Saturday 5 December 2015

တိုက်ပွဲများ လုံးဝ ရပ်ဆိုင်းရေး ရှမ်းပြည်တိုးတက်ရေးပါတီနှင့် UPWC တို့ ထပ်မံဆွေးနွေးဦးမည်

ရှမ်းပြည်တုိုးတက်ရေးပါတီ၊ ရှမ်းပြည်တပ်မတော် (SSPP/SSA) နှင့် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီ (UPWC) တုို့ တုိုက်ပွဲများ လုံးဝ ရပ်ဆုိုင်းရေးအတွက် လာမည့် ဒီဇင်ဘာလ ၇ ရက် နေပြည်တော်တွင် ထပ်မံ တွေ့ဆုံဆွေးနွေးမည် ဖြစ်သည်။

ရှမ်းပြည်နယ် မုိုင်းရှူး၊ မုိုင်းနောင်၊ ကျေးသီးမြို့နယ်အတွင်း တုိုက်ပွဲ ဖြစ်ပွားခဲ့မှုကုို ရပ်ဆုိုင်းရေး၊ တုိုက်ပွဲကြောင့် ထွက်ပြေး တိမ်းရှောင်ရေသော စစ်ပြေးဒုက္ခသည်များ မိမိတို့ မူရင်း နေရပ်သုို့ ပြန်၍ ပြန်လည် နေရာချထားရေးနှင့် မုိုင်းရှူး၊ မုိုင်းနောင် မြို့နယ်အတွင်း ပိတ်ထားရသော စာသင်ကြောင်းများ အမြန်ဆုံး ပြန်လည် ဖွင့်လှစ်နုိုင်ရေး စသည့် အချက် ၄ ချက်ကုို အဓိက သွားရောက် ဆွေးနွေးသွားမည် ဖြစ်ကြောင်း SSPP/SSA ၏ ဗဟုိုကော်မတီဝင် ပြောရေးဆုိုခွင့်ရှိသူ ဗုိုလ်မှူးစုိုင်းဆု က ပြောသည်။

“နေပြည်တော်မှာ တွေ့ဖုို့ စီစဉ်ထားပါတယ်။ စစ်ပွဲတွေ ချုပ်ငြိမ်းရေး အဓိက ဆွေးနွေးမှာ ဖြစ်ပါတယ်။ UPWC ၏ ညှိနှိုင်းပေး မှုနဲ့ ဒီဒေသ အေးချမ်းနေတယ်ဆုိုတော့ ကျနော်တုို့အနေနဲ့ ကျေးဇူးတင်စကား ပြောရမယ်။ အပြန်အလှန် ယုံကြည်မှု လုပ်ဆောင်ဖုို့ ဖလှယ်ရမယ်။ စစ်ပြေးဒုက္ခသည်တွေ မူရင်း ဒေသကုို ပြန်ဖုို၊ ပိတ်ထားရတဲ့ စာသင်ကျောင်းတွေ အမြန်ဆုံး ပြန်ဖွင့်နုိုင်ဖို့ အဓိက ဆွေးနွေးသွားမှာ ဖြစ်ပါတယ်။” ဟု သူက မဇ္စျိမကုို ပြောသည်။

ထုိုဆွေးနွေးပွဲသုို့ SSPP/SSA မှ အထွေထွေအတွင်ရေးမှူး ဒုဗုိုလ်မှူးကြီး စုိုင်းခမ်းသီ ဦးဆောင်သော ကုိုယ်စားလှယ် ၆ ဦး သွားရောက် ဆွေးနွေးမည် ဖြစ်ကြောင်း သူက ပြောသည်။

