ကမ္ဘာ့ကုလသမဂ္ဂ အထွေထွေအတွင်းရေးမှူးချုပ်ဟောင်း ဦးသန့်၏ ပုံတူ ပန်းပု ပန်းချီ အား လက်တွေ့ ထုလုပ် ရေးဆွဲပွဲတစ်ခုကို ဇွန်လ ၃ ရက် နံနက် ၁၀ နာရီမှ ညနေ ၄ နာရီထိ ပြင်သစ်ယဉ်ကျေးမှု ဌာနတွင် ပြုလုပ်သွားမည်ဖြစ်ကြောင်းသိရသည်။
မြန်မာနိုင်ငံအတွက် ဂုဏ်ယူဖွယ်ဖြစ်သလို ငြိမ်းချမ်းရေးပုဂ္ဂိုလ်တစ်ယောက်ဖြစ်သည့်အတွက် ဦးသန့် ကို ရွေးချယ်ခဲ့ခြင်းဖြစ်ပြီး ထုလုပ်ရေးဆွဲရရှိသော ပန်းပုနှင့် ပန်းချီကို ဦးသန့်ပြတိုက် သို့ ပေးပို့လှူဒါန်းသွား မည်ဖြစ်ကြောင်း ပုံတူ ပန်းပု ထုလုပ်မည့် ဦးကျော်ကျော်မင်း ( ပန်းပု) ကပြောသည်။
ဦးသန့်သည် ကမ္ဘာ့အဆင့်မီခဲ့သလို ဦးသန့်ပြတိုက်သည်လည်း ကမ္ဘာ့ အဆင့်မီပြတိုက်တစ်ခုဖြစ်လာရန် တတ်နိုင်သည့် နည်းလမ်းများဖြင့် လှုံ့ဆော်ရန် ယခုကဲ့သို့ ဆောင်ရွက်ခြင်းဖြစ်ကြောင်း ၄င်းကဆိုသည်။
ဦးသန့်သည် ကမ္ဘာ့ကုလသမဂ္ဂအဖွဲ့၏ ၃ ဦးမြောက် အထွေထွေအတွင်းရေးမှူး ဖြစ်ပြီး တတိယကမ္ဘာစစ်ဖြစ် ပွားမည့်အရေးကိစ္စရပ်များအပေါ် တားဆီးဖြေရှင်းပေးနိုင်ခဲ့သူဖြစ်သည်။
NLA
Popular Myanmar News Journal
No comments:
Post a Comment