ဒီမိုကရေစီစနစ်သို့
ကူးပြောင်းနိုင်ရေး လုပ်ဆောင်နေသည့် နိုင်ငံတကာ အသိအမှတ်ပြုမှု ရရှိ လာသည့်
နိုင်ငံတော်သမ္မတ ဦးသိန်းစိန်နှင့် အမေရိကန်သမ္မတ ဘားရက်အိုဘားမားတို့
အမေရိကန်ပြည်ထောင်စု ဝါရှင်တန်ဒီစီရှိ အိမ်ဖြူတော်တွင် မေလ ၂၀ ရက်နေ့၌
တွေ့ဆုံမည်ဖြစ်ကြောင်း အစိုးရအဖွဲ့နှင့် နီးစပ်သူများထံမှ သိရသည်။
မြန်မာသမ္မတ ဦးသိန်းစိန်မှာ အမေရိကန်အစိုးရအဖွဲ့၏
ဖိတ်ကြားချက်အရ အမေရိကန်
ပြည်ထောင်စုသို့ မေလ ၁၉ ရက်နေ့ခန့်တွင် ရောက်ရှိမည်ဖြစ်ပြီး မေလ ၂၀
ရက်နေ့တွင် သမ္မတအိုဘားမားနှင့် တွေ့ဆုံမည်ဖြစ်ကြောင်း ၄င်းတို့ထံမှ သိရသည်။
ဦးသိန်းစိန်၏ ယခု အမေရိကခရီးစဉ်မှာ အမေရိကန် အစိုးရ၏ဖိတ်ကြားချက်အရ
ပထမဆုံးသွားရောက်သော ခရီး စဉ်ဖြစ်ပြီး မြန်မာနိုင်ငံ အစိုးရအဖွဲ့၏
အမြင့်ဆုံး ခေါင်းဆောင်တစ်ဦး အနေဖြင့် ၁၉၆၆ ခုနှစ်နောက်ပိုင်း တွင်
ပထမဆုံး
ပြန်လည်သွားရောက်မည့် ခရီးစဉ်လည်း ဖြစ်သည်။ “သမ္မတအိုဘားမားနဲ့ တွေ့ပြီးရင်
အမေရိကန် လွှတ်တော်အမတ်တွေနဲ့ တွေ့ဖို့လည်း စီစဉ်ထားတယ်” ဟု
အစိုးရအဖွဲ့နှင့် နီးစပ်သူတစ်ဦးက ဆိုသည်။ နိုင်ငံတော်သမ္မတ ဦးသိန်းစိန်၏
အဆိုပါအမေရိကခရီးစဉ်မှာ သုံးရက်ခန့် ကြာမြင့် မည်ဖြစ်ကြောင်း
အစိုးရအဖွဲ့နှင့် နီးစပ်သူများကဆိုသည်။ ကမ္ဘာ့အင်အား အကြီးဆုံးနိုင်ငံ၏
သမ္မတ တစ်ဦးဖြစ်သည့် အမေရိကန်သမ္မတနှင့် ကာလတိုအတွင်း နှစ်ကြိမ်
သီးသန့်တွေ့ဆုံနိုင်ခြင်းမှာ ထူးခြားကြောင်း အမေရိကန် ပြည်ထောင်စုနှင့်
ပြည်ထောင်စုသမ္မတ မြန်မာနိုင်ငံတို့အကြား ဒီမိုကရေ စီမိတ်ဖက်အဖြစ်
ဖော်ဆောင်ခြင်း ဖြစ်နိုင်ကြောင်း နိုင်ငံရေးလေ့လာသူများက သုံးသပ်ကြသည်ဟု
၂၀၁၃ ခုနှစ် မေလ ၆ ရက်နေ့ထုတ် The Voice Daily သတင်းစာတွင်
ဖော်ပြထားပါသည်။
From... ခေတ်လူငယ်
No comments:
Post a Comment