အိန္ဒိယနိုင်ငံမှာ အသက် (၂၃) နှစ်အရွယ် အမျိုးသမီးကို ဝိုင်းပြီး
အဓမ္မကျင့်ခဲ့လို့ တနိုင်ငံလုံး အကြီးအကျယ် အမျက်ဒေါသထွက်စေ ခဲ့တဲ့အမှုကို
ကျူးလွန်တယ်ဆိုတဲ့ အမျိုးသား ၅ ယောက်က သူတို့ အဲဒီအမှုကို မကျူးလွန်ကြောင်း
ထွက်ဆိုသွားပါတယ်။ အမျိုးသမီးတွေအပေါ် ကျူးလွန်တဲ့အမှုတွေနဲ့
ပတ်သတ်တဲ့ နယူးဒေလီ မြို့က တရားရုံးမှာ သူတို့က အပြစ်မရှိကြောင်း
ထွက်ဆိုသွားတာလို့ တရားခံဘက်က ရှေ့နေတွေက ပြောပါတယ်။တရားရုံးက မျက်မြင်သက်သေတွေကို ဖေဖော်ဝါရီလ ၅ ရက်မှာ စတင်ကြားနာမှာဖြစ်ပါတယ်။ တရားရုံး ကသာ သူတို့ အပြစ်ရှိတယ်လို့ ဆုံးဖြတ်ရင် သေဒဏ်ကျကြမှာ ဖြစ်ပါတယ်။ အဲဒီသူတွေ အပြစ် ရှိပါတယ်လို့ ထွက်ဆိုအောင် ရဲကနှိပ်စက်ညှင်းပမ်းတယ်လို့ တရားခံရှေ့နေတွေ က ပြောပါတယ် ။ နောက်တရားခံ တဦးကိုတော့ အသက်မပြည့်တဲ့အတွက် နောက်တရားခွင်နဲ့ သပ်သပ် စစ်ဆေးပါတယ်။
ဒီ ၆ ယောက်က သေဆုံးသူအမျိုးသမီးနဲ့ သူ့ရဲ့အဖော် အမျိုးသားကို သံဒုတ်နဲ့ ဝိုင်းရိုက်ကြပြီး အဓမ္မကျင့်ကြတော့လည်း သံချေးတက်နေတဲ့ ဒုတ်ကို အသုံးပြုခဲ့ကြတယ်လို့ စွပ်စွဲခံထားရတာပါ။ တိုက်ခိုက်ခံရပြီးနောက် ၂ ပတ်အကြာမှာပဲ အမျိုးသမီးလေးဟာ စင်္ကာပူနိုင်ငံက ဆေးရုံမှာ ကွယ်လွန် သွားပါတယ်။
From : ဗွီအိုအေ
No comments:
Post a Comment