ပြည်သူလူထူအား ကျန်း မာရေး စောင့်ရှောက်မှုပေးရာတွင် ကျန်းမာရေးဝန်ကြီးဌာနသာမက ပြည်တွင်း လူမှုရေးအသင်းအဖွဲ့များ၊ ကုလသမဂ္ဂ လက်အောက်ခံအဖွဲ့အစည်းများ၊ နိုင်ငံတကာလူမှုရေးအသင်းအဖွဲ့ များ၊ ပုဂ္ဂလိကနှင့် ဘာသာရေးအသင်းအဖွဲ့များက အနောက်တိုင်း ဆေးဝါးများဖြင့် ကျန်း မာရေးစော င့်ရှောက်မှုလုပ်ငန်းများ ဆောင်ရွက်နေသကဲ့သို့ မြန်မာ့တိုင်းရင်းဆေးဝါး များဖြင့် ကျန်း မာရေးစောင့်ရှောက် မှု ပေးခြင်းကိုလည်း တိုးချဲ့ဆောင်ရွက်လျက်ရှိကြောင်း ကျန်းမာရေးဝန်ကြီးဌာန ပြည်ထောင်စုဝန် ကြီး ဒေါက်တာဖေသက်ခင်က ဒီဇင်ဘာ ၁၆ ရက် နံနက် ၉ နာရီတွင် ကချင်ပြည်နယ် မြစ်ကြီးနားမြို့ မြို့တော် ခန်းမ၌ကျင်း ပသော ကချင်ပြည်နယ် အတွင်းရှိ ကျေးရွာများသို့ အရေးပေါ်သုံး မြန်မာ့တိုင်း ရင်းဆေးသေ တ္တာ ဖြန့်ဝေသည့် အခမ်းအနားတွင် ပြောကြားသည်။
ထို့နောက် ပြည်ထောင်စုဝန်ကြီး ကချင်ပြည်နယ် လွှတ်တော်ဥက္ကဋ္ဌ ဦးရားဝမ်ဂျုံ၊ ပြည်နယ်တရား လွှတ်တော် တရားသူကြီးချုပ် ဦးတူးဂျာ၊ ပြည်နယ်လူမှုရေးဝန်ကြီး ဒေါ်ဘောက်ဂျာတို့က ဝိုင်းမော်၊ မိုးညှင်း၊ ဖားကန့်နှင့် မိုးမောက်မြို့နယ်တို့မှ ကိုယ်စားလှယ်များအား အရေးပေါ်သုံး မြန်မာ့တိုင်းရင်းဆေးသေတ္တာ များကို ပေးအပ်ကြပြီး Nippon Foundation မှ Mr. Takasuki Nakajima နှင့် ညွှန်ကြားရေးမှူးချုပ်များက တနိုင်း၊ မန်စီ၊ ပူတာအို၊ ဆွမ်ပရာဘွမ်မြို့နယ်တို့မှ ကိုယ်စားလှယ်များအား အရေးပေါ်သုံး မြန်မာ့ တိုင်းရင်းဆေးသေတ္တာများကို ပေးအပ်ကြသည်။၂၀၁၀ ပြည့်နှစ်က ကချင်ပြည်နယ်အတွင်းရှိ ကျေးရွာများ သို့ မြန်မာ့တိုင်းရင်းဆေး သေတ္တာ ၅၀၀ ကို ပထမအကြိမ်အဖြစ် ဖြန့်ဝေခဲ့ပြီး ယခုအခါ ကျန်ရှိသော ကျေးရွာပေါင်း ၁၄၁၃ ရွာသို့ ဆက်လက် ဖြန့်ဝေပေးခြင်းဖြစ်သည်။
အရေးပေါ်သုံး မြန်မာ့တိုင်းရင်းဆေးသေတ္တာတွင် ပါဝင်သည့် ဆေးဝါးများသည် ခေတ်မီနည်းပညာများဖြင့် သုတေသနပြုလုပ်၍ တိုင်းရင်းဆေးရုံနှင့် တိုင်းရင်းဆေးကု ဌာနများတွင် လက်တွေ့ အသုံးပြုနေသည့် ဆေးဝါးများ ဖြစ်ပြီး ကိုင်တွယ်ထိန်းသိမ်းမည့် တာဝန်ခံများကို စနစ်တကျ ကိုင်တွယ် အသုံးပြုနိုင်ရန် သင်တန်းများ ပို့ချပြီး ဖြစ်ရာ အရေးပေါ်သုံး မြန်မာ့တိုင်းရင်းဆေးသေတ္တာကို ထိရောက်စွာ အကျိုးရှိရှိ သုံးစွဲခြင်းအားဖြင့် ကျေးလက်ဒေသ၏ လူမှုရေး၊ စီးပွားရေး ဖွံ့ဖြိုးတိုးတက်မှုကို များစွာ အထောက်အကူပြုစေမည် ဖြစ်ကြောင်း သိရသည်။
MOI Webportal Myanmar
No comments:
Post a Comment