Thursday 18 October 2012

KNU အရေးပေါ် ဗဟိုကော်မီတီ အစည်းအဝေး ကျင်းပမည်

 


ကရင် အမျိုးသား အစည်းအရုံး (KNU) သည် လာမည့် အောက်တိုဘာလ (၂၂) ရက်နေ့ ဝန်းကျင်၌ တပ်မဟာ (၇) ဌာနချုပ် စခန်းတွင် အရေးပေါ် ဗဟိုကော်မီတီ အစည်းအဝေး ကျင်းပဖွယ် ရှိကြောင်း ဗဟို ကော်မီတီဝင် တဦးဖြစ်သူ ဘားအံခရိုင် ဥက္ကဋ္ဌ ပဒို အောင်မောင်အေးမှ ပြောပါသည်။
ဗိုလ်ချုပ်ကြီး မူတူးဆေးဖိုး၊ ဗိုလ်မှူးချုပ်ဂျော်နီ၊ ပဒိုရောဂျာခင်၊ ပဒိုဒေး ဗစ်ထော (ဓါတ်ပုံ KNU)“သတင်းတွေ အရတော့ ကျွှန်တော်တို့ အောက်တို ဘာလ(၂၂) ရက်နဲ့ (၂၃) ဝန်းကျင် လောက်မှာ ပေါ့နော် လုပ်ဖြစ်မှာ ပါ။ ဒီကြားထဲမှာ အချင်းချင်း ရင်ကြားစေ့ရေးအစည်းအဝေး လိုမျိုးတော့ အရင်ထိုင်မယ်၊ ပြီးမှ တရားဝင် မျက်နှာစုံညီဗဟို ကော်မီတီ အစည်း အဝေးကို ထိုင်ကြမှာပါ” ဟု ဆိုပါသည်။

ယခုကဲ့သို့ အရေးပေါ် ဗဟိုကော်မီတီ အစည်းဝေးကျင်းပရခြင်းသည် ပြီးခဲ့ သည့် စက်တင်ဘာလအ တွင်း က ဘားအံမြို့၌ ပြုလုပ်ခဲ့သည့် ကေအဲန်ယူ ဗဟို ဆက်သွယ်ရေးရုံး ဖွင့်ပွဲ ကိစ္စနှင့် ပတ်သက်၍ စစ်ဦးစီးချုပ် ဦးဆောင် သည့် ကိုယ်စားလှယ် အဖွဲ့နှင့်ဗဟိုတို့အကြား သဘောထားတင်းမာမှု ဖြစ်ခဲ့ရာ က စ တင်ခြင်း ဖြစ်ပါ သည်။

ယင်းကိစ္စနှင့် ပတ်သက်၍ KNU ထိပ်တန်း ခေါင်းဆောင် သုံးဦး ဖြစ်သည့် KNLA စစ်ဦးစီးချုပ် ဗိုလ်ချုပ်ကြီး မူတူးဆေးဖိုး၊ အတွင်းရေးမှူး (၂) စောဒေးဗစ်ထော(အောက်တိုဘာလ ၁၄ ရက်နေ့က ကွယ်လွန်)နှင့် လူမှုဝန်ထမ်းနှင့် ကယ်ဆယ်ရေးဌာနတာဝန်ခံ ပဒိုရောဂျာခင်တို့အား အဖွဲ့မှ ထုတ်ပယ်လိုက်သည်။

ဗိုလ်ချုပ်ကြီး မူတူးဆေးဖိုးက ယင်းကိစ္စနှင့် ပတ်သက်၍ မြဝတီ မြို့၌ သတင်းစာ ရှင်းလင်းပွဲ တစ် ရပ် ပြုလုပ်ကျင်းပရန် စီစဉ်ခဲ့သော်လည်း ကရင်ပြည်သူ တို့၏ ၀ိုင်းဝန်း ဖိအားပေးမှုကြောင့် သတင်းစာ ရှင်းလင်းပွဲ အစီအစဉ်ကို ဖျက်သိမ်းပြီး အရေးပေါ်ဗဟို ကော်မီတီ အစည်း အဝေး ခေါ်ယူ ရန် ဖြစ်လာ ခဲ့သည်။

ဤဗဟို ကော်မီတီ အစည်းအဝေးမှ ကေအဲန်ယူ၏ (၁၅) ကြိမ်မြောက် ကွန်ဂရက် ကျင်းပ နိုင်ရေး အဆိုပြု ကြမည် ဖြစ်သလို အဖွဲ့အတွင်း တပ်မဟာ (၇) ခု၌ ဗဟိုကော်မီတီ (၃၀) ဦး အရန် ဗဟို ကော်မီတီ (၁၅) ဦးနှင့် ဗဟို အလုပ် အမှုဆောင် ကော်မီတီ(၁၁)ဦး ရှိသည်။


ref:phophtaw

No comments:

Post a Comment