မြန်မာနိုင်ငံ လူ့အခွင့်အရေးနှင့် ပတ်သက်၍ တိုးတက်မှုများရှိသလို လွတ်လပ်စွာ ထုတ်ဖော်ပြောဆိုခွင့်၊ စုဝေးခွင့်၊ သင်းပင်းဖွဲ့စည်းခွင့်တို့အပေါ် ဥပဒေများမှ ထိန်းချုပ်မှုများကို ပြုပြင်ပြောင်းလဲမှုရှိရန် လို အပ်ကြောင်း Forum-Asia မှ ပြောကြားသည်။
မြန်မာနိုင်ငံအနေဖြင့် လူ့အခွင့်ရေးတိုးတက်မှုများရှိကြောင်း၊ သို့သော် လွပ်လပ်စွာ ဆန္ဒထုတ်ဖော်ခွင့်၊ စုဝေးခွင့်များ ရှိသော်လည်း ဥပဒေတွင်ချုပ်ကိုင်မှုများရှိနေကြောင်း၊ ဥပမာ – ဆန္ဒထုတ်ဖော်မှု ခွင့်ပြုမိန့်များတောင်းခံခြင်းကို ဥပဒေအရ ပုဒ်မ ၅၀၅(ခ)၊ ပုဒ်မ ၁၈ တို့ဖြင့် ပြန်လည်ထိန်းချုပ် ထားကြောင်း၊ လွတ်လပ်စွာ ဆန္ဒထုတ်ဖော်ခွင့်တွင် ဆန္ဒထုတ်ဖော်သူများ၏ လုံခြုံရေးအရသာဖြစ် သင့်ကြောင်း East Asia Programme Officer John Liu က ပြောကြားသည်။
“နိုင်ငံတကာ ငြိမ်းချမ်းရေး အထိမ်းအမှတ်နေ့မှာ စုဝေးပြီး ငြိမ်ချမ်းစွာ စီတန်းလှည့်လည်ခွင့်တွင် ပါဝင်သူ (၉)ဦးကို ပုဒ်မ ၁၈နဲ့ တရားဆွဲတယ်။ တရားဆွဲတာကလဲ တစ်ခုထဲကို မြို့နယ် ဆယ်ခုကနေ တရား ဆွဲတာဆိုတော့ တစ်ခုထဲကို ဆယ်ခါခံရတဲ့ သဘောမှာရှိနေတယ်” ဟု ၎င်းက ဆက်လက် ပြောကြား သည်။
ထို့အပြင် မြန်မာနိုင်ငံတွင် လူအခွင့်အရေး ကော်မရှင်များရှိသော်လည်း ၎င်းတို့၏အလုပ်များကို အပြည့် အဝ ဆောင်ရွက်နိုင်ခြင်းမရှိကြောင်း၊ အင်အားသုံးဖြိုခွင်းမှုများတွင်လည်း အင်အားကို လိုအပ်သလောက် သာ အသုံးချရန်၊ UN မှ ချမှတ်ထားသော စည်းကမ်းများတွင်ပါရှိသောလက်နက်များကိုသာ အသုံးပြုရန်၊ ထိခိုက်နာကျင်သူများရှိလျင် အမြန်ဆုံးဆောင်ရွက်ပေးရန်နှင့် အမြန်ဆုံး အကြောင်းကြားသင့်ကြောင်း တို့ကို ပြောကြားခဲ့သည်။
ထို့အပြင် မြန်မာနိုင်ငံ အစိုးရသို့ ဥပဒေပြုပြင်ပြောင်းလဲရေးတွင် ငြိမ်ချမ်းစွာ စုဝေးခွင့်နှင့် စီတန်း လမ်းလျှောက်ခွင့် ဥပဒေတွင် နိုင်ငံတစ်ကာ စံချိန်စံညွှန်းများနှင့် မကိုက်ညီသော ကန့်သတ်ချုပ်ချယ်သည့် ပုဒ်မအားလုံးဖျက်သိမ်းရန်၊ လက်ရှိဥပဒေ ပြောင်းလဲရေး ကြိုးပမ်းမှုများတွင် ကုလသမဂ္ဂလူ့အခွင့်ရေး မဟာမင်းကြီးရုံး (OHCHR)ထံမှ နည်းပညာအကူအညီရယူရန် စသည့်အချက်များကို ၎င်းတို့၏အကြံပြု တိုက်တွန်းချက်များတွင် ဖော်ပြထားကြောင်းလည်း သိရသည်။
မြန်မာ့ခေတ်
No comments:
Post a Comment