မြန်မာနိုင်ငံ တရားစီရင်ရေးစနစ် လွတ်လပ်မှုမရှိလို့ ICJ ထောက်ပြ

 မြန်မာနိုင်ငံမှာ အာဏာပိုင်တွေက တရားစီရင်မှုတွေမှာ ဝင်ရောက်စွက်ဖက်မှုတွေ ရှိနေ တာကြောင့် ရှေ့နေတွေအနေနဲ့ ဥပဒေအကျိုးဆောင်ရာမှာ လွတ်လွတ်လပ်လပ် ဆောင်ရွက်ခွင့်မရှိသေး သလို တရားစီရင်မှုတွေမှာလည်း လာဘ်ပေးလာဘ်ယူမှုတွေ ရှိနေဆဲဖြစ်တယ်လို့ မနေ့ကရက်စွဲနဲ့ ထုတ်ဝေ တဲ့ ဆွစ်ဇာလန်နိုင်ငံအခြေစိုက် အပြည်ပြည်ဆိုင်ရာ ဥပဒေပညာရှင်များကော်မရှင် ICJ ရဲ့ အစီရင်ခံစာ မှာ ဖော်ပြထားပါတယ်။

၂ဝ၁၁ ခုနှစ်နောက်ပိုင်း မြန်မာအစိုးရက ဒီမိုကရေစီရေး ပြုပြင်ပြောင်းလဲမှုတွေလုပ်နေပေမယ့် အဂတိ လိုက်စားမှုတွေဟာ နေရာတိုင်းလိုတွေ့နေရတဲ့အတွက် တရားဥပဒေစိုးမိုးရေးကို အင်မတန်ထိခိုက်စေတယ် လို့ လည်း ICJ ရဲ့ အစီရင်ခံစာကဆိုပါတယ်။ လတ်တလောကာလမှာ လွတ်လပ်တဲ့ ထုတ်ဖော်ပြော ဆိုမှုတွေ ရနေတယ်လို့ဆိုနိုင်ပေမဲ့ ဥပဒေလမ်းကြောင်းအရဆောင်ရွက်တဲ့အခါမှာလည်း လေးစား လိုက်နာမှုရှိဖို့လိုအပ်တယ်လို့ ICJ အာရှပစိဖိတ်ဒေသဆိုင်ရာ ညွှန်ကြားရေးမှူး မစ္စတာ Sam Zarifi ကပြော ပါတယ်။

အထူးသဖြင့် တိုင်းရင်းသားဒေသတွေမှာ ဥပဒေစိုးမိုးမှု အထူးလိုအပ်နေသလို၊ လာဘ်ပေးလာဘ်ယူ ကိစ္စတွေ၊ လယ်ယာမြေ အငြင်းပွားမှုတွေဟာ နေရာတိုင်းမှာရှိနေတယ်လို့လည်း Sam Zarifi ပြောပါတယ်။ ICJ အဖွဲ့ရဲ့ အခုအစီရင်ခံစာကို မြန်မာနိုင်ငံအနှံ့က ဥပဒေအကျိုးဆောင်ရှေ့နေ ၆ဝ နဲ့ တွေ့ဆုံမေးမြန်းပြီး ထုတ်ဝေတာဖြစ်ပါတယ်။

ICJ အဖွဲ့ဟာ ကမ္ဘာ့ဒေသအနှံ့မှာ လူ့အခွင့်အရေး၊ တရားဥပဒေစိုးမိုးရေး တိုးတက်ရေးအတွက်ဆောင် ရွက်နေတဲ့ သြဇာအရှိန်အဝါကြီးမားတဲ့ အဖွဲ့အစည်းတစ်ခုဖြစ်ပြီး၊ ဒီအဖွဲ့ကို ၁၉၅၂ ခုနှစ်က စတင် ထူထောင် ခဲ့တာဖြစ်ပါတယ်။

RFA Burmese