ဒီမိုကရေစီအပြောင်းအလဲ ကို ဆယ်စုနှစ်ပေါင်းများစွာ မျှော် လင့်စောင့်စားခဲ့ရသော ပြည်သူ လူထုအတွက် တစ်ခုတည်းသော ထွက်ပေါက်၊ တစ်ခုတည်းသော ရွေးချယ်ရာဖြစ်သည်။
သို့ဖြစ်၍ ဒီချုပ်သည် အောက်ခြေပြည်သူလူထုနှင့် တစ် သားတည်း ရပ်တည်နိုင်လျှင် အောက်ခြေကျောမွဲပြည်သူလူထု အများစုကြီးသည် ၀မ်းမြောက် ၀မ်းသာဖြစ်ကြမည်။ အောက်ခြေ ကျောမွဲပြည်သူလူထုနှင့် ဝေးကွာ လျက် ရပ်တည်ခဲ့မည်ဆိုလျှင်ပြည် သူလူထုအများစုကြီးသည် ရင်နာ ရမည်၊ ရင်မောရမည်သာဖြစ် သည်။
အမျိုးသားဒီမိုကရေစီအဖွဲ့ ချုပ် စုစည်းကျစ်လျစ်ခိုင်မာအား ကောင်းခဲ့ပြီး အောက်ခြေပြည်သူ လူထုကို မျက်နှာမူမည်ဆိုလျှင် မြန်မာ့နိုင်ငံရေး ရှေ့ခရီးတွင် အောက်ခြေပြည်သူလူထုအနေ ဖြင့် ပိုမိုတောက်ပလင်းလက် သောဘ၀များကို မျှော်လင့်စိတ် ကူးယဉ်နိုင်မည်ဖြစ်သည်။ လူထု ခေါင်းဆောင်နှင့် ဒီချုပ်ပါတီသည် င့ါမြင်းငါစိုင်း စစ်ကိုင်းရောက် ရောက်ထုံးကို နှလုံးမူလာမည်ဆို လျှင် အောက်ခြေပြည်သူလူထု သည်လည်းကောင်း၊ အောက်ခြေ ပါတီဝင်ထုသည်လည်းကောင်း ရင်မောရမည်၊ ရင်နာရမည်သာ ဖြစ်သည်။
ရွေးချယ်စရာမရှိ၍သာပေး လိုက်သည့်မဲ၊ အနူတောမှာ လူ ချောဖြစ်နေသဖြင့် ပေးလိုက်ရ သည့်မဲဖြစ်လာမည်ဆိုလျှင် ဒီချုပ် နှင့် မြန်မာ့နိုင်ငံရေးအနာဂတ်အတွက် လုံးဝမကောင်းနိုင်ပါ ကြောင်း မီးမောင်းထိုးဆွေးနွေးလို ပါသည်။
မကြာသေးမီနာရီပိုင်းက ထုတ်ပြန်ခဲ့သော အမျိုးသားဒီမိုက ရေစီအဖွဲ့ချုပ်၏ ပြည်နယ်နှင့် တိုင်းဒေသကြီးများအလိုက်လွှ တ် တော်အသီးသီး၏ ကိုယ်စားလှယ် လောင်းများစာရင်းကိုတွေ့ရှိရပြီး အရပ်ရှစ်မျက်နှာမှအသံများကို နားစွင့်ကြည့်သောအခါ အလွန် အမင်းစိုးရိမ်ဖွယ်ရာ အနေအထား များကိုကြားသိခဲ့ရသည်။
ဒေါ်အောင်ဆန်းစုကြည်နှင့် ပါတီဗဟိုခေါင်းဆောင်များအနေ ဖြင့် ထိုထိုကိစ္စများကို မသိ၊မကြား ခဲ့လေသလား၊ သိကြားလျက် သိ သိချည်းနဲ့ ဆုံးဖြတ်ခဲ့လေသလား။ ပါတီ၏ တိုင်းဒေသကြီးနှင့် ပြည် နယ်ပါတီကော်မတီအချို့က မသိ၊ မကြားနိုင်အောင် ဖုံးကွယ်ခဲ့လေ သလား၊ ဝေခွဲမရနိုင်ခဲ့ပေ။ ပြင် ဆင်မှုမှား စီစဉ်မှုအမှား၊ လုပ်ငန်း စဉ်အမှား စသည့်အမှားများစွာနှင့် ရစ်ပတ်ခဲ့သော ညီလာခံကာလ ဒီ ချုပ်ပါတီတွင်း အကျပ်အတည်း များကို ပိုမိုနက်ရှိုင်းရှုပ်ထွေးစေ မည့် ခြေလှမ်းများကိုကိုယ်စား လှယ်လောင်းရွေးချယ်ရာတွင် ထပ်တူပြုမှားခဲ့လေသလားဟု လည်း ယုံ မှားသံသယဖြစ်မိသည်။
