ရန်ကုန်တိုင်းဒေသကြီးကွန်ပျူတာပညာရှင်အသင်း “Library Management System (စာကြည့်တိုက် စီမံခန့်ခွဲမှုစနစ်)” ဟောပြောပွဲကျင်းပမည်

သတင်းအချက်အလက် နှင့် ဆက်သွယ်ရေးနည်းပညာဖွံ့ဖြိုးတိုးတက်စေရေး အတွက် ရန်ကုန် တိုင်းဒေသကြီး ကွန်ပျူတာပညာရှင်အသင်းမှကြီးမှုး၍ ၂၀၁၂ ခုနှစ်၊ ဒီဇင်ဘာလ (၁၅) ရက် (စနေနေ့) နေ့ လယ် (၂း၀၀ မှ ၄း၀၀) နာရီအထိ ရန်ကုန်မြို့၊ လှိုင်မြို့နယ်၊ MICTDC၊ Room (205) တွင် Singapore နိုင်ငံရှိ CARL East, The Library Corporation (TLC)မှ Senior Applications Specialist တစ်ဦးဖြစ်သူ ကိုဖြိုးဝေစိုး မှ “Library Management System (စာကြည့်တိုက်စီမံခန့်ခွဲမှုစနစ်)” ဟူသော ခေါင်း စဉ်ဖြင့် ဟောပြော ဆွေးနွေးမည် ဖြစ်ပါသည်။

ကိုဖြိုးဝေစိုးသည် စာကြည့်တိုက်တစ်ခု၏အဓိကကျသော လုပ်ငန်းများ ဖြစ်သည့် Cataloging (ခေါင်းစဉ် များပြုစုခြင်း)၊ OPAC(အများပြည်သူဖတ်ရှုလိုသောစာအုပ်များရှာဖွေခြင်း)၊Acquisitions(စာအုပ် များ ဝယ်ယူဖြည့်တင်းခြင်း)၊ Serials (မဂ္ဂဇင်း၊ ဂျာနယ်များ ဝယ်ယူဖြည့်တင်းခြင်း)၊ Circulation (စာအုပ်များငှားရမ်းခြင်း)စသည်တို့ကို ကွန်ပျူတာ အသုံးပြု အလိုလျောက် စီမံ ခန့်ခွဲမှုစနစ်သို့ပြောင်း လဲခြင်း ဆိုင်ရာအကြောင်းအရာများကို ဆွေးနွေးပေးသွား မည်ဖြစ်ပါသည်။

အဆိုပါဟောပြောပွဲကိုအစိုးရဌာနများ၊လူမှုရေးအဖွဲ့အစည်းများ၊ကျောင်းများမှLibrarian၊ Library Officer များ၊ ကွန်ပျူတာနယ်ပယ်မှ Software Engineer၊Developer များအပြင် စိတ်ပါဝင်စားသူမည်သူမဆို (အခမဲ့) တက်ရောက်ဆွေးနွေးနိုင်ပါသည်။ အသေးစိတ်သိလိုပါကမြန်မာနိုင်ငံကွန်ပျူတာပညာရှင်အသင်းရုံးခန်း၊ အဆောင်(၄)၊ အခန်း(၄)၊ MICT Park၊ လှိုင်မြို့နယ်၊ ဖုန်း-၆၅၂၂၇၆၊ ၀၉-၇၃၀၈၈၃၀၀ သို့ ဆက်သွယ်မေးမြန်းနိုင်ပါသည်။

Internet Journal