သမ္မတ ဦးသိန်းစိန်နှင့် နိုင်ငံရေးပါတီများ တွေ့ဆုံပွဲတွင် အချိန်အခက်အခဲကြောင့် သမ္မတထံ တိုက်ရိုက်တင်ပြခွင့်ရသည့် ပါတီ ၁၁ ပါတီသာရှိ

သမ္မတဦးသိန်းစိန်နှင့် နိုင်ငံရေးပါတီများတွေ့ဆုံပွဲတွင် တက်ရောက်လာသည့် နိုင်ငံရေးပါတီ ၆၃ ပါတီအနက် အချိန်အခက်အခဲကြောင့် သမ္မတထံ တိုက်ရိုက်တင်ပြခွင့်ရခဲ့သည့် ပါတီမှာ ၁၁ ပါတီသာ ရှိခဲ့သည်။
သမ္မတဦးသိန်းစိန်သည် နိုင်ငံရေးပါတီအားလုံးနှင့် မတ် ၂၉ ရက်က ရန်ကုန်တိုင်းဒေသကြီး အစိုးရ အဖွဲ့ရုံး၌ တွေဆုံခဲ့ခြင်းဖြစ်ပြီး မှတ်ပုံတင်ထားသည့် နိုင်ငံရေးပါတီ ၆၅ ပါတီအနက် ၆၃ ပါတီမှ ကိုယ်စားလှယ် ၁၇၉ ဦး တက်ရောက်ခဲ့သည်။
အဆိုပါ တက်ရောက်လာသည့် ပါတီများကို သမ္မတထံ တိုက်ရိုက်တင်ပြခွင့်အတွက် မဲနှိုက်စေခဲ့ပြီး နံပါတ်စဉ် ၁ မှ ၁၁ အထိရသည့် ပါတီများက တိုက်ရိုက်တင်ပြခွင့် ရခဲ့ကြခြင်းဖြစ်သည်။

အဆိုပါပါတီများမှ တင်ပြခွင့်အတွက် ငါးမိနစ်စီ အချိန်ရခဲ့ပြီး တိုက်ရိုက်တင်ပြခွင့်ရခဲ့သည့် ၁၁ ပါတီမှာ ကယန်းအမျိုးသားပါတီ၊ ချင်းတိုးတက်ရေးပါတီ၊ ၈၈ မျိုးဆက်ကျောင်းသားလူငယ်များ (ပြည်ထောင်စုမြန်မာနိုင်ငံ)၊ ပြည်ထောင်စု ပအို့ဝ်အမျိုးသားအဖွဲ့ချုပ်၊ အမျိုးသားဒီမိုကရေစီအင်အားစုပါတီ၊ ချင်းအမျိုးသားဒီမိုကရက်တစ်ပါတီ၊ မြန်မာ့လူ့ဘောင်သစ် ဒီမိုကရက်တစ်ပါတီ၊ မွန်ဒေသလုံးဆိုင်ရာ ဒီမိုကရေစီပါတီ၊ ဇိုမီးဒီမိုကရေစီအဖွဲ့ချုပ်၊ အမျိုးသားဖွံ့ဖြိုးရေးနှင့် ငြိမ်းချမ်းရေးပါတီနှင့် ရှမ်းတိုင်းရင်းသားများ ဒီမိုကရက်တစ်ပါတီတို့ ဖြစ်သည်။

“ပါတီတစ်ခုကို ငါးမိနစ်ပြောရင်တောင်မှ ပါတီ ၆၀ ဆိုရင် မိနစ် ၃၀၀ လောက်အထိ ဖြစ်သွားနိုင်ပါတယ်။ တစ်နေကုန် ဆွေးနွေးလို့တောင် ပြီးချင်မှပြီးမယ့် အနေအထားဖြစ်ပါတယ်။ အဲဒီတော့ ကျွန်တော်တို့က အပိုင်းအားဖြင့် ခွဲခြားပြီးတော့ ပထမပိုင်းမှာတော့ ကျွန်တော်ပါဝင်နားထောင် ဆွေးနွေးပေးပြီးတော့ ကျန်တဲ့အပိုင်းတွေမှာတော့ ကျွန်တော်တို့ဆီက ပြည်ထောင်စုအစိုးရအဖွဲ့က တာဝန်ရှိတဲ့ဝန်ကြီးတွေ ရှိပါတယ်။ ပြည်ထောင်စု ရွေးကောက်ပွဲကော်မရှင်ဥက္ကဋ္ဌ ရှိပါတယ်။ အဲဒီတော့ ဒုတိယ ပိုင်းဆက်ပြီး ဆွေးနွေးသွားဖို့ ဖြစ်ပါတယ်။ နောက်တချို့လည်း ပြောစရာကျန်ရှိနေရင် ကျွန်တော်တို့ဆီကို စာနဲ့ပေနဲ့ ပို့ပေးလို့ရပါတယ်။ စာနဲ့ပေနဲ့ ပေးပို့တင်ပြလာရင်လည်း ဒါတွေကို အရေးယူဆောင် ရွက်ပေး သွားမှာ ဖြစ်ပါတယ်” ဟု သမ္မတဦးသိန်းစိန်က ၁၁ ပါတီတင်ပြမှု အပြီး ပြန်လည် သုံးသပ်ရာတွင် ပြောကြားသည်။

