အရပ်ဘက်လူမှုအဖွဲ့အစည်းတွေနဲ့ အစိုးရတို့ ပူးပေါင်းပြီး တစ်နိုင်ငံလုံး အတိုင်းအတာနဲ့ ခုခံအား ကျဆင်းမှုရောဂါ ကူးစက်မှုနှုန်း၊ ဖြစ်ပွားမှုနှုန်း၊ သေဆုံးမှုနှုန်းထားတွေကို စာရင်းကောက်ယူပြီး ပိုမို ထိရောက် တဲ့ အကူအညီတွေပေးဖို့ အမျိုးသားဒီမိုကရေစီအဖွဲ့ချုပ်က တောင်းဆိုလိုက်ပါတယ်။
နိုင်ငံတော်သမ္မတ ဦးသိန်းစိန်က ခုခံအားကျဆင်းမှု ရောဂါတိုက်ဖျက်ရေးကို အမျိုးသားရေးအဆင့် အထိမြှင့်တင်ပြီး နိုင်ငံတော်အနေနဲ့ တိကျသေချာစွာ လုပ်ဆောင်ပေးမယ်လို့ သမ္မတကျမ်းသစ္စာကျိန်ဆို ပွဲမှာ ကတိပေးခဲ့ပေမယ့် အခုချိန်ထိ ကျန်းမာရေးဝန်ကြီးဌာနက စီမံချက်ချမှတ်ဆောင်ရွက်တာ မရှိကြောင်း လည်း ကြေညာချက်မှာ ဖေါ်ပြထားပါတယ်။
ဒီနေ့ အခမ်းအနားကို NLD သဘာပတိအဖွဲ့ဝင်တွေ၊ ဗဟိုအလုပ်အမှုဆောင်ကော်မတီဝင်တွေ၊ ၈၈ မျိုး ဆက်ကျောင်းသားခေါင်းဆောင်တွေ၊ ခုခံအားကျဆင်းမှု ရောဂါခံစားနေရတဲ့ ဝေဒနာရှင်တွေနဲ့ အရပ်ဘက် လူမှုအဖွဲ့အစည်း ကိုယ်စားလှယ်တချို့ တက်ရောက်ခဲ့ပါတယ်။
RFA Burmese
No comments:
Post a Comment