EU ကောင်စီ ဥက္ကဋ္ဌ Herman Van Rompuy (ယာ) နဲ့ ယူကရိန်းသမ္မတ Petro Poroshenko (ဝဲ) သြဂုတ် ၃၀၊ ၂၀၁၄)
ယူကရိန်းနိုင်ငံ အရှေ့ပိုင်းမှာဖြစ်နေတဲ့ ပဋိပက္ခတွေကို Russia က နောက်ပြန်လှည့်လို့ မရတဲ့ အခြေ အနေဖြစ်အောင် တွန်းပို့နေတယ်လို့ EU ထိပ်တန်း တာဝန်ရှိသူတယောက်က ပြောပြီး Russia အစိုးရ သဘောပေါက်အောင် စီးပွားရေးအရ ပိတ်ဆို့အရေးယူမှုသစ်တွေ EU ကချမှတ်နိုင်တယ်လို့ ပြောကြားခဲ့ ပါတယ်။
EU ထိပ်သီးစည်းဝေးပွဲတွေကျင်းပနေတဲ့ Belgium နိုင်ငံ Brussels မြို့တော်မှာ EU ကော်မရှင်အကြီးအကဲ Jose Manuel Barroso က ယူကရိန်းသမ္မတ Petro Poroshenko နဲ့အတူ ပြောကြားခဲ့တာဖြစ်ပါတယ်။
ယူကရိန်းနဲ့ Russia နယ်စပ်နားမှာ Russia လိုလားတဲ့ ခွဲထွက်ရေး သူပုန်တွေက Russia တပ်ဖွဲ့ဝင်တွေ လက်နက်တွေ အထောက်အပံ့နဲ့ ဆက်လက် တိုက်ခိုက်နေချိန်မှာ EU က အရေးယူဒဏ်ခတ်မှုသစ်တွေ လုပ်မဲ့ ကိစ္စကို ပြောကြားခဲ့တာပါ။
ယူကရိန်းသမ္မတ Poroshenko ကလည်း လနဲ့ချီကြာနေပြီဖြစ်တဲ့ပဋိပက္ခကို နိုင်ငံရေးနည်းနဲ့ ဖြေရှင်းနိုင်ဖို့ အလားအလာဟာ Russia အစိုးရရဲ့ လုပ်ရပ်တွေကြောင့် ခြိမ်းခြောက်မှု ဖြစ်နေတယ်လို့ ပြောကြားခဲ့ ပါတယ်။
Russia ရဲ့ တပ်တွေ စစ်လက်နက်ပစ္စည်းတွေယူကရိန်းထဲမှာရှိနေတယ်ဆိုတဲ့ သက်သေတွေထွက်ပေါ်နေ ပေမဲ့ တပ်တွေကို ယူကရိန်းကို မလွှတ်ဘူးလို့ အကြိမ်ကြိမ် ငြင်းဆန်နေပါတယ်။
ဗွီအိုအေ (မြန်မာဌာန)
No comments:
Post a Comment