လတ်တလော ထွက်ပေါ်နေသော သတင်းများအရ မြန်မာနိုင်ငံ ရဲဌာနချုပ်တွင်
ရဲဗိုလ်ချုပ်ကြီး ခန့်အပ်မှုမှာ မှန်ကန်မှုမရှိကြောင်း မြန်မာနိုင်ငံ
ရဲဌာနချုပ်မှ ဒုတိယရဲချုပ်ဖြစ်သူ ဇော်ဝင်းမှ Eleven Media Group သို့
ပြောကြားခဲ့သည်။
မြန်မာနိုင်ငံ ရဲတပ်ဖွဲ့တွင် ရဲချုပ်အဖြစ် တာဝန်ထမ်းဆောင်နေသော
ဗိုလ်မှူးချုပ် ကျော်ကျော်ထွန်း၏ နေရာတွင် အနောက်တောင်တိုင်း စစ်ဌာနချုပ်
တိုင်းမှူးဖြစ်သူ ဗိုလ်ချုပ်စိုးသိန်းအား ဒုတိယဗိုလ်ချုပ်ကြီး
ရာထူးသို့တိုးမြှင့်ပေးခဲ့ပြီး ရဲဗိုလ်ချုပ်ကြီးအဖြစ် ခန့်အပ်ခဲ့ကြောင်း
သတင်းများ ထွက်ပေါ်လျက်ရှိသည်။
မြန်မာနိုင်ငံ ရဲဌာနချုပ်မှ ဒုတိယ ရဲချုပ်ဖြစ်သူ ဇော်ဝင်းမှ
"ထွက်ပေါ်နေတဲ့ သတင်းက မှန်ကန်မှုမရှိပါဘူး။ ကောလဟာလသာဖြစ်ပါတယ်။ နောက်ပြီး
ရဲချုပ်ဟာ ဌာနမှာ လက်ရှိအချိန်ထိ တာဝန်ယူဆောင်ရွက်လျက် ရှိပါတယ်"
ဟုပြောကြားခဲ့သည်။
ထို့ပြင် ဗိုလ်ချုပ်စိုးသိန်း၏ နေရာတွင်လည်း ကာကွယ်ရေးဦးစီးချုပ်ရုံး
(ကြည်း) မှ ဗိုလ်မှူးချုပ်လူအေးကို အနောက်တောင်တိုင်း စစ်ဌာနချုပ်
တိုင်းမှူးအဖြစ် တာဝန်ပေးအပ်ခဲ့သည်ဟုလည်း သတင်းများ ထွက်ပေါ်လျက်ရှိသည်
ElevenMediaGroup
"ရဲဗိုလ်ချုပ်ကြီး ခန့်အပ်မှုသတင်း မှန်ကန်မှုမရှိကြောင်း ဒုရဲချုပ်မှပြောကြား" လို့လုပ်ပါကွာ။ ခေါင်းစဉ်ဖတ်လိုက်တော့ ရဲဗိုလ်ချုပ်ကြီးခန့်တာ ဒုရဲချုပ်ကမကြေနပ်သလို အဓိပါယ်ထွက်နေတယ်ဟ။
ReplyDelete