Wednesday 21 October 2015

ကာဗွန်များ ပျော်ဝင်နေသည့် ပင်လယ်သမုဒ္ဒရာများ


ကမ္ဘာတစ်ဝန်းရှိ ပင်လယ်သမုဒ္ဒရာများနှင့် ကမ်းရိုးတန်းရေ ပြင်များက စိတ်အနှောင့်အယှက်ဖြစ်ရာ ဇာတ်လမ်းကို စတင်ပြော ကြားနေကြသည်။ ပင်လယ်သမုဒ္ဒ ရာများသည် ရေမြှုပ်တစ်ခုကဲ့သို့ ပင် လေထုအတွင်းမှ ကာဗွန်ဒိုင်အောက်ဆိုက်များကို တစ်နေ့တ ခြားပိုမိုစုပ်ယူနေပါသည်။ ကာဗွန် ဒိုင်အောက်ဆိုက်များကို စုပ်ယူ လွန်းအားကြီး၍ ပင်လယ်သမုဒ္ဒရာ နှင့် ကမ်းရိုးတန်းရေပြင်များ၏ ဓာ တုဗေဒမျှခြေညီမျှနေမှုများ ပြောင်းလဲနေပြီး ရေနေသဘာဝဂေဟ စနစ်များကို တိုး၍ ခြိမ်းခြောက်နေ သည်။လွန်ခဲ့သော နှစ်ပေါင်း ၂၀၀ အတွင်း လူတို့၏ ပယောဂကြောင့် ထွက်ရှိလာသော ကာဗွန်မက်ထရစ်တန်ဘီလီယံ ၁၅၀ ကို ကမ္ဘာ ပေါ်ရှိ ပင်လယ်သမုဒ္ဒရာများက စုပ်ယူထားသည်။ လက်ရှိတွင် လူတစ်ဦး၏ ပျမ်းမျှကာဗွန်ထုတ်လွှတ်မှု မှာ သီတင်းတစ်ပတ်လျှင် ၁၅ ပေါင်ရှိပြီး ယင်းမှာ နှစ်စဉ်အီကွေတာ ကို ၁၃ ပတ်ပတ်နိုင်အောင် ရှည် လျားသော ကျောက်မီးသွေးသုံး ရထားကို စွမ်းအင်ဖြည့်ပေးရန် လုံလောက်ပါသည်။
ပင်လယ်သမုဒ္ဒရာများသို့ ကာဗွန်ဒိုင်အောက်ဆိုက်ဓာတ် ပမာဏအမြောက်အမြားပျော်ဝင် သွားခြင်းကို ကျွန်တော်တုိ့ မမြင် တွေ့နိုင်ပါ။ သို့သော်၎င်းတို့သည် ကာဗွန်နစ်အက်စစ်အဖြစ် ပင် လယ်ရေထဲသို့ ပျော်ဝင်သွားကြ သည်။ ယင်းအတွက် နှစ်သန်း ပေါင်းများစွာက မြင်တွေ့ခဲ့ရသော နှုန်းထက် ပိုမိုလျင်မြန်စွာပင် ရေ ၏ ဓာတုဗေဒကို ပြောင်းလဲပစ်နေ ပါသည်။ ပင်လယ်သမုဒ္ဒရာများ အက်စစ်ဓာတ်သင့်ခြင်းဟု ခေါ် ဝေါ်သော ဖြစ်စဉ်ကြောင့် ပင်လယ်ခရု၊ ခုံး၊ သန္တာကျောက်တန်းနှင့် အခြားရေနေသတ္တ၀ါစနစ်များ ကြီးထွားရေး၊ မျိုးဆက်ပွားရေး၊ အခွံ မာများနှင့် အရိုးစုစနစ်များ ဖြစ် တည်ရေးကို ခက်ခဲလာစေခဲ့ပါ သည်။