ပြီးခဲ့သည့် နုိုဝင်ဘာလ ၂၃ နှင့်၂၄ ရက်က ရန်ကုန်မြို့ မြန်မာနုိုင်ငံ ငြိမ်းချမ်းရေး ပြန်လည်ထူထောင်ရေး လုပ်ငန်းဗဟိုဌာန (MPC) တွင် UPWC နှင့် SSPP/SSA တုို့ တွေ့ဆုံ၍ SSPP/SSA အနေဖြင့် မုိုင်းနောင်၊ မုိုင်းရှူး ကားလမ်းမြောက်ဘက်ခြမ်းသုို့ ရွှေ့ပြောင်း နေထုိုင်ရန်နှင့် မုိုင်းရှူး၊ မုိုင်းနောင် ကားလမ်း၏ တောင်ဘက်ခြမ်းရှိ ထိပ်တုိုက် ရင်ဆုိုင်နေရသော တပ်မတော် စစ်ကြောင်းများကုိုလည်း ရွှေ့ပြောင်း နေရာချထားရန်၊ လက်ရှိ ပဋိပက္ခကြောင့် ယာယီ ပိတ်ထားရသော စာသင်ကျောင်း ၁၇ ကျောင်းကုို အမြန်ဆုံးဖွင့်လှစ်ရန်နှင့် စစ်ပြေးဒုက္ခသည်များ နေရပ်ပြန်ရေး နှစ်ဖက် ပူးပေါင်းညှိနှိုင်းရန် စသည့် သဘောတူညီမှုများကုို ၅ ရက်အတွင်း အကောင်အထည်ဖော်ရန် သဘောတူညှိနှိုင်းခဲ့သည်။

ထုိုသုို့ နှစ်ဖက် ခေါင်းဆောင်များ တွေ့ဆုံ ဆွေးနွေး ခဲ့ပြီးနောက် ယနေ့ထိ တုိုက်ပွဲ ပြန်လည် ဖြစ်ပွားခြင်း မရှိဘဲ တည်ငြိမ်နေပြီး SSPP/SSA အနေဖြင့် မုိုင်းရှူး၊ မုိုင်းနောင် ကားလမ်း၏ မြောက်ဘက်ခြမ်းသုို့ ပြောင်းရွှေ့မည် မဟုတ်ကြောင်း ဗုိုလ်မှူး စုိုင်းဆုက ပြောသည်။

“ဆုတ်ခွာပေးဖုို့က နှစ်ဦးနှစ်ဖက် ဆွေးနွေးထားတာ ဖြစ်ပါတယ်။ ကျနော်တို့ဘဲ မဟုတ်ဘူး။ အောက်ခြေပုိုင်း အပြန်အလှန်ညှိနှိုင်းထားပါတယ်။ ဘယ်ဘက်မှ မရွှေ့သေးဘူး။ ဆွေးနွေးထားတာက နှစ်ဖက်ရွှေ့ရမဲ့ ကိစ္စလေ၊ ကျနော်တုို့က စစ်ပွဲကုို လုံးဝ ရပ်ဆုိုင်းသွားဖုို့ဘဲ ရှိပါတယ်။” ဟု သူက ပြောသည်။

ပြီးခဲ့သည့် အောက်တုိုဘာလ ၆ ရက်မှစတင်၍ အစုိုးရ စစ်တပ်နှင့် SSPP/SSA တုို့ တုိုက်ပွဲဖြစ်ပွားခဲ့သဖြင့် မုိုင်းရှူး၊ မုိုင်းနောင်၊ လားရှူး၊ လဲချား စသည့်မြို့နယ်များသုို့ ထွက်ပြေးတိမ်းရှောင်ခဲ့သော စစ်ပြေးဒုက္ခသည် ၁၀,၀၀၀ ကျော် ရှိနေပြီ ဖြစ်ကြောင်း သိရသည်။

SSPP/SSA သည် တစ်နုိုင်ငံလုံး အပစ်အခတ် ရပ်စဲရေးစာချုပ်မူကြမ်း(NCA)တွင် တုိုင်းရင်းသား လက်နက်ကုိုင် အဖွဲ့အစည်းများ အားလုံး ပါဝင်ခြင်း မရှိသဖြင့် လက်မှတ်ရေးထုိုးခြင်း မရှိသေးပေ။
mizzima

No comments:

Post a Comment