Saturday 29 August 2015

လိပ်ကျွန်း လူသတ်မှုအတွက် တက္ကသုိုလ်မှ ကျွမ်းကျင်သည့် ပါမောက္ခအဆင့်ရှိ ဘာသာပြန် လုိုအပ်နေ


 ကော့သောင်း(လိပ်ကျွန်း) ဗြိတိန်လူမျိုးနှစ်ဦး အသတ်ခံမှုဖြင့် ဖမ်းဆီးခံထားရသော မြန်မာနုိုင်ငံသား နှစ်ဦး၏ အမှုတွင် ထုိုင်းနှင့် မြန်မာနှစ်ဘာသာ ဘာသာပြန် လုိုအပ်နေ သည်ဟု အမှုကို ကူညီဆောင်ရွက်ပေးနေ သော မြန်မာသံရုံးအထူးအဖွဲ့မှ ရှေ့နေဦးအောင်မျိုးသန့်က မဇ္စျိမကို ပြောသည်။
လူသတ်မှုဖြင့် စွပ်စွဲခံထားရသူ ကုိုဝင်းဇော်ထွန်းနှင့် ဇော်လင်းတုို့ဘက်မှ တက္ကသုိုလ်မှ ကျွမ်းကျင်သည့် ပါမောက္ခအဆင့်ရှိ ဘာသာပြန် လုိုအပ်နေခြင်း ဖြစ်သည်။
“ ဘာသာပြန်ပေါ့၊ ထုိုင်းဘာသာ၊ မြန်မာဘာသာနဲ့ပတ်သက်တဲ့ တကယ်တမ်း အထင်ကရဖြစ်တဲ့ တက္ကသုိုလ် ပါမောက္ခလုိုမျိုး တရားခွင်မှာ လာရောက်ကူညီပေးမယ်ဆုိုရင်တော့ တရားခွင်ကလေး စားလောက် တဲ့လူ၊ မြန်မာလူမျိုးတွေ ဘယ်နှစ်မျိုး ရှိတယ်၊ ဘယ်လူမျိုးက ဘယ်လုိုရှိတယ်ဆုိုတာတွေ၊ မြန်မာနုိုင်ငံက တုိုင်းရင်းသားလူမျိုးအကြောင်း၊ လူမျိုးစုအကြောင်းတွေကို ကျကျနန ဘာသာပြန်ပေးနိုင် လို့ရှိရင် ပုိုကောင်း သွားမယ်” ဟု ရှေ့နေ ဦးအောင်မျိုးသန့်က ပြောသည်။

သြဂုတ် ၂၈ ရက်တွင် ထုိုင်းနုိုင်ငံ တောင်ပုိုင်း ဆူရတ်ဌာနီခရုိုင် ကောစမွေတရားရုံးတွင် လူသတ်မှုကို စစ်ဆေးခဲ့သော ထုိုင်းမှုခင်း ရဲမှူးတစ်ဦးကုို စစ်ဆေးရာ ဘာသာပြန်၏ ပြောဆုိုချက်ကုိုသာ မှတ်တမ်း ယူထားသဖြင့် ခုိုင်လုံမှု မရှိကြောင်း ၎င်းက မဇ္စျိမကုို ပြောသည်။

“သူက ဇော်လင်းရဲ့ ဝန်ခံချက်ကုို မှတ်တမ်းတင်ပေးရတယ်။ နောက်ပြီးတော့ သရုပ်ပြတုန်းက သူပါတယ် ဆုိုတဲ့ ရဲမှူးပါ။ ဒါပေမဲ့ သူရဲ့ စစ်ဆေးချက်တွေ၊ မှတ်တမ်းတင်တာတွေ အားလုံးက ဘာသာပြန်ရဲ့ အမေး အဖြေ ကုိုသာ မှတ်တမ်းတင်ထားတဲ့ သဘောဖြစ်နေတယ်။ ဘာသာပြန်ပြောချက်အရ ဇော်လင်းဟာ ဒီပြစ်မှု ကျူးလွန် တယ်ဆိုတာ သူ ပြောချင်တာပါပဲ။ လုပ်ထုံးလုပ်နည်းအရ ဒီစစ်ချက်တွေကုို ကြည့်မယ်ဆုိုရင် စစ်ချက်တွေထဲက ဒီပြစ်မှု ကျူးလွန်ကြောင်းကုို သူကုိုယ်တုိုင်က ဘာမှ မသိဘူး။ ဒါပေမဲ့ ဘာသာပြန်နဲ့ တရားခံတို့ နှစ်ဦး စကားပြော တာကုို ယုံကြည်စွာနဲ့ မှတ်တမ်းတင်တဲ့သဘောပဲ” ဟု ရှေ့နေ ဦးအောင်မျိုးသန့်က ပြောသည်။

