အီဂျစ်နိုင်ငံမှာ ရာထူးကဖယ်ရှားခံရတဲ့ သမ္မတမိုဟာမက်မော်စီကို ထောက်ခံသူတွေနဲ့ ရဲတွေအကြားအပြန် အလှန် တိုက်ခိုက်မှုတွေဖြစ်တာကြောင့် လူ ၅၀ ထက်မနည်း သေဆုံးပြီး ၂၀၀ ကျော် ထိခိုက်ဒဏ်ရာရခဲ့ တယ်လို့ အီဂျစ်တာဝန်ရှိ သူတွေက ပြောပါတယ်။
သမ္မတဟောင်း မော်စီထောက်ခံသူတွေကို လုံခြုံရေးရဲကနေ မျက်ရည်ယိုဗုံး သုံးပြီး မောင်းထုတ်ပစ်ခဲ့ပါ တယ်။ သြဂုတ်လတုန်းက လူရာဂဏန်း သေဆုံးခဲ့ရတဲ့ ဆန္ဒပြသူတွေကို လုံခြုံရေးတပ်က အကြမ်းဖက်နှိမ်နင်းပြီးတဲ့နောက်ပိုင်းမှာ အခု တနင်္ဂနွေ ဆန္ဒပြမှုတွေဟာ အကြီးမားဆုံးဖြစ်ပါတယ်။ စစ်တပ်က တင်ထားတဲ့ ကြားဖြတ်အစိုးရအနေနဲ့ အခု တနင်္ဂနွေ အများအားလပ်ရက်မှာ လူထုက စစ်ခေါင်းဆောင် ဗိုလ်ချုပ်ကြီး Abdel Fatah el-Sisi ကို ဘယ်လောက်ထောက်ခံကြ လဲဆိုတာ ပြဖို့ မျှော် လင့် ထားတာပါ။
ဒါပေမယ့်လည်း သမ္မတဟောင်း မော်စီလိုလားတဲ့ မွတ်ဆလင်ညီအကိုတော်များအဖွဲ့က စစ်အာဏာ သိမ်းမှုကိုဆန့်ကျင်တဲ့ ချီတတ်ဆန္ဒပြမှုတွေလုပ်ဖို့ စည်းရုံး လှုံ့ဆော်ခဲ့ပါတယ်။
ဗွီအိုအေ (မြန်မာဌာန)
No comments:
Post a Comment