အဆိုပါတွေ့ဆုံပွဲတွင် အဖွင့်အမှာစကားပြောကြားရာ၌ သမ္မတ ဦးသိန်းစိန်က ဖက်ဒရယ်စနစ် အခြေခံသည့် ပြည်ထောင်စု ပေါ်ပေါက်ရေးဦးတည်ကာ နိုင်ငံရေးဆွေးနွေးပွဲကို ဦးတည်ကြိုးစားနေ ပါကြောင်း၊ နိုင်ငံလုံးဆိုင်ရာ အပစ်အခတ်ရပ်စဲရေး ပြီးဆုံးသည် နှင့်အဓိက အင်အားစုများ ပါဝင်သည့် နိုင်ငံရေးဆွေးနွေးပွဲ မူဘောင်တစ်ခုကို ရေးဆွဲသွားမည်ဖြစ်ပြီး အဆိုပါမူဘောင်မှတစ်ဆင့် မည်သူများပါဝင်သင့်သည်၊ မည်ကဲ့သို့ လုပ်ဆောင်သင့်သည် ဆိုသည်များကိုမူတည်ကာ နိုင်ငံရေးဆွေးနွေး ပွဲ လုပ်ဆောင်သွားရန် ပြင်ဆင်နေကြောင်းစသည်ဖြင့် ထည့်သွင်းပြောကြားသွားသည်။

“အချုပ်အခြာအာဏာကို ထိပါးမယ့်ကိစ္စနဲ့ ပြည်ထောင်စုမြန်မာနိုင်ငံက ခွဲထွက်မယ်ဆိုတဲ့ ကိစ္စတွေကလွဲရင် အခြားကိစ္စအားလုံးကို ဆွေးနွေးနိုင်ဖို့အတွက် တံခါးဖွင့်ထားပါတယ်”ဟု ၎င်းက ဆိုသည်။

အသက်ဝင်သည့် ဖွဲ့စည်းပုံအခြေခံ ဥပဒေတစ်ရပ်ကို ပိုင်ဆိုင်ရန်အတွက် လူ့အဖွဲ့အစည်း တစ်ရပ်လုံး၏ နိုင်ငံရေး၊ စီးပွားရေး၊ လူမှုရေးလိုအပ်ချက်များနှင့် သဟဇာတဖြစ်အောင် အခြေအနေ၊ အချိန်အခါအလိုက် ပြင်ဆင်ရေးသားရမည် ဆိုသည့်အခြေခံမူကို ၎င်းအနေဖြင့် ဆုပ်ကိုင် ထားရမည်ြ1ဖစ်ကြောင်း၊ ၎င်းအနေဖြင့်မူ မည်သည့်မြန်မာနိုင်ငံသား တိုင်းရင်းသား တစ်ဦးကိုမျှ မြန်မာနိုင်ငံကို နိုင်ငံရေးအရ ဦးဆောင်နိုင်ခွင့်ကို တားမြစ်ခြင်းမျိုး မဖြစ်စေ လိုသည့် စေတနာရှိသော်လည်း တစ်ဖက်တွင်လည်း မိမိတို့အကျိုးစီးပွားနှင့် မိမိတို့နိုင်ငံ၏ အချုပ်အခြာအာဏာ တည်တံ့ခိုင်မြဲရေးကို မထိပါးစေမည့် သင့်တင့်လျောက်ပတ်သည့် အကာအကွယ်ပေးနိုင်သည့် အခြေခံမူများရှိရန်လည်းလိုလားကြောင်း သမ္မတက ပြောကြားသည်။