အမျိုးသားဒီမိုကရေစီအဖွဲ့ ချုပ်ပါတီသည် အောက်ခြေပါတီ ၀င်ထု (သို့မဟုတ်) အောက်ခြေ ပြည်သူလူထုက တလေးတစား ရွေးချယ်ခဲ့သူများကို မည်သည့်အ တွက်ကြောင့် လွှတ်တော်ကိုယ် စားလှယ်စာရင်းမှ ပယ်ဖျက်ခဲ့ရ သနည်း။ တိုင်းဒေသကြီးနှင့် ပြည် နယ်ပါတီ ကော်မတီများတွင် အောက်ခြေပါတီဝင်ထု၏ ရွေး ချယ်မှုကို ကုလားဖန်ထိုးလျက်သူ့လူကိုယ့်လူ ဆွဲထည့်မှုများကိုမည်သည့်အတွက်ကြောင့် ပြုလုပ်ခဲ့သနည်း။
ပါတီထိပ်ပိုင်းခေါင်းဆောင် ကြီးအချို့၏ အနီးကပ်စောင့် ရှောက်မှုအောက်တွင်ရှိနေခဲ့သူ များသည် ပါတီအောက်ခြေနှင့်အ ဆင်မပြေလင့်ကစား ပါတီထဲတွင် စွမ်းဆောင်ရည်မမြင့်လင့်ကစား၊ မည်သည့်အတွက်ကြောင့် ကိုယ် စားလှယ်လောင်းစာရင်းတွင်ရှော ရှောရှူရှူပါဝင်လာရသနည်း။
မြို့နယ်ပါတီတွင် လူမှုရေး အရှုပ်အရှင်း၊ ငွေရေးကြေးရေး အရှုပ်အရှင်းရှိသူများသည် အ ဘယ်ကြောင့် ကိုယ်စားလှယ် လောင်းများစာရင်းတွင် မားမား မတ်မတ်ပါလာရသနည်း။မြို့နယ်ပါတီဝင်ထုအများစုက အကြိမ် ကြိမ်အခါခါမလိုလားကြောင်း ထုတ်ဖော်ခဲ့သည့် ကိုယ်စားလှယ် လောင်းများသည် အဘယ့်ကြောင့် စာရင်းတွင် ခံ့ခံ့ညားညားပါလာရ သနည်း။ စသည့်စသည့် မေးခွန်း ပေါင်းများစွာကို လူထုခေါင်း ဆောင် ဒေါ်အောင်ဆန်းစုကြည် နှင့် ပါတီဗဟိုခေါင်းဆောင်များကို မေးခွန်းထုတ်လိုပါသည်။
ပါသင့်ပါထိုက်သော ကိုယ် စားလှယ်လောင်းများ စာရင်းတွင် မပါရှိခဲ့ခြင်းအပေါ် ဒေါ်အောင် ဆန်းစုကြည်နှင့်ပါတီဗဟိုခေါင်း ဆောင်များသည် အလေးအနက် ထားလျက် တရားဝင်ဖြေရှင်းချက် ထုတ်ပြန်ပေးလိမ့်မည်ဟု အပြည့် အ၀ယုံကြည်ပါသည်။
ထို့အတူ မပါသင့်၊မပါထိုက် သောကိုယ်စားလှယ်လောင်းများ ကို တတ်နိုင်သမျှ စိစစ်လျက် မူ လစာရင်းထဲမှ ဖယ်ထုတ်နိုင်ရေး အမြန်ဆုံး ဆောင်ရွက်သင့် ကြောင်း တိုက်တွန်းလိုပါသည်။ ဆွမ်းဆန်ထဲရောမည့် ကြွက်ချေး များကို တတ်နိုင်သရွေ့ ဖယ်ထုတ် ရမည်မှာ ဒေါ်အောင်ဆန်းစုကြည် နှင့် ပါတီဗဟိုခေါင်းဆောင်များ၏ တာဝန်ပင်ဖြစ်သည်ဟု မှတ်ယူ သည့်အလျောက် အပြင်းအထန် တိုက်တွန်း ဆော်သြလိုက်ပါသည်။
