အထက်ပါ ကာလအတွင်း ဟိုက်ဒဂိုကလိုရိုဖလူရို ကာဗွန်သုံးစွဲမှုကို ရပ်ဆိုင်းရန်အတွက် သုံးစွဲမှု လျော့ချ ရပ်ဆိုင်းရေးလုပ်ငန်း စီမံကိန်းကို ပတ်ဝန်းကျင် ထိန်းသိမ်းရေးနှင့် သစ်တောရေးရာ ၀န်ကြီးဌာနကို ကုလသမဂ္ဂ ပတ်ဝန်းကျင် ထိန်းသိမ်းရေး အစီအစဉ်နှင့် ကုလသမဂ္ဂ စက်မှုဖွံ့ဖြိုးရေးအဖွဲ့၏ နည်း ပညာနှင့် ငွေကြေးပံ့ပိုးမှုများ၊ သက်ဆိုင်ရာ ၀န်ကြီးဌာနများ၊ မြန်မာနိုင်ငံ အင်ဂျင်နီယာအသင်းတို့ ပူးပေါင်းပါဝင်၍ ၂၀၁၀ပြည့်နှစ်၊ အောက်တိုဘာလကစပြီး ရေးဆွဲခဲ့သည်။ စီမံကိန်းကို ၂၀၁၃ခုနှစ်၊ မတ်လတွင် ပြည်ထောင်စု အစိုးရအဖွဲ့က သဘောတူ ခွင့်ပြုခဲ့ကြောင်း သိရသည်။
ပြည်ထောင်စု ၀န်ကြီးဦးဝင်းထွန်းက “ကမ္ဘာမှာ ကြုံတွေ့နေရတဲ့ ပတ်ဝန်းကျင်ဆိုင်ရာ အဓိက ပြဿနာတွေ ကို ကြည့်မယ်ဆိုရင် ရာသီဥတု ပြောင်းလဲမှု၊ အိုဇုန်းလွှာ ပျက်စီးမှု၊ လေထု ညစ်ညမ်းမှု၊ ရေထု ညစ်ညမ်းမှု၊ မြေထု ယိုယွင်းမှု၊ မြေဆီလွှာ ပျက်စီးမှု၊ သစ်တောပြုန်းတီးမှု၊ သဲကန္တရ ဖြစ်ထွန်းမှုနှင့် ဇီဝမျိုးစုံ မျိုးကွဲများ ပျက်စီးပျောက်ကွယ်မှုတွေပဲ ဖြစ်ပါတယ်။ အိုဇုန်းလွှာ အရေးပါပုံကို ပြောရမယ်ဆိုရင်ဖြင့် အင်မတန် စွမ်းအင်မြင့်မားပြီး ဘေးအန္တရာယ်ရှိတဲ့ နေမှလာတဲ့ ခရမ်းလွန်ရောင်ခြည် လှိုင်းတွေဟာ ကမ္ဘာမြေပြင်ပေါ်ကို မကျရောက်အောင် အိုဇုန်းလွှာက စုပ်ယူပေးထားနိုင်တဲ့အတွက် သဘာဝ အကာအရံတစ်ခုအဖြစ် ကမ္ဘာပေါ်က သက်ရှိတို့အတွက် မရှိမဖြစ် လိုအပ်ပါတယ်”ဟု ပြောကြားသည်။
ကုလသမဂ္ဂ ပတ်ဝန်းကျင် ထိန်းသိမ်းရေးအစီအစဉ် ပံ့ပိုးမှုနှင့်သက်ဆိုင်ရာဌာများ ပူးပေါင်း ပါဝင်၍ မြန်မာနိုင်ငံတွင် မွန်ထရီလယ် နောက်ဆက်တွဲ စာချူပ်အကောင်အထည်ဖော်ရန် အိုဇုန်းလွှာ ပျက်စီးစေသော ဓာတ်ပစ္စည်းများဆိုင်ရာ လုပ်ငန်းလုပ်ကိုင် ဆောင်ရွက်ခြင်း အမိန့် (မူကြမ်း) တစ်ရပ် ရေးဆွဲထားပြီး ပတ်ဝန်းကျင် ထိန်းသိမ်းရေး နည်းဥပဒေများ ထုတ်ပြန်ပြီးစီးသည့်အခါတွင် အဆိုပါ အမိန့်ဆက်လက် ထုတ်ပြန်ဆောင်ရွက်သွားမည် ဖြစ်သည်ဟု ဆိုသည်။
“ကမ္ဘာမြေပြင်အပေါ်မှာ အိုဇုန်းလွှာ ပျက်ဆီးမှုကြောင့် အရေပြား ကင်ဆာရောဂါ၊ မျက်စိ တိမ်စွဲမှု၊ ခုခံအား ကျဆင်းမှု၊ သီးနှံအထွက် ကျဆင်းမှု၊ အဏ္ဏဝါဂေဟ စနစ်ပျက်စီးစေမှုနဲ့ ရုပ်ဝတ္ထု ပစ္စည်းများ ယိုယွင်း ပျက်စီးမှုတွေ ဖြစ်ပေါ်နေပါတယ်”ဟု ပြည်ထောင်စု ၀န်ကြီး ဦးဝင်းထွန်းက ဆက်လက ပြောကြားခဲ့ပါသည်။
Myanmar ICT
No comments:
Post a Comment