နိုင်ငံလုံးဆိုင်ရာ အပစ်အခတ်ရပ်စဲရေးဆိုသည်မှာ အပစ်အခတ်ရပ်စဲရေး လုပ်ငန်းစဉ်များ ပိုမိုခိုင်ခံ့စေရန် ဦးတည်သကဲ့သို့ နိုင်ငံရေးဆွေးနွေးပွဲအတွက် တံခါးပေါက် ဖွင့်ပေးလိုက်ခြင်းလည်း ဖြစ်ကြောင်း၊ ထို့ပြင် အဆိုပါအပစ်အခတ်ရပ်စဲရေးတွင် လက်မှတ်ရေးထိုးကြသူများအနေဖြင့် နောက်ပြန်မလှည့်ပါဘူးဆိုသည့် သန္နိဋ္ဌာန်လည်း ဖြစ်ပါကြောင်းလည်း သမ္မတ ဦးသိန်းစိန်က ပြောကြားသည်။

သမ္မတထံ တိုက်ရိုက်တင်ပြခွင့်ရသည့် ပါတီများအနေဖြင့် တင်ပြမှုများ ပြုလုပ်ရာတွင် ငြိမ်းချမ်းရေး၊ ဖွဲ့စည်းပုံအခြေခံဥပဒေပြင်ရေးမပြင်ရေး၊ ပါတီငယ်များ၏ အခက်အခဲများ၊ သန်းခေါင်စာရင်းဆိုင်ရာကိစ္စများ စသည်တို့ တင်ပြခဲ့ပြီး အမျိုးသားဒီမိုကရေစီအင်အားစုပါတီမှ တင်ပြရာတွင် ကာကွယ်ရေးနှင့် လုံခြုံရေးကောင်စီကို ဖျက်သိမ်း၍ အဆိုပါကောင်စီ၏ တာဝန်နှင့်လုပ်ပိုင်ခွင့်များကို သမ္မတမှ တာဝန်ယူဆောင်ရွက်ရန်၊ တပ်မတော်သား လွှတ်တော်ကိုယ်စားလှယ်များကို အနာဂတ်လွှတ်တော်များတွင် အဆင့်ဆင့်လျှော့ချသွားရန်၊ နယ်စပ်ရေးရာ ၀န်ကြီးဌာနကို ဖျက်သိမ်းပြီး ပြည်ထဲရေးဝန်ကြီးဌာနအောက်သို့ ထည့်သွင်းရန်၊ ၀န်ကြီးနေရာအားလုံးတွင် သင့်လျော်သော အရပ်ဘက်ပုဂ္ဂိုလ်များအား ဦးစားပေးခန့်အပ်ရန် စသည်ဖြင့် တင်ပြမှုများပြုလုပ်ခဲ့သည်။

ချင်းအမျိုးသား ဒီမိုကရက်တစ်ပါတီ ဥက္ကဋ္ဌ ဦးဇိုဇမ်က တင်ပြရာတွင် တပ်မတော်သားများသည် လွှတ်တော် အမတ် ၂၅ ရာခိုင်နှုန်းပိုင်ဆိုင်ပြီး ဖြစ်သည့်အတွက် ရွေးကောက်ပွဲတွင် မဲပေးခွင့် ထပ်မံ မပေးရန် ၊ လေးပွင့်ဆိုင်တွေ့ဆုံမှုအစား တိုင်းရင်းသား ကိုယ်စားလှယ်တစ်ဦး ထည့်သွင်းကာ ငါးပွင့်ဆိုင်ဆွေးနွေး မှုဖြစ်စေရန် စသည်ဖြင့် တင်ပြမှုများ ပြုလုပ်ခဲ့သည်။

သမ္မတသည် နိုင်ငံရေးပါတီများနှင့် တွေ့ဆုံမှုအနေဖြင့် ယခင်က သုံးကြိမ်ရှိခဲ့ပြီး အတိုက်အခံပါတီ NLD အပါအ၀င် ပါတီ အားလုံးနှင့် တွေ့ဆုံမှုမှာမူ ယခုအကြိမ်သည် ပထမဆုံးဖြစ်ကြောင်း သိရသည်။

Eleven Media Group