ဒီချုပ်ပါတီသည် နိုင်ငံရေး စိုးရိမ်ရေမှတ်ကို ကျော်လွန်လာ နေပြီဟု ယေဘုယျကောက်ချက် ပြုနိုင်သည်။
မြန်မာနိုင်ငံတစ်ဝန်း မြစ် ချောင်းအများစုတွင် စိုးရိမ်ရေ မှတ်ကို ကျော်လွန်ကာအောက် ခြေပြည်သူလူထုများ ရေလွှမ်းမိုး မှုသဘာဝဘေးကို ကြုံတွေ့နေရ သည့်ကာလတွင် ဒီချုပ်ပါတီသည် လည်း စိုးရိမ်ရေမှတ်ကျော် ရေ လွှမ်းမိုးမှုကဲ့သို့ လွှမ်းမိုးမှုပေါင်းစုံ ကို ကြုံကာ နိုင်ငံတကာ အကျပ် အတည်းကြီးတစ်ခုကို ရင်ဆိုင် လာရဖွယ်ရှိနေသည့်အလျောက် စိုးရိမ်ပူပန် နေမိသည့်အတွက် တိုက်တွန်း ဆော်သြရခြင်းဖြစ် ပါသည်။
ဒေါ်အောင်ဆန်းစုကြည်နှင့် ဒီချုပ်ပါတီခေါင်းဆောင်များအ နေဖြင့် ကိုယ်စားလှယ်လောင်းစာ ရင်းတင်သွင်းရမည့် သြဂုတ် ၈ ရက်နေ့မတိုင်မီ လက်ရှိထုတ်ပြန် ပြီး ကိုယ်စားလှယ်လောင်းစာ ရင်းများအနက် အထူးသဖြင့် အောက်ခြေပါတီဝင်ထုနှင့် ပြဿ နာရှိနေသော စီးပွားရေးနှင့် လူမှု ရေးအရှုပ်အရှင်းများရှိနေသော ကိုယ်စားလှယ်လောင်းနေရာများ သို့အမြန်ဆုံးစိစစ်ဖော်ထုတ်လျက် ပြန်လည် သုံးသပ်သင့်ပါကြောင်း၊ အဆိုပါ ကိုယ်စားလှယ်လောင်း နေရာတွင် ပါဝင်သင့်ပါဝင်ထိုက် သည့် ကိုယ်စားလှယ်လောင်းများ ကို အမြန်ဆုံးအစားထိုးရွေးချယ် သင့်ပါကြောင်း တိုက်တွန်းအကြံပြုလိုပါသည်။
ထိုထိုကိုယ်စားလှယ်လောင်း များသည် ပါတီထိပ်ပိုင်းခေါင်း ဆောင်ကြီးများ၏ အရိပ်အာဝါသ ကို တိုက်ရိုက်ဖြစ်စေ၊ သွယ်ဝိုက် ဖြစ်စေ ရယူထားသူများဖြစ်သည့် အားလျော်စွာ စုံစမ်းမေးမြန်း စိ စစ်ကိုင်တွယ်ရာတွင် အလွန်အ မင်းခက်ခဲနိုင်သော်လည်း အဆိုပါ ပြဿနာများကိုဖြေရှင်းနိုင်သူမှာ လူထုခေါင်းဆောင် ဒေါ်အောင် ဆန်းစုကြည်တစ်ဦးတည်းသာရှိ သည့်အတွက် လာမည့်ရက်ပိုင်း အတွင်း မဖြစ်မနေ စိစစ်၊ ကိုင် တွယ်၊ ဖြေရှင်းသင့်ပါကြောင်းတိုက်တွန်းအကြံပြုလိုက်ပါသည်။
ဒေါက်တာ ရန်မျိုးသိမ်း
No comments:
Post a Comment