နေပြည်တော်တွင် အာဆီယံထိပ်သီး အစည်းအဝေးများ ကျင်းပရာ၌ အစည်းအဝေး တက်ရောက်မည့် အစိုးရ အဖွဲ့ ခေါင်းဆောင်များ အဆင့်မီမီ တည်းခိုနေထိုင် နိုင်မည့် Presidental Suite အခန်းနှစ်စုံစီ ရှိလျှင် တည်းခိုနေ ထိုင်ရေး အတွက် အဆင်ပြေနိုင်ကြောင်း ဟိုတယ်နှင့် ခရီးသွားလာရေး လုပ်ငန်း ၀န်ကြီးဌာနမှ ၀န်ကြီး ဦးဌေးအောင်က စက်တင်ဘာ ၂၅ရက်တွင် နေပြည်တော်ဟိုတယ်ဇုန်ရှိ ဟိုတယ်များမှာ မန်နေဂျာ များ၊ ဟိုတယ် ဆောက်လုပ်ရေး တာဝန်ခံများအားတွေ့ဆုံစဉ်က ပြောကြားခဲ့ကြောင်း သိရသည်။
ထို့အပြင် နေပြည်တော်ဇုန်အတွင်း၌ အနည်းဆုံးအဆင့်မီအခန်း Presidental Suite
အခန်း ၂၁ စုံရှိစေရေး အတွက် စီစဉ်နေပြီး တည်ဆောက်ပြီး ဟိုတယ်မားနှင့်
တည်ဆောက်ဆဲ ဟိုတယ်များတွင် အနည်းဆုံး တစ်စုံစီ မဖြစ်မနေ
ထည့်သွင်းတည်ဆောက်ရန် ပြောကြားခဲ့ကြောင်း သိရသည်။
ယင်း Presidental Suite အခန်းတစ်စုံစီအား လာမည့် အောက်တိုဘာလ၌ အပြီးသတ်တည်ဆောက် ရန်နှင့် နိုဝင်ဘာနှင့် ဒီဇင်ဘာလတွင် အချောပြင် မွမ်းမံ၍ ၂၀၁၄ ခုနှစ် ဇန်န၀ါရီလတွင် ဖွင့်လှစ်နိုင်ရန် လိုအပ်ကြောင်း ၀န်ကြီးမှ ပြောကြားခဲ့ကြောင်း သိရသည်။
နေပြည်တော် ဟိုတယ်ဇုန်တွင် ကြယ်သုံးပွင့် ဟိုတယ် ၁၃ လုံး၊ ကြယ်နှစ်ပွင့် ဟိုတယ် ၇ လုံးနှင့် ကြယ်တစ်ပွင့် ဟိုတယ် ၁ လုံး စုစုပေါင်း ဟိုတယ် ၂၁ လုံး ရှိကြောင်း သိရသည်။
No comments:
Post a Comment