းအနော်ရထာနှင့် ကေတု ကုမ္ပဏီတို့မှ ၈၀၀ ဧကတို့ဖြစ်သည်ဟု သိရသည်။
ယခင်စစ်အစိုးရလက်ထက်ကတည်းကစတင်အကောင်အထည်ဖော်ခဲ့သော သောက်ရေခပ်ရေကာတာများကို ၂ ခုတည်ဆောက်ခဲ့ပြီး ယခုနှစ် လာမည့် နိုဝင်ဘာလတွင် လျှပ်စစ်စွမ်းအင်းစတင် ထုတ်လုပ်ရန်ရှိသည်။
သောက်ရေခပ်ရေကာတာစီမံကိန်းကြောင့်သဘာဝအရင်းအမြစ်များပျက်စီးဆုံးရှုံးခဲ့ရသည့်အပြင် နောက်ဆက် တွဲ ရေကြီးရေလျှံမှုများ ဖြစ်နိုင်သဖြင့် အနီးနားရွာများအန္တာရယ်ရှိနိုင်သည်ဟု တောင်ငူမြို့ပေါ်ရှိ သဘာဝပတ် ၀န်းကျင်ထိန်းသိမ်းရေးအဖွဲ့များက ပြောဆိုနေကြသည်။

No comments:

Post a Comment