မြန်မာ-ထိုင်း ရိုးရာ လက်ဝှေ့ စိန်ခေါ်ပွဲ မကြာမီ ကျင်းပမည်

အားကစား ဝန်ကြီး ဌာန မြန်မာ နိုင်ငံ ရိုးရာ လက်ဝှေ့ အဖွဲ့ ချုပ်မှ ကြီးမှူးပြီး H & S Group မှ စီစဉ် ကျင်းပသည့် မြန်မာ နှင့်ထိုင်းရိုးရာ လက်ဝှေ့ (Imperial the Spirit of Myanmar) MYANMAR Vs THAILAND LETWHAY COMPETITION FIGHTS ကို ၂ဝ၁၃ ခုနှစ် ဇန်နဝါရီ ၂ဝ ရက် မွန်းလွဲ ၂ နာရီတွင် ရန်ကုန်တိုင်း ဒေသကြီး မင်္ဂလာ တောင်ညွန့် မြို့နယ် သိမ်ဖြူလမ်းရှိ သိမ်ဖြူအားကစားခန်းမ၌ ကျင်းပ ပြုလုပ်မည် ဖြစ်သည်။

အဆိုပါ စိန်ခေါ်ပွဲတွင် မြန်မာ့လက်ဝှေ့ အကျော်အမော် နှင့်ထိုင်း လက်ဝှေ့အကျော်အမော်သုံးတွဲတို့ ယှဉ်ပြိုင် ထိုးသတ်ကြမည့်အပြင် ပြည်တွင်းစိန်ခေါ်ပွဲ ငါးပွဲပါပါဝင်ထိုးသတ်ကြမည် ဖြစ်သည်။ မြန်မာ-ထိုင်း ပွဲစဉ်များတွင် တွေ့မရှောင် (မြန်မာ)နှင့် ဂျိုဝီဟ (ထိုင်း)၊တူးတူး (မြန်မာ)နှင့် ပက်ပကိုင် (ထိုင်း)၊ ထွန်းထွန်းမင်း (မြန်မာ)နှင့် ပွန်ပက် (ထိုင်း)တို့ အတွဲများကလက်ဝှေ့ပညာစွမ်းများ ဖြင့် အနိုင်မခံအရှုံး မပေးဘဲ ရေကုန် ရေခန်းထိုးသတ်ကြမည် ဖြစ်ပြီး ပြည်တွင်း ပွဲစဉ်ငါးချီပြိုင်ပွဲတွင် မိုက်တိုင်စန် (အလင်းရောင်) နှင့်ရဲရင့် (နဂါးမာန်)၊ လေးချီပွဲစဉ်များတွင် မင်းမဟာ(ဘိလပ်မြေစက်ရုံ) နှင့် ထက်အောင်ရဲ (ဝါဆို)၊ ခွန်ရှိုင်းထက် (ဝါဆို) နှင့် ထွန်းလုံရှိန် (ငြိမ်းချမ်းရေး)၊ ဖျံသွေး (ငြိမ်းချမ်းရေး) နှင့် ရဲရင့်ထွန်း (မုဒုံသား)၊ ဝမ်းဝမ်း (နဂါးမာန်) နှင့် တာဝိတ် (တော့ဝမ်း)တို့ကလည်း ကြိုးဝိုင်းအလယ်တွင် ထိုးကွက် သတ်ကွက်လက်ဝှေ့ ပညာရပ်ကိုပြကာ ပရိသတ်အကြိုက် ယှဉ်ပြိုင်ထိုးသတ်ကြမည် ဖြစ်သည်။

ယခု ကျင်းပမည့် မြန်မာ- ထိုင်းရိုးရာ လက်ဝှေ့ စိန်ခေါ်ပွဲသည် အကျော်အမော် ချင်းတွေ့ ကြသည့် ပွဲတစ်ပွဲ ဟုဆိုနိုင် သလို ပဝါမကူ ရေမရှူဘဲ ရေကုန် ရေခန်း ထိုးသတ်မည့် ပွဲများလည်း ဖြစ်ပေ လိမ့်မည်။

အသက်အပိုင်း အခြား၊ ဝိတ်တန်း၊ အရပ်အမောင်း နှင့်ပြိုင်ပွဲ အတွေ့အကြုံ များမှာ သိသိသာသာ ကွာခြားမှုမရှိဘဲ မတိမ်းမယိမ်းသာဖြစ်သည်။ သို့အတွက်ဝမ်းစုံချိုင်းကလပ်မှ လက်ဝှေ့ကျော်တို့က ကစားဖော်များရှုံးခဲ့သည့် ၂ဝ၁ဝ ပြည့်နှစ်က ရှုံးကြွေးကို ပြန်ဆပ်သွား လေမလာသို့တည်းမဟုတ် ပူပူ နွေးနွေးဒဂုံ ရွှေအောင်လံဆုရှင်များက အောင်မြင်မှုအရှိန်ဖြင့် ရှေ့ကိုဆက်လက်မောင်းနှင်လေဦး မလား ဆိုသည်ကို ဟာကနဲဟင်ကနဲဖြင့် မြန်မာလက် ဝှေ့ပရိသတ်တို့ မကြာမီအားမလိုအားမရ ရင်ခုန်စွာ မြင်တွေ့ ကြရမည် ဖြစ်သည်။

အလားတူ ပြည်တွင်း ပွဲများသည်လည်း ဇိုးကနဲ ဇက်ကနဲ ဘိုးကနဲ ဘက်ကနဲနဲ့ လက်ဝှေ့ ပညာရပ် များကို အံ့မခန်း စွာဖြင့် ပရိသတ်အကြိုက် ယှဉ်ပြိုင်ထိုးသတ်ကြမည့် ပွဲကောင်းများ ဖြစ်မည်ဟုလည်း ထင်မြင် ယုံကြည်ပါသည်။

အဆိုပါ မြန်မာ-ထိုင်းရိုးရာ လက်ဝှေ့စိန်ခေါ်ပွဲကို မည်သည့်ရုပ်သံလွှင့်ဌာနကမှ Live/Delay ထုတ်လွှင့် ပြ သမည်မဟုတ်ကြောင်းသိရသည်။ ရုံဝင်လက်မှတ်ခများကို ငွေကျပ် တစ်သောင်း ငါးထောင် ၊ ငွေကျပ် တစ်သောင်း နှစ်ထောင် နှင့် ငွေကျပ်ရှစ်ထောင်ဟူ၍ သတ်မှတ်ထားပြီး ကြိုတင်လက်မှတ်ဝယ်ယူ လိုသူ များအနေဖြင့် 'ဇော်' ပစ်တိုင်းထောင် (ဗီဒီယို) အမှတ် (၁၈ဝ) မြေညီထပ် ၃၅ လမ်း (အလယ်) ကျောက် တံတားမြို့နယ်သို့လည်းကောင်း၊ ဖုန်း ဝ၁-၂၄၉၁၁၇၊ ဝ၉-၄၉၂၄၅၅ဝ၅ နှင့် ဝ၉-၄၂၅ဝ၂၃၇၉၉ တို့သို့ လည်းကောင်း ဆက်သွယ်စုံစမ်းဝယ်ယူကာ ကြည့်ရှု နိုင်ပါကြောင်း မြန်မာ့ လက်ဝှေ့ပရိသတ်များအား သတင်း ကောင်းပါးအပ်ပါသည်။
မြ၀တီ