“ပြောရေးဆိုလို့ ပြောရပါတယ်၊ လွှတ်တော်ဥက္ကဋ္ဌက လမ်းဘေးက တက်ပြီးတော့ လွှတ်တော်ဥက္ကဋ္ဌ လုပ်နေတာ မဟုတ်ဘူး၊ ဟောဒီ လွှတ်တော်ကိုယ်စားလှယ်တွေက ရွေးချယ်ထားလို့ ဥက္ကဋ္ဌဖြစ်တာ၊ ဒါကြောင့်မို့ လွှတ်တော်ဥက္ကဋ္ဌရဲ့ ပြောဆို ပြုမူဆောင်ရွက်ချက်တွေဟာ ဥပဒေနဲ့ မညီဘူးထင်ရင် အချိန်မရွေး စွပ်စွဲပြစ်တင်နိုင်တယ်” ဟု ပြည်ထောင်စု လွှတ်တော်နာယကက ယနေ့ ပြည်ထောင်စု လွှတ်တော် အစည်းအဝေးတွင် ပြောခဲ့ခြင်းဖြစ်သည်။
ပြီးခဲ့သည့် သောကြာနေ့ ပြည်ထောင်စုလွှတ်တော်အစည်းအဝေးတွင် အဆိုပါ သတ္တုတွင်းဥပဒေကြမ်းကို အပြင်းအထန် ဆွေးနွေးငြင်းခုံခဲ့ကြပြီး အစည်းအဝေးအပြီး နာယက ပြန်ထွက်သွားချိန်၌ အမျိုးသားလွှတ်တော်အမတ်တစ်ဦးက မကျေနပ်သဖြင့် ဒေါသတကြီးအော်ဟစ်ပြောဆိုမှု၊ ကိုယ်လက်များဖြင့် တွန်းတွန်းတိုက်တိုက်လုပ်မှုများအား မိမိအနေဖြင့် ပြန်လည် ကြားသိရသည်ဟု သူရဦးရွှေမန်းက ယနေ့  ပြန်ပြောအပြီးတွင် ထိုသို့ ပြောဆိုလိုက်ခြင်းဖြစ်သည်။
“သေချာ နားထောင်ပါ။ အဲ့ဒါနဲ့ ပတ်သက်လို့ နောက်ကို လွှတ်တော် ဥက္ကဋ္ဌကိုသော်လည်းကောင်း၊ လွှတ်တော်ကိုလည်းကောင်း စော်ကားတဲ့ ကိစ္စမျိုးများ ပေါ်ပေါက်လာလို့ရှိရင် ထိထိရောက်ရောက် အရေးယူမယ်။ လွှတ်တော်ကို မထေမဲ့မြင် မပြုပါနဲ့ ၊ လွှတ်တော်ဥက္ကဋ္ဌ ဒုတိယ ဥက္ကဋ္ဌတွေကို မထေမဲ့မြင်မပြုပါနဲ့ ၊ စကားကို ပေါက်လွှတ်ပဲစား ပြောလို့ မရဘူး၊ လွှတ်တော်ကိုယ်စားလှယ်က လွှတ်တော်ကိုယ်စားလှယ်လိုပြော၊ စောင့်ကြည့်နေမယ်၊ နောက်တစ်ခါဆိုရင် ချက်ချင်းအရေးယူမယ်” ဟုလည်း ပြည်ထောင်စုလွှတ်တော် နာယကက လွှတ်တော်ကိုယ်စားလှယ်တို့ အား သတိပေး ပြောကြားခဲ့သည်။
ပုဒ်မပေါင်း လေးဆယ်ရှိသော သတ္ထုတွင်းဥပဒေကြမ်း ပုဒ်မ(၆) အား အမျိုးသားလွှတ်တော်က ပြင်ဆင်ချက်ထားသည့်အချက်ကို ပြည်သူ့ လွှတ်တော်က ကန့် ကွက်ခဲ့ပြီး ထိုသို့ ကန့် ကွက်ခြင်းကို ပြည်ထောင်စုလွှတ်တော် ဥပဒေကြမ်းပူးပေါင်းကော်မတီကလည်း ထောက်ခံခဲ့သဖြင့် ယနေ့  ပြည်ထောင်စု လွှတ်တော် အစည်းအဝေး ခန်းမအတွင်း အပြန်အလှန် စွပ်စွဲ ပုတ်ခတ်ကြသည်အထိ အငြင်းပွားခဲ့ကြသည်။