လွန်ခဲ့သော ၁၀ နှစ်က ပင် လယ်အက်စစ်သင့်ခြင်းဖြစ်စဉ် ကြောင့် နှစ်စဉ်ကန်ဒေါ်လာ ၁၁၇ သန်းတန်ကြေးရှိသော အမေရိ ကန်အနောက်ဘက်ကမ်းရိုးတန်း ပင်လယ်ခရု၊ ခုံးလုပ်ငန်းပြိုလဲလု နီးပါးဖြစ်ခဲ့သည်။ သမုဒ္ဒရာလှိုင်း များက အက်စစ်သင့်နေသော ရေထုကို ပင်လယ်ကမ်းခြေသို့ တွန်း ပို့ခဲ့၍ ခုံးအကောင်ပေါက်စလေး များတွင် အကာအကွယ်ပေးမည့် အခွံများ ဖြစ်ပေါ်ရန် ခက်ခဲခဲ့ပြီး အားလုံးနီးပါးပျက်စီးခဲ့သည်။

လူသားများ၏ ကျန်းမာရေး အတွက်လည်း စိုးရိမ်စရာဖြစ် သည်။ ဓာတ်ခွဲခန်းစမ်းသပ်မှုများ၌ အန္တရာယ်ရှိသော ပင်လယ်ရေမှော်အမျိုးအစား များစွာသည် အက်စစ်သင့်နေသော ရေတွင် ကြီးထွားလွယ်ပြီး အဆိပ်များ ပိုမို ထုတ်လွှတ်သည်ကို တွေ့ရှိရ သည်။ သဘာဝပင်လယ်ပြင်တွင် ယင်းသို့ ဖြစ်ပေါ်ခဲ့ပါက အဆိပ်သင့်နေသော ခုံးများ စားသုံးမိ၍ လူများတွင် ဘေးဥပဒ်ဖြစ်စေနိုင်သလို အခြားရေနေသဘာဝနှင့် သတ္တ၀ါများကို သေဆုံးပျက်စီးသွားစေနိုင်ပါသည်။

အက်စစ်သင့်ခြင်းမြင့်မားလာခြင်းအပြင် ပင်လယ်သမုဒ္ဒရာ များကို ၀န်ပိစေသော အခြားအကြောင်းအရာများလည်း ရှိနေပါ သည်။ ပင်လယ်သမုဒ္ဒရာများ ပူနွေးလာသည်။ ရေနေသတ္တ၀ါ လောကအတွက် အရေးပါသော အောက်ဆီဂျင်မှာ နေရာအများအ ပြားတွင် လျော့ကျလာသည်။ ပ လတ်စတစ်အိတ်များနှင့် အခြား ပစ္စည်းပစ္စယများ၏ ညစ်ညမ်းမှု ကျယ်ပြန့်လာသည်။ ပင်လယ် သမုဒ္ဒရာများ၏ အရင်းအမြစ်များ ကို အလွန်အကျွံထုတ်ယူအသုံးပြု နေကြသည်။ အဆိုပါအကြောင်း အရာတစ်ခုချင်းစီမှာ ပြဿနာတစ်ရပ်စီဖြစ်နေပြီး ယင်းပြဿနာများ ပင်လယ်သမုဒ္ဒရာများအပေါ် တစ် ပြိုင်နက်တည်း သက်ရောက်မှုရှိ နေသည်မှာ စိုးရိမ်ပူပန်စရာဖြစ် သည်။

ယခုနှစ်တွင် အမေရိကန် နိုင်ငံ၏ ခုံးကောင်နှင့် ကမာ၊ ပုစွန် ကဲ့သို့ အခွံမာရေနေသတ္တ၀ါလုပ် ငန်းများ၏ အခြေအနေကို ပထမ ဆုံးအကြိမ် တစ်နိုင်ငံလုံးအတိုင်း အတာဖြင့် လေ့လာခဲ့ရာတွင် အန္တ ရာယ်ရှိသော ဧရိယာအများအပြား ပေါ်ထွက်လာခဲ့သည်။ ကန်ဒေါ် လာ တစ်ဘီလီယံတန်လုပ်ငန်း အတွက် အန္တရာယ်ရှိနေသော နေ ရာများ၌ အနောက်မြောက်ပစိ ဖိတ်ဒေသ၊ လောင်းအိုင်လန်း ဆော၊ နာရာဂန်ဆက်ပင်လယ် အော်၊ ချီဆာပီကီပင်လယ်အော်၊ မက္ကဆီကိုပင်လယ်ကွေ့နှင့် မိန်း နှင့် မက်ဆာချူးဆက်ပြည်နယ် ကမ်းလွန်ဒေသများပါဝင်သည်။ အန္တရာယ်ကျရောက်နေပြီဖြစ် သောဒေသမှာ အလက်စတာငါး လုပ်ငန်းများဖြစ်သည်။ ယင်းဒေသ ငါးလုပ်ငန်းမှာ အမေရိကန်နိုင်ငံ၏ စီးပွားဖြစ် ငါးဖမ်းဆီးမှု ၆၀ ရာခိုင် နှုန်းအထိရှိကာ လူပေါင်းတစ်သိန်း ကျော်ကို အလုပ်အကိုင်ပေးအပ် ထားသော နေရာဖြစ်သည်။

