ရခိုင်ပြည်နယ် ၀န်ကြီးချုပ်သည် ရခိုင်ပြည် သူတို့ရွှေးချယ် ထားသော ရခိုင် တိုင်းရင်းသား လွှတ်တော်ကိုယ်စားလှယ် တစ်ဦး သာဖြစ်ရမည် ဟု ရခိုင်အမျိုးသားပါတီက ဇွန် ၂၃ ရက်တွင် ထုတ်ပြန်ကြေညာလိုက်သည်။
ယင်းကြေညာချက်တွင် အသစ်ခန့်အပ် တာဝန်ပေးမည့် ရခိုင်ပြည်နယ်ဝန်ကြီးချုပ်သည် ရခိုင်တိုင်းရင်းသား တစ်ဦး ဖြစ်ရမည်။ အသစ်ခန့်အပ် တာဝန်ပေးမည့် ရခိုင်ပြည်နယ် ၀န်ကြီးချုပ်သည် ရွေးချယ်တင်မြှောက်ခြင်းခံရသော ပြည်နယ်လွှတ်တော် ကိုယ်စားလှယ်များထဲမှသာလျှင် ဖြစ်ရမည်ဟု ပါရှိသည်။
“ရခိုင် တိုင်းရင်းသား လွှတ်တော်ကိုယ်စားလှယ်တွေ ရှိပါတယ်။ ပြည်နယ်တစ်ခုရဲ့ ၀န်ကြီးချုပ်က အဲဒီပြည် နယ် က တိုင်းရင်းသားတွေပဲ ဖြစ်သင့်တယ်” ဟု ရခိုင်အမျိုးသားပါတီ ကိုယ်စားပြု လွှတ်တော် ကိုယ်စားလှယ် ဦးအောင်မြကျော်က မဇ္ဈိမကိုပြေသည်။
ရခိုင်ပြည်နယ် ၀န်ကြီးချုပ် ဦးလှမောင်တင်သည် ဇွန်လ ၁၉ရက်က ရာထူးမှ နုတ်ထွက်သွားပြီးနောက် ၀န်ကြီးချုပ် အသစ်ခန့်အပ်နိုင်ရေးအတွက် ပြည်နယ်လွှတ်တော်အစည်းအဝေးကို ဇွန် ၂၅ ရက်တွင် ခေါ်ယူမည် ဖြစ်ပြီး ရခိုင်ပြည်နယ်ဝန်ကြီးချုပ်အဖြစ် ခန့်အပ်မည့် ပုဂ္ဂိုလ်မှာ နယ်စပ်ရေးရာ ဒုတိယ ဝန်ကြီး ဗိုလ်ချုပ်မောင်မောင်အုန်း ဟု အကြိုခန့်မှန်းသတင်းများ ထွက်ပေါ်လျက်ရှိသည်။
ပုံစာ - နယ်စပ်ရေးရာဒုတိယဝန်ကြီး (စစ်တွေ ပဋိပက္ခ စုံစမ်းစစ်ဆေးရေးကော်မတီ ဥက္ကဋ္ဌ) ဗိုလ်ချုပ်မောင်မောင်အုန်း က စစ်တွေ ပဋိပက္ခ စုံစမ်းစစ်ဆေးရရှိမှုများနှင့်ပတ်သက်၍ ၂၀၁၄ခုနှစ် ဧပြီလ ၉ရက် မွန်းလွဲပိုင်းက ရန်ကုန်မြို့ ရွှေလီလမ်း မြန်မာ့ငြိမ်းချမ်းရေးစင်တာတွင် ရှင်းလင်းပြောကြားနေစဉ်။
Mizzima News Daily
No comments:
Post a Comment