နေပြည်တော်တိုင်း စစ်ဌာနချုပ် နယ်မြေတစ်ဝိုက် ရွှေကြောများတွေ့
ရန်ကုန်၊ မတ်-၄
နေပြည်တော် ကောင်စီနယ်မြေအတွင်းရှိ နေပြည်တော်တိုင်းစစ် ဌာနချုပ်
နယ်မြေအနီးတစ်ဝိုက်တွင် စီးပွားဖြစ် ထုတ်နိုင်ေ သာ ရွှေကြောများရှိနေကြောင်း ဘူမိဗေဒ ပညာရှင်ဦးစိုးသိန်းက ပြောသည်။
ယခင် နေပြည်တော် မြို့တော်အဖြစ် မဖော်ထုတ်ခင် ၁၉၈၉ ခုနှစ် အစောပိုင်းကာလက
ယင်းနယ်မြေတွင် သရက်ခုံ ရွှေကြော တစ်ခုရှိခဲ့ပြီး မြန်မာနိုင်ငံ၏ ပထမဆုံး ရွှေထုတ်လုပ်သည့် စက်ရုံဖြစ်ခဲ့ကြောင်း ၎င်းက ပြောသည်။ ယင်းရွှေကြော မှာ နေပြည်ေ တာ် တောင်ဘက်ရှိ တောင်တန်းများမှတစ်ဆင့် ပေါင်းလောင်း ရေအားလျှပ်စစ်စီမံကိန်းအထိပင် ရှည်လျားကြောင်း ဦးစိုးသိန်းက ပင်ဆိုသည်။
ယင်းရွှေကြောများကို လောလောဆယ် စီးပွားဖြစ် ထုတ်ယူသွားမည်မဟုတ်ဘဲ တပ်မတော်ပိုင်နယ်မြေအတွင်းတွင် တည်ရှိနေ
ခြင်းဖြစ်ကြောင်း သတ္တုတွင်းဝန်ကြီးဌာန ညွှန်ကြားရေးမှူးချုပ် ဦးဝင်းထိန်က အတည်ပြုပြောကြားသည်။
ထိုနေရာမှာ ဒေသအခေါ် သရက်ခုံနယ်မြေအတွင်းတွင် တည်ရှိနေပြီး ယခင်က ရွှေထုတ်ယူခဲ့သည့် နယ်မြေတစ်ခုဖြစ်ခဲ့ကြောင်း ဦးဝင်း ထိန်ကပြောသည်။
“အဲဒီဘက်မှာ ရွှေကြောတွေ ရှိမှန်းတော့သိတယ်။ ဒါပေမဲ့ ရန်ကုန်ဘက်ကို တက်လာတာတော့ မရှိဘူး။ တချို့ရွာသေးသေးေ လးတွေမှာ တစ်ပိုင်တစ်နိုင်လုပ်နေတာမျိုးတွေတော့ ကြားမိတယ်” ဟု ရန်ကုန်မြို့မှ ရွှေလုပ်ငန်းရှင် တစ်ဦးက ပြောသည်။
နေပြည်တော် - ရန်ကုန်အမြန်လမ်းမနှင့်အပြိုင် ၉၈ မိုင်နှင့် ၁၁၅
မိုင်ကြားရှိ အလယ်ရိုးမအနီးတွင်လည်း ရွှေကြောများရှိပြီး လက်ရှိတွင်
ဒေသခံအချို့မှ တစ်ပိုင်တစ်နိုင် တူးဖော်မှုများလည်းရှိကြောင်း ဘူမိဗေဒပညာရှင်များက ဆိုသည်။
မြန်မာနိုင်ငံ ဧရိယာအတွင်း ၅၄ ရာခိုင်နှုန်းကျော်တွင် ဈေးကွက်ဝင်
သတ္တုအမျိုးပေါင်း ၂၀ ကျော်ထွက်ရှိပြီး နေရာအနှံ့အပြားတွင် သတ္တုကြော
သတ္တုသိုက်များ တည်ရှိနေကြောင်း အမျိုးသားလွှတ်တော် သတ္တုနှင့် သယံဇာတ ကော်မတီက ထုတ်ပြန်ထားသည်။
မြန်မာနိုင်ငံမှ အဓိကထွက်ရှိသော ရွှေကြောအများစုမှာ တောင်ငူ၊ ရမည်သင်း၊
သထုံ၊ ဘီးလင်း၊ ရွှေကျင်အစရှိသော မြို့နယ် များအပြင် ကချင်ပြည်နယ်
မြစ်ဆုံအနီးတစ်ဝိုက်တွင် အဓိကထုတ်ယူလျက်ရှိသည်။
မြန်မာနိုင်ငံ၏ မြို့ပေါင်း ၁၇၆ မြို့နယ်တွင် သတ္တုကြောသတ္တုသိုက်များ ခိုအောင်းတည်ရှိ နေပြီး အစိုးရအနေဖြင့် အမှန်တကယ် သုတေသနပြု ဆောင်ရွက်မည်ဆိုပါက တိုင်းပြည်အတွက် များစွာအကျိုးဖြစ်ထွန်းနိုင်မည် ဖြစ်သည်ဟု ၂၀၁၂ ခုနှစ် နိုဝင်ဘာလ အတွင်းက ပြုလုပ်ခဲ့သည့်အမျိုးသားအဆင့်သတ္တုကဏ္ဍဖွံ့ဖြိုးတိုးတက်ရေးဆွေးနွေးပွဲတွင်ပညာရှင်အများစုကအကြံ ပုပြောကြားခဲ့ သည်။
ref:7daynews
No comments:
Post a Comment