ပင်လယ်၊ သမုဒ္ဒရာအက် စစ်သင့်ခြင်းမှာ ကာရေဘီယံဒေသမှ သန္တာကျောက်တန်းများ ဖွဲ့စည်းပုံကို အားနည်းလာစေခဲ့သည်။ လွန်ခဲ့သော နှစ်ပေါင်း ၃၀ အတွင်း GreatBurrier Reef တွင် ရှိသော သန္တာကျောက်တန်းစနစ် တစ်ခုလုံး၏ကြံ့ကြံ့ခိုင်နိုင်မှု လျော့ကျလာခဲ့ ခြင်းဖြစ်သည်။

အာတိတ်ဒေသတွင်လည်း ကြီးမားသော အပြောင်းအလဲများ ဖြစ်ပေါ်နေပြီး ဒေသခံတိုင်းရင်း မျိုးနွယ်များအတွက် စားနပ်ရိက္ခာ ရင်းမြစ်များဖြစ်သော ငါး၊ ငှက် များနှင့် အခြားရေနေသတ္တ၀ါများ ရှားပါးလာခဲ့သည်။ ထိုကဲ့သို့ ဝေး လံသော ပင်လယ်သမုဒ္ဒရာဒေသ များတွင် ဖြစ်ပေါ်သော ပြောင်းလဲ မှုအတိုင်းအတာကို တစ်ခါတစ်ရံ မျှသာ ရှင်းလင်းစွာ ပေါ်ထွက်လာ သည်။ အဆိုပါဒေသများနှင့် အ ခြားအန္တရာယ်ရှိ ဒေသများ၏ အ ခြေအနေကို ပိုမိုနားလည်နိုင်ရန် မှာ ဒေသအများအပြားကို လေ့ လာသွားရန် လိုအပ်ပါသည်။

ပင်လယ်သမုဒ္ဒရာများ အက် စစ်သင့်ခြင်းမှာ ကမ္ဘာပေါ်ရှိ အမျိုးမျိုးသော ရေနေသဘာဝဂေဟ စနစ်များ၏ ဆက်စပ်မှုအပေါ် မည်သို့ထိခိုက်စေမည်ကို အတိအကျ ကျွန်ုပ်တို့ ဟောကိန်းမထုတ်နိုင်သေးပေ။ သို့သော်နောက်ဆက်တွဲ အကျိုးဆက်များ သိမ်မွေ့နူးညံ့လိမ့်မည်ဆိုတာကိုတော့ ကျွန်ုပ်တို့ သိနေပါသည်။

ပင်လယ်သမုဒ္ဒရာများ အက် စစ်သင့်ခြင်းကြောင့် ဆော်လမွန် ငါးနှင့် အခြားစီးပွားရေးအရ အရေးကြီးသော ငါးများမည်သို့ ပြောင်းလဲရှင်သန်နိုင်မည်ဆိုခြင်း ကို ကျွန်ုပ်တို့ မလေ့လာရသေး ပေ။ အထူးသဖြင့် ဆော်လမွန် သားပေါက်များနှင့် အခြားငါးအမျိုးအစားများက အစားအစာအဖြစ် မှီခိုနေသော သေးငယ်သော ငါးမျိုးနွယ်များနှင့် အခြား ငါးအမှုန်အမွှားများမှာ အက်စစ်သင့်မှုဒဏ် အများဆုံးခံစားရနိုင် သောကြောင့်ဖြစ်သည်။ ကျွန်ုပ်တို့ အပြည့်အ၀နားမလည်သေးသော ဆင့်ကဲသက်ရောက်မှုများရှိနိုင်ပါ သည်။

