အသေအပျောက် စာရင်းမှာ ယခုထက် မြင့်တက်လာဖွယ် ရှိနေဆဲဖြစ်ပြီး ဒဏ်ရာရသူ အရေအတွက်မှာ (၅၉)ဦးထိ ရှိလာကြောင်းလည်း သိရှိရသည်။ ကယ်ဆယ်ရေး လုပ်သားများသည် မွမ်ဘိုင်း ဆင်ခြေဖုံးရှိ သိန်းဒေသမှ အပျက်အစီးများကို ရှင်းလင်းနေဆဲ ဖြစ်သည်။ "လူတချို့လည်း အဆောက်အအုံ ပြိုကျတဲ့အောက်မှာ ပိတ်မိပြီး အသက်ရှင်ကောင်း ရှင်နေနိုင်သေးတယ်"ဟု ကယ်ဆယ်ရေး Missionကို ကြီးကြပ်နေသူ ရက်ဟူဗန်ရှိက ပြောကြားခဲ့သည်။ သောကြာနေ့ နံနက်ပိုင်းထိ ၎င်းတို့အဖွဲ့သည် အပျက်အစီးများအောက်မှ လူပေါင်း (၁၅)ဦးကို ကယ်ဆယ်ခဲ့ပြီး ဖြစ်သည်။
အဆိုပါ အဆောက်အအုံသည် ဆောက်လုပ်ဆဲဖြစ်ကာ (၄)ထပ်ထိ အပြီးသတ် ဆောက်လုပ်ထားကာ လူနေအိမ်နှင့် ရုံးခန်းများအတွက် စတင် အသုံးပြုနေပြီဟု ဆိုသည်။ နောက်ထပ် (၄)ထပ်ကို ဆက်လက် ဆောက်လုပ်ဆဲ အခြေအနေတွင် ယခုလို ပြိုကျခဲ့ခြင်းဟု သိရသည်။ အဆောက်အအုံ ပြိုကျမှု၏ အဓိက အကြောင်းရင်းကို လတ်တလောတွင် မဖော်ထုတ်နိုင်သေးချေ။ သို့သော်လည်း အိန္ဒိယတွင် အလားတူ မတော်တဆမှုမျိုးမှာ ဖြစ်လေ့ဖြစ်ထ မရှိတတ်ကြောင်း သတင်းများက ဖော်ပြသွားသည်။
Source: RT
No comments:
Post a Comment