Tuesday 17 December 2013

တောင်ဆူဒန်မှာ အာဏာသိမ်းဖို့ တိုက်ပွဲဖြစ်

တောင်ဆူဒန် သမ္မတ ဆာလ်ဗာ ကီယားကနိုင်ငံမှာ အာဏာသိမ်းရန် ကြိုးပမ်းချက် တစ်ခုကို သူ့တပ်ဖွဲ့တွေ က မြို့တော် ဂျူးဘာ မှာ ညလုံးပေါက် တိုက်ခိုက်ပြီး ချေးမှုန်းနိုင်ခဲ့တယ် လို့ ပြောပါတယ်။
ဒုတိယ သမ္မတဟောင်း ရီယက်မာချာကို သစ္စာခံတဲ့ တပ်ဖွဲ့တွေက မနေ့ညက အကြမ်းဖက် တိုက်ခိုက်ခဲ့ တာ ဖြစ် တယ်လို့ သမ္မတက ပြောပါတယ်။

မစ္စတာ ကီယားက မြို့တော်မှာ ညမထွက်ရ ကာဖြူးအမိန့်ကို ထုတ်ပြန်ထားလိုက်ပြီး အခုတော့ အစိုးရက အခြေအနေတွေကို ထိန်းချုပ်ထားနိုင်ပြီလို့ ပြောပါတယ်။

ပြိုင်ဘက် တပ်ဖွဲ့ဝင်တွေ အကြား နာရီပေါင်းအတော်ကြာ တိုက်ပွဲကြီးတွေ ဖြစ်ပွားခဲ့ပြီး ထိခိုက် သေကျေ မှုတွေ ရှိခဲ့တယ်ဆိုတဲ့ သတင်းတွေလည်း ရရှိပါတယ်။

ပစ်ခတ်မှုတွေကတော့ အခုအချိန်မှာ ငြိမ်သက်သွားပြီလို့ ဆိုပါတယ်။

မစ္စတာ ကီယားက သူ့ရဲ့ ဒုတိယ သမ္မတ အပါအဝင် အစိုးရ ကက်ဘိနက် တစ်ခုလုံးကို ဇူလိုင်လတုန်းက ထုတ်ပစ်လိုက်တဲ့အတွက် အဲဒီအချိန်ကစပြီး တောင်ဆူဒန် နိုင်ငံမှာ နိုင်ငံရေး တင်းမာမှုတွေ အရှိန်မြင့်လာ ခဲ့တာ ဖြစ်ပါတယ်။

ဘီဘီစီ (မြန်မာပိုင်း)

No comments:

Post a Comment