Tuesday 4 September 2012

မြို့ နယ်အဆင့် အဆိုအက ပြိုင်ပွဲ အောင်မြင်စွာကျင်းပ

ပထမအကြိမ် မြို့ နယ်အဆင့် အဆိုအက ပြိုင်ပွဲကို ချင်းပြည်နယ်ေ တာင်ပိုင်း မတူပီမြို့ ပေါ်တွင် စက်တင်ဘာလ (၁) ရက်နေ့  က  အောင်မြင်စွာ ကျင်းပနိုင်ခဲ့ကြောင်းသိရသည်။
မတူပီမြို့  ဘုံတလာခန်းမဆောင်တွင် ကျင်းပပြုလုပ်သော အဆိုအက ပြိုင်ပွဲကို ချင်းပြည်နယ် ဗျူဟာ (၂)၊ ဗျူဟာမှူးဖြစ်သူ ဗိုလ်မှူးကြီး ဟန်သူက ဖဲကြိုးဖြတ် ဖွင့်လှစ်ပေးခဲ့ကြောင်း မတူပီမြို့ ပေါ်ရှိ ၀န်ထမ်း တဦးထံမှသိရှိရသည်။

ယင်းပြိုင်ပွဲကို မြို့ နယ် အထွေထွေ အုပ်ချုပ်ရေးဦးစီးဌာနမှ ကြီးမှူး ကျင်းပပေးခြင်းဖြစ်ပြီး မြို့ နယ် အဆင့်တွင် ပထမဆုရရှိသည့်အဖွဲ့  သည် ပြည်နယ် အဆင့် အဆိုအကပြိုင်ပွဲသို့  ၀င်ရောက်ယှဉ်ပြိုင် မည်ဖြစ်ကြောင်း သိရသည်။

အဆိုအကပြိုင်ပွဲတွင် မတူရိုးရာအက၊ မရာရိုးရာအက၊ ဇိုသုန်ရိုးရာအကနှင့် ဒိုင်ရိုးရာအက စသည့်အ ဖွဲ့ များ ယှဉ်ပြိုင်ကြသည့်အနက် မတူရိုးရာ အကဖြစ်သည့် ခိုသူး( Khotue)ရိုးရာအကအဖွဲ့ က ပထမရရှိကြောင်း သိရသည်။

ပထမရရှိသည့် မတူရိုးရာအက အဖွဲ့ ကို စစ်ဗျူဟာမှူး ဗိုလ်မှူးကြီး ဟန်သူက ကျပ်ငွေ – ၂၀၀၀၀ ကို၎င်း၊ ချင်းအမျိုးသားတပ်ဦး၊ မတူပီမြို့ လိုင်စင်ရုံးမှ ကျပ်ငွေ- ၁၀၀၀၀ ကို၎င်း အသီးသီး လှုဒါန်းခဲ့ကြောင်း သိရသည်။

ပထမရရှိသည့် မတူရိုးရာအကအဖွဲ့ ကို လာမည့် အောက်တိုဘာလတွင် ကျင်းပမည့် ပြည်နယ်အဆင့် ရိုးရာအဆို အက ပြိုင်ပွဲတွင် ၀င်ရောက်ယှဉ်ပြိုင် မည်ဖြစ်သည်။ ပြည်နယ်အဆင့် ရိုးရာအဆိုအကပြိုင်ပွဲ ကို ချင်းပြည်နယ်မြို့ တော် ဟားခါးတွင် ကျင်းပဘွယ်ရှိကြောင်း သိရသည်။
Posted by at

No comments:

Post a Comment

Subscribe to: Post Comments (Atom)