မည်သို့သော စိန်ခေါ်မှုများ ရှိနေသည်ကို နားလည်နိုင်ရန် ကျွန်ုပ်တို့အနေဖြင့် ပိုမိုကောင်းမွန် သော ပင်လယ်သမုဒ္ဒရာတိုင်းတာ မှု စွမ်းရည်များ လိုအပ်ပါသည်။ ယင်းကို ပိုမိုကောင်းမွန်သော ရေနေသတ္တ၀ါ ဂေဟစနစ်နမူနာပုံဖော်ခြင်းများဖြင့် ဆက်စပ်ရပါ မည်။ ထိုသို့သော စောင့်ကြည့် လေ့လာသုတေသနပြုမှုများတွင် စမတ်ကျသော ရင်းနှီးမြှုပ်နှံမှုများ မှာ ဖွံ့ဖြိုးဆဲ၊ ဖွံ့ဖြိုးပြီး အဆင့် အားလုံးမှာ နိုင်ငံများကို တိုက်ရိုက် ထိခိုက်နိုင်သော အန္တရာယ်များ တန်ပြန်ကာကွယ်ခြင်းနှင့် ကြံ့ကြံ့ ခံနိုင်စွမ်း တည်ဆောက်ရာတွင် အရေးပါပါသည်။ ထိုကဲ့သို့သော ရင်းနှီးမြှုပ်နှံမှုများ အရေးတကြီး လိုအပ်ပါသည်။

အမေရိကန်၏ ပင်လယ်သမု ဒ္ဒရာနှင့် လေထုစောင့်ကြည့်ရေး အဖွဲ့(NOAA) အနေဖြင့် ကမ္ဘာ့ ကာဗွန်ဒိုင်အောက်ဆိုက်မြင့်တက် မှုအခြေအနေကို နာရီမလပ်စောင့်ကြည့်နေပါသည်။ လေထုထဲတွင် ကာဗွန်ပါဝင်မှု မြင့်တက်နှုန်းမှာ လွန်ခဲ့သော သုံးနှစ်အတွင်း အမြင့် ဆုံးသို့ ရောက်ရှိနေပြီး ယင်းနှင့်အတူ ပင်လယ်သမုဒ္ဒရာအက်စစ် သင့်ခြင်းကိုလည်း လျင်မြန်လာ စေခဲ့ပါသည်။

အမေရိကန်နှင့် ဗြိတိန်နှစ် နိုင်ငံစလုံးက ကာဗွန်ဒိုင်အောက် ဆိုက်နှင့် အခြားဖန်လုံအိမ်ဓာတ် ငွေ့များထုတ်လွှတ်မှုမြင့်တက် လာခြင်းမှာ ကြီးမားကျယ်ပြန့် သော နောက်ဆက်တွဲအကျိုးဆက် များ ရှိသည်ဆိုခြင်းကို အသိအမှတ်ပြုထားကြပါသည်။ ထို့ ကြောင့်လည်း ကာဗွန်ဒိုင်အောက်ဆိုက်ထုတ်လွှတ်မှု လျှော့ချရေး ခိုင်မာသော အရေးယူကိုင်တွယ်မှုများ လုပ်ရန် တိုက်တွန်းခဲ့သည်။

ကမ္ဘာလုံးဆိုင်ရာ ပင်လယ် သမုဒ္ဒရာအက်စစ်သင့်ခြင်း စောင့်ကြည့်ရေးကွန်ရက်စတင်ရာတွင် မိမိတို့ နှစ်နိုင်ငံမှ ကိုယ်စားလှယ် များက ဦးဆောင်ပါဝင်ခဲ့သည်ကို ကျေနပ်ပါသည်။ ယင်းမှာ နိုင်ငံ ပေါင်း ၃၀ မှ သိပ္ပံပညာရှင်များ ကြား ပူးပေါင်းလုပ်ဆောင်မှုဖြစ် ပြီး တိုင်းတာလေ့လာမှုမလုပ်ထား သော အကြောင်းအရာကို စီမံခန့် ခွဲမှု မလုပ်နိုင်ဟူသော မူပေါ်တွင် အဆိုပါကွန်ရက်ကို အခြေခံထား ပါသည်။ သုတေသနသင်္ဘောများ၊ ပုဂ္ဂလိကလေ့လာစောင့်ကြည့်ရေး သင်္ဘောများ၊ မောင်းသူမဲ့လေယာဉ်များနှင့် အခြားနေရာများမှ စောင့်ကြည့်လေ့လာမှုများကို ပေါင်းစပ်ညှိနှိုင်း၍ ကြိုတင်ဟောကိန်းထုတ်ပေးနိုင်ရေး အခြေခံကို ဖန်တီးထားခြင်းဖြစ်ပါသည်။

