တပ်မတော်သားအရာရှိခေါင်းဖြတ်အသတ်ခံရမှုနှင့်ပတ်သက်ပြီး တရား ၀င်ဖြေရှင်းပေးရန် အစိုးရက KIO သို့အကြောင်းကြားစာပို့ထားပြီး စောင့်ကြည့်နေကြောင်း သမ္မတပြောရေးဆိုခွင့်ရှိသူ ဦးရဲထွဋ် က နေပြည်တော် ၌ ယခုလ ၁၉ ရက်က သတင်းမီဒီယာများနှင့်တွေ့ဆုံစဉ်ကပြောကြားခဲ့သည်။
KIO(Kachin Independence Organization) ပြောရေးဆိုခွင့်ရှိသူ ဦးလနန့် ကတော့ တပ်မတော်သားအရာရှိ ကို KIO သတ်သည်ဆိုသည်မှာ မြန်မာ့ တပ်မတော်၏ တစ်ဖက်သတ် စွပ်စွဲချက်များသာဖြစ်ကြောင်းနှင့် တိုက်ပွဲဖြစ်စဉ်ကို ထုတ်ပြန်ကြေငြာရန် မရှိကြောင်း ယခုလ ၁၉ ရက်ထုတ် ပြည်တွင်းသတင်းဂျာနယ် တစ်စောင်ဖြစ်သည့် Venus News သို့ ပြောကြားခဲ့သည်။
“နှစ်နှစ်တိုက်ပွဲကာလအတွင်း မိမိဘက်က ဖမ်းဆီးရမိတဲ့သုံ့ပန်းတွေကို လူ့ယဉ်ကျေးမှုနဲ့အညီ ပြုမူဆက်ဆံ ခဲ့တာ အားလုံးအသိဖြစ်တယ်” ဟု ဦးလနန့်က Venus News သို့ အီးမေးလ်မှ တစ်ဆင့်ပြန်ကြား ခဲ့သည်။
မြန်မာအစိုးရစစ်တပ်မှ အင်ခါဂါးကျေးရွာဒေသခံများကို ရိုက်နှက်နှိပ်စက် မှုများပြုလုပ်ခဲ့ပြီး ယခုဖြစ်စဉ် သည် ငြိမ်း ချမ်းရေးဖြစ်စဉ် ကို အတား အဆီးဖြစ်စေကြောင်း ဦးလနန့်ကပြောသည်။
ဦးရဲထွဋ်က ယခုကဲ့သို့ကိစ္စများကို အကောင်းဆုံးဖြေရှင်းနိုင်ရန် ပူးတွဲလေ့ လာစောင့်ကြည့်ရေးအဖွဲ့များ အမြန်ဆုံးဖွဲ့စည်းပြီး အောက်ခြေ အထိ လေ့လာကွင်းဆင်း၍ ဖြေရှင်းရန် ကြိုးစားနေကြောင်း အစိုးရ၏ လုပ်ငန်းစဉ်များကိုရှင်းပြခဲ့သည်။
သြဂုတ်၂၈ ရက်က ပူတာအိုခရိုင်၊ မချမ်းဘောမြို့နယ်အတွင်း နယ်မြေ စိုးမိုးရေးအတွက် ဆောင် ရွက်နေသော တပ်စုတစ်စုနှင့် KIO တို့ တိုက်ပွဲဖြစ်ပြီး တပ်မတော်အရာရှိတစ်ဦးနှင့် တပ်သား တစ် ဦးပျောက် ဆုံးကာ အင်ခါးဂါကျေးရွာအနီးတွင် ခေါင်းဖြတ်သတ်၍ မြှုပ်နှံထားခဲ့ကြောင်း ကာကွယ်ရေး ၀န်ကြီးဌာနက ထုတ်ပြန်ကြေငြာခဲ့သည်။ ။
MYANMAR EXPRESS GROUP From : .. YPI
No comments:
Post a Comment