Tuesday 9 June 2015

မန္တလေးတိုင်းအတွင်း ကိုယ်ပိုင်ကျောင်းသစ် ၃၁ ကျောင်း ထပ်မံဖွင့်ခွင့်ပြု


 မန္တလေးတိုင်းဒေသကြီးတွင် ဖွင့်လှစ်ခွင့်ပြုရန်လျှောက် ထားသည့် ကိုယ်ပိုင်ကျောင်း ၆၀ ကျော်အနက် ယခု ၂၀၁၅-၁၆ ပညာသင်နှစ်အတွက် ကိုယ်ပိုင်ကျောင်းသစ် ၃၁ ကျောင်း ဖွင့်လှစ်ခွင့်ပြုခဲ့ကြောင်း    စုံစမ်းသိရှိရ သည်။ကိုယ်ပိုင်ကျောင်းအသစ်ဖွင့် လှစ်ရန် လျှောက်ထားမှုများအ နက် သတ်မှတ်အရည်အချင်းပြည့် မီသည့် ကိုယ်ပိုင်ကျောင်း ၃၁ ကျောင်းကို စမ်းသပ်ကာလတစ်နှစ်အနေဖြင့်    ဖွင့်လှစ်ခွင့်ပြုခဲ့ ကြောင်း မန္တလေးတိုင်းဒေသကြီး ပညာရေးမှူးရုံး လက်ထောက် ညွှန်ကြားရေးမှူး ဦးခင်မောင်မြင့် က ပြောသည်။


‘‘ကိုယ်ပိုင်ကျောင်းအသစ် ရော သက်တမ်းတိုးကျောင်းတွေ အားလုံးပါ ဇွန်လက စတင်ဖွင့်လှစ် ခွင့်ပေးလိုက်တယ်။ သတ်မှတ် စည်းကမ်းချက်အတိုင်း လိုက်နာ မှုမရှိဘူးဆိုရင် နှစ်တိုးလျှောက်တဲ့ အခါမှာ သက်တမ်းတိုးမရတာ တွေ ဖြစ်နိုင်မယ်’’ဟု လက်ထောက်ညွှန်ကြားရေးမှူး ဦးခင်မောင်မြင့် က ပြောသည်။

၂၀၁၅-၁၆ ပညာသင်နှစ် အတွက် ကိုယ်ပိုင်ကျောင်းအသစ်များကို တစ်နှစ်သက်တမ်းဖြင့် ၃၁ ကျောင်း၊   ဖွင့်လှစ်ခွင့်ထပ်မံတိုးလျှောက်သည့် ယာယီ ၂ နှစ်သက်တမ်းကျောင်း ၂၄ ကျောင်းတို့ကို ဖွင့်လှစ်ခွင့်ပြုခဲ့ကြောင်း တိုင်းပညာရေးမှူးရုံးမှ    စုံစမ်းသိရ သည်။

‘‘အစ်မသားနဲ့ သမီးကို ကိုယ် ပိုင်အထက်တန်းကျောင်းမှာထား တာ။ အစိုးရကျောင်းတွေနဲ့တော့ ကွာခြားတာပေါ့။ အင်္ဂလိပ်စာနဲ့ သင်္ချာမှာဆိုရင် အရမ်းသိသာ တယ်။ အဲဒီကျောင်းမှာက စာကို ပုံသေအလွတ်ကျက်တာ မဟုတ် ဘဲနဲ့ ကျောင်းသားဗဟိုပြုသင် ကြားနည်းပဲ။ ကျောင်းကတော့ မနှစ်ကထက် ဈေးတက်သွား တယ်။ တစ်တန်းကို ပျမ်းမျှတစ် သိန်းလောက်တော့ တက်သွား တယ်’’ဟု မိခင်တစ်ဦးက ပြော သည်။ မန္တလေးတိုင်းတွင် ဖွင့်လှစ်ခွင့်ပြုထားသည့် ငါးနှစ်သက်တမ်းရှိ ကျောင်း ၄၅ ကျောင်းအပါအ၀င် ၂၀၁၅ ပညာသင်နှစ်အထိ ကိုယ်ပိုင်ကျောင်း ၁၀၀ ရှိပြီ ဖြစ်သည်။

ပြီးခဲ့သည့် ၂၀၁၄-၁၅ ပညာ သင်နှစ်တွင် ကိုယ်ပိုင်ကျောင်း အသစ်ဖွင့်လှစ်ရန် လျှောက်ထား မှုမှာ ၃၁ ကျောင်းရှိပြီး ၂၃ ကျောင်းကို စမ်းသပ် တစ်နှစ်ဖွင့်လှစ်ခွင့်ပြု ခဲ့သည်။

၂၀၁၄-၁၅ ပညာသင်နှစ်၌ ကိုယ်ပိုင်ကျောင်း  ဖွင့်လှစ်ခွင့် လျှောက်ထားသည့် အချိန်ကာလ တွင် မိမိတို့၏ ကျောင်းများကို သတင်းစာများ၌  ကြော်ငြာခြင်းများပြုလုပ်သည်ဟု သတင်းများ ထွက်ပေါ်ခဲ့ပြီး တွေ့ရှိပါက ခေါ်ယူသတိပေးခြင်းများ ပြုလုပ်မည်ဟု ကိုယ်ပိုင်ကျောင်းများအား  အသိပေးအကြောင်းကြားမှုများ  ရှိခဲ့သည်။
7 day

No comments:

Post a Comment