“ပြည်သူ့ လွှတ်တော်ရဲ့ အကြောင်းပြ ကန့် ကွက်ချက်ဟာ ခိုင်လုံခြင်းမရှိပါဘူး၊ အနာဂတ်မြန်မာ နိုင်ငံတော်ကို ပြည်ထောင်စုစနစ်နဲ့ အဆင့်ဆင့် တက်လှမ်းချီတက်ဖို့ ပြင်ဆင်နေချိန်မှာ တိုင်းပြည် တည်ငြိမ်အေးချမ်းရေး တန်းတူအခွင့်အရေးရရှိရေးနဲ့  တိုင်းဒေသကြီးနဲ့ ပြည်နယ် အစိုးရများကို လုပ်ပိုင်ခွင့် အာဏာ ခွဲဝေပေးရေး၊ သယံဇာတ လုပ်ပိုင်ခွင့် ခွဲဝေပေးရေးတို့ဟာ နိုင်ငံသားများ အတွက် အဓိက သော့ချက်ဖြစ်ပါတယ်၊ ဒါကြောင့် ပြည်နယ် တိုင်းဒေသကြီး အစိုးရ အဖွဲ့ များအနေနဲ့  လုပ်ကွက်စိစစ်ချထားရေးအဖွဲ့ ဖွဲ့ စည်း၍ တာဝန်ပေးအပ်ရန် အမျိုးသားလွှတ်တော်က ဥပဒေ ပုဒ်မ ၆၊ ၆(က) နဲ့ ပြင်ဆင် ပြဌာန်းခြင်း ဖြစ်ပါတယ်၊ ဥပဒေပြုလွှတ်တော်မှာ ရိုးသားဖို့ နဲ့  ဘက်မလိုက်ဖို့  အထူးလိုအပ်တယ်လို့  သုံးသပ်မိပါတယ်။ ဥပဒေကြမ်းပူးပေါင်းကော်မတီမှာ အချို့ သော ကော်မတီမှာ ဘက်လိုက်မှုကင်းပါရဲ့လားလို့ မေးခွန်းထုတ်စရာ ဖြစ်နေပါတယ်” ဟု ဥပဒေကြမ်းပူးပေါင်းကော်မတီ၏ ပြင်ဆင်ချက်ကို ကန့် ကွက် ပြစ်တင်ကြသည့် အမျိုးသားလွှတ်တော်အမတ်များထဲမှ တစ်ဦးဖြစ်သော ဦးဟာရှိန်းဘွေက ယနေ့ ပြည်ထောင်စုလွှတ်တော်အစည်းအဝေးတွင် ပြောခဲ့သည်။
အမတ်အချို့ကဆိုလျှင် မြန်မာ့သတ္ထုတွင်းဥပဒေ ပုဒ်မ ၆ နှင့် ပတ်သက်သည့် ပြည်သူ့ လွှတ်တော်၏ ပြင်ဆင်ချက်သည် ဗဟိုချုပ်ကိုင်မှုစနစ်လျှော့ချရေးအတွက် အဟန့် အတား ဖြစ်နေကြောင်း၊ ဒေသခံ ပြည်သူတို့ ကိုယ်ပိုင်လုပ်ကွက်ငယ်များ လုပ်ကိုင်ခွင့်ရရှိရေးကို ပိတ်ပင်ရာရောက်ကြောင်း၊ လွှတ်တော်အတွင်း၌ ဒီမိုကရေစီနည်းဖြင့် အနိုင်မကျင့်သင့်ကြောင်း စသဖြင့် ဝေဖန်စွပ်စွဲမှုများဖြင့် ပြောကြားခဲ့ကြသည်။
ဥပဒေပြုရေးနှင့် ဗဟိုချုပ်ကိုင်မှု လျှော့ချရေးတို့ မှာ သီးခြားစဉ်းစားဆောင်ရွက်ရမည်ဖြစ်ကြောင်း၊ ဥပဒေကြမ်းကို စိစစ်သည့်အခါ လိုက်နာရမည့် အခြေခံစည်းမျဉ်း ၁၂ ချက်အရ ဆောင်ရွက်ကြခြင်းသာ ဖြစ်ကြောင်း လွှတ်တော်နာယကနှင့် ပြည်ထောင်စုလွှတ်တော် ဥပဒေကြမ်းပူးပေါင်းကော်မတီတို့ ကပါ လွှတ်တော်သို့ ရှင်းပြအပြီး ထိုဥပဒေကြမ်းကို လျှို့ဝှက်ဆန္ဒမဲဖြင့် လွှတ်တော်၏ သဘောထားရယူရာ ထောက်ခံမဲအများစုဖြင့် ပြည်သူ့ လွှတ်တော်၏ ပြင်ဆင်ချက်များအတိုင်း အတည်ပြုနိုင်ခဲ့သည်။
mizzima
No comments:
Post a Comment