ထုိုအမှုကုို ထုိုင်းနုိုင်ငံ ရှေ့နေများကောင်စီနှင့် မြန်မာသံရုံးအထူးအဖွဲ့တို့က လုိုက်ပါ ဆောင်ရွက်ပေးနေပြီး ထုိုင်းရဲတပ်ဖွဲ့က တရားလုို ပြုလုပ်ထားသည်။တရားလုိုပြ သက်သေ ၆၅ ဦးမှ ၃၅ ဦးတွင် အများအားဖြင့် ထုိုင်းရဲချုပ် များ စစ်ဆေးရာ၌ ဘာသာပြန်များ၏ ပြောဆုိုချက်တို့ကို ယူထားသဖြင့် ယုံကြည်ဖွယ် မရှိကြောင်း ၎င်းက ပြော သည်။

“ အမှုတစ်ခုလုံးကုို ကြည့်တဲ့အခါမှာ ရဲချုပ်ကြီးတွေ စစ်တာ များပါတယ်။ ရဲချုပ်တွေအားလုံးဟာ ဘာသာပြန်ကုို အားကုိုးပြီးတော့ စစ်ချက်ယူတာကုို တွေ့ရပါတယ်။ အဲဒီတော့ ဘာသာပြန်ကုို အားကုိုးပြီး စစ်ချက်ယူတယ်ဆုိုရင် တရားခံနှစ်ယောက်စလုံးက ရခုိုင်လူမျိုး ဖြစ်ပါတယ်။ ဘာသာပြန်တွေက ဘင်္ဂါလီ တွေဖြစ်တယ် ဆုိုတဲ့အတွက်ကြောင့် ဒီအမှုကုို မယုံကြည်ထုိုက်ဘူးလုို့ မြင်ပါတယ်” ဟု ၎င်းကပြော သည်။

အစောပုိုင်း တရားခံ ကုိုဇော်လင်းအား ဖမ်းဆီးစဉ်က ဖြောင့်ချက်ယူရာတွင် ရှေ့နေပါဝင်မှု မရှိခြင်းနှင့် တရားခံ၏ မိဘဆွေမျိုးတစ်ဦးမှ ပါဝင်ခြင်း မရှိခြင်းတုို့သည်လည်း ဥပဒေအရ ဘောင်မဝင်သဖြင့် ယုံကြည်ဖွယ် မရှိကြောင်း ၎င်းက ပြောသည်။

ထုို့ပြင် အမှုဖြစ်ပွားသည့်အချိန်တွင် မြန်မာနုိုင်ငံအတွင်း ရခုိုင်နှင့် ဘင်္ဂါလီ လူမျိုးရေး ပဋိပက္ခ ဖြစ်ပွားသည့် အချိန်လည်း ဖြစ်နေသည့်အတွက် ဘာသာပြန်စကားကုို ယုံကြည်၍ အမှုကုို တင်ပြသဖြင့် ဥပဒေအရ လွဲမှားသည် ဟု သုံးသပ်ကြောင်း ရှေ့နေ ဦးအောင်မျိုးသန့်က ပြောသည်။

ထုိုင်းရဲတပ်ဖွဲ့က တရားလုို ပြုလုပ်၍ တရားလုိုပြသက်သေ ၆၅ ဦးတင်သွင်းထားသော်လည်း တရားရုံး၏ သတ်မှတ်ချက်အရ သြဂုတ်လအတွင်း တရားလုိုပြသက်သေများကုို အပြီးသတ် စစ်ဆေးမည် ဆုိုပါက ကျန် တရားလုိုပြသက်သေများကုို ပယ်ဖျက်နုိုင်သည်ဟု ၎င်းက ပြောသည်။

လာမည့် စက်တင်ဘာလ ၁ ရက်တွင် တရားလုိုပြသက်သေ ထုိုင်းရဲမှူးကြီး တစ်ဦးကုို စစ်ဆေး၍ စက်တင်ဘာလ ၂ ရက်တွင် တရားခံပြသက်သေ ၃၂ ဦးကုို စတင်စစ်ဆေးသွားမည် ဖြစ်သည်။

ပြီးခဲ့သည့် ၂၀၁၄ ခုနှစ် စက်တင်ဘာလ ၁၅ ရက်က ဗြိတိန်နုိုင်ငံသား ဟန်နာ ဝီသာရစ်နှင့် ဒေးဗစ်မေလာ တုို့ သတ်ဖြတ်ခံခဲ့မှုတွင် မြန်မာအလုပ်သမား ကုိုဇော်လင်းနှင့် ကုိုဝင်းဇော်ထွန်းတို့အား လူသတ်မှုဖြင့် စွပ်စွဲ၍ တရားစွဲထားခြင်း ဖြစ်သည်။
mizzima

No comments:

Post a Comment