အဆိုပါ ကွန်ရက်သစ်ကို အမေရိကန်နှင့် ဗြိတိသျှအဖွဲ့များ ၏ အောင်မြင်မှုအပေါ် အခြေခံ၍ တည်ဆောက်သွားမည်ဖြစ်သည်။ ယင်းအဖွဲ့ နှစ်ဖွဲ့မှာ ဈေးနှုန်းသက်သာပြီး တိကျသော အာရုံခံစနစ် များကို တည်ဆောက်၍ Wendy Schmidt Ocean Health XPPRIZE ဆုချီးမြှင့်ပွဲတွင် ပထမ နှင့် ဒုတိယဆွတ်ခူးခဲ့ကြသည်။ ကမ္ဘာတစ်ဝန်းကမ်းရိုးတန်းနိုင်ငံ များအနေဖြင့် သဘာဝပတ်ဝန်း ကျင်ဆိုင်ရာသတင်းအချက်အလက်များရယူ၍ ခိုင်မာသော မူဝါဒချမှတ်နိုင်ရေး၊ ဒေသဆိုင်ရာနှင့် ကမ္ဘာလုံးဆိုင်ရာကြံ့ကြံ့ခံနိုင်မှု ထူထောင်နိုင်ရေးအဆိုပါနည်း ပညာက ကူညီပေးနိုင်ပါသည်။

အမေရိကန်၏ အနောက် ဘက်ကမ်းရိုးတန်းဒေသရှိ အခွံမာ ကမာကောင် (Oyster) မွေးမြူရေးလုပ်ငန်းများက ပင်လယ်ရေအရည်အသွေးကို စောင့်ကြည့်တိုင်းတာ၍ မွေးကင်းစကမာကောင် များ အက်စစ်သင့်မှု အခြေအနေ တွင် ပြောင်းလဲရှင်သန်နိုင်စေရေး သိပ္ပံပညာရှင်များနှင့် ပူးတွဲလုပ် ကိုင်နေကြပြီဖြစ်သည်။

ပင်လယ်သမုဒ္ဒရာများ အက်စစ်သင့်ခြင်းဖြစ်စဉ်မှာ တစ်ကမ္ဘာလုံးအတွက် ပူပန်စရာဖြစ်သော်လည်း ဒေသတစ်ခုချင်းအတိုင်းအ တာဖြင့် အပြောင်းအလဲများ ဖြစ်ပေါ်နေသည်။ ဥပမာအားဖြင့် ပင် လယ်သမုဒ္ဒရာအက်စစ်သင့်ခြင်း ကို ပိုမိုဆိုးရွားနေသော အစာအာဟာရအလွန်အကျွံချခြင်း (ညစ်ညမ်းခြင်း)ကို ထိန်းချုပ်ခြင်းမျိုးဖြစ် သည်။

ပင်လယ်သမုဒ္ဒရာများ၏ကျန်းမာရေးမှာ လူတိုင်း၊ နိုင်ငံတိုင်းနှင့် ပတ်သက်သော အကြောင်းအရာ ဖြစ်သည်။ ပင်လယ်သမုဒ္ဒရာများသည် ကျွန်ုပ်တို့၏ အသက်ရှင်ရပ်တည်မှု၊ ကြံ့ကြံ့ခံ နိုင်စွမ်းနှင့် ကမ္ဘာကြီး၏ စီးပွားရေး တွက်ခြေကိုက်မှု မှီတင်းနေသော နေရာများ ဖြစ်သည်။ ပင်လယ် သမုဒ္ဒရာများ အက်စစ်သင့်ခြင်း အန္တရာယ်များကို လျစ်လျူရှုခြင်း မှာ မိမိတို့၏ ရပ်တည်မှုနှင့် အနာ ဂတ်မျိုးဆက်များ အန္တရာယ်များကိုလျစ်လျူရှုခြင်းဖြစ်ပါလိမ့်မည်။
Byကြည်နေ၀င်းမင်း
—Ref:Our Deadened, Carbon-Soaked Seas.By Richard W.Spinrad and Ian Boydo.

No comments